ما المطلوب لقيادة السيارة في أمريكا؟
السلام عليكم
عندي سؤال بخصوص رخصة السواقة في امريكا,
:111:
هل الواحد يقدر يسوق بالرخصة الدولية الصادرة من السعودية؟
وهل تكفى لوحدها ولا لازم يكون معي الرخصة السعودية مترجمة للإنجليزية؟
يا ليت الي يعرف وعنده خبره يفيدنا,
لأني بصراحة سمعت فتاوي كثيرة و مختلفة بخصوص الموضوع هذا.
ورجاء حار جدا,
الي ما يعرف أو غير متاكد يا ليت ما يقول شي.
ما ودي أتوهق مع الشرطة:92::
وجزاكم الله خيرا.
رد: ما المطلوب لقيادة السيارة في أمريكا؟
ان شاء الله تلاقي من يفديدك بالموضوع
رد: ما المطلوب لقيادة السيارة في أمريكا؟
الرخصه الدوليه سمعت يقولون تنفع لمده سته اشهر فقط
بس ماادري انا بالضبط
انتا جيب رخصتك وترجمها
وبامريكا اختبر رخصه ترى مو صعب
هنا بامريكا اختبارين للرخصه نضري وعملي
النضري كمبيوتر خمسه وعشرين سوال لازم تجيب عشرين سوال صح
طبعا الاختبار باللغه اللي انتا تبغاها في بالعربي
والعملي بعد ماتنجح من النضري يركب معاك شخص بالسياره وتاخذ فيه لفه بس لازم
تعرف شرووط السواقه الاشارات والسرعات وشغله شويه يبغالها تركيز
انا اختبرت في العملي ونجحت وادوني رخصه موقته اللين مااختبر العملي
ترى سهله الشغله
بالتوفيق يارب
رد: ما المطلوب لقيادة السيارة في أمريكا؟
مثل ماقل الأخ احتمال
لو انت تعرف تشوق ونجحت النظري ممكن تختبر العملي بسرعة
لكن لو ماتعرف تسوق أو لم يتم اصدار رخصة لك من قبل عندك مدة 3 اشهر الين تختبر العملي
ترجم رخصتك ان شاء الله تفيدك
سلام
رد: ما المطلوب لقيادة السيارة في أمريكا؟
والله اممممم
ايش اقولك..
اشوف عندنا شباب يخافون ويطلعون بس بالليل للي عنده رخصه دوليه
ويقول مابي حد يمسكني؟
ماني فاهمه يمكن غير مشروعه او ماتنفع لما يمسكه الكابس..
اتذكر هذا الحكي ..
بس من المستحسن تطلع لك رخصه امريكيه..
مو صعبه.. وعلى فكره تقدر تدخل واحد انجليزيته جيده وماخذ الاختبار قبلك يترجم لك..
انا دخلت مع طالبه توها فالمعهد انجليزيتها مش ولابد..
بس قبلها عطوني اورقه اوقعها وفيها اسمي..
منعاً للتغشيش و المسؤوليه..
بس ولاحد يدري عنك فالكمبيوتر داخل ومن فاضيلنا علشان يشوفنا..
خل الي معاك يترجم لك بس بنبره توقف عند الاجابه الصحيحه وهو راح يفهم ويختار ايه ولا بي..
هو غلط.. بس دامك مستعجل وتبي ليسن وتسوق بسرعه سوها..
واذا ماتبي انتظر واقرى الكتاب على مهلك وخذ معلوماتك وادخل الاختبار وموفق..
رد: ما المطلوب لقيادة السيارة في أمريكا؟
للمعلومية تختلف القوانين من ولاية لولاية لذلك الافضل انك تتأكد من المصدر المضمون في ولايتك ...
رد: ما المطلوب لقيادة السيارة في أمريكا؟
اشكر جميع الإخوان والاخوات على ردودهم.
للأسف حاليا ما اقدر أطلع رخصة أمريكية.
وكنت حابب أتاكد من صلاحية الرخصة الدولية في أمريكا.
يا ليت الي عنده خبر أكيد يفيدنا.