جامعة البترول أو الابتعاث على حسابي الخاص هندسه (نصيحتكم)

السلام عليكم ورحمة الله وبركاته ،،

ودي أحد يفيدني أدعي له بالخير ... حصلت على قبول في جامعة البترول وفي نفس الوقت ودي أطلع بعثة لأمريكا لكن الإشكاليه أخاف يكون تدريس البترول أفضل من الجامعات الأمريكيه .

_ أيهما أفضل جامعة البترول أو الإبتعاث على الحساب الخاص

_ زودوني ببعض الجامعات القويه في الهندسه


مع خالص الشكر ..

انا لو مكانك
ادرس في البترول
بالتوفيق لك

وش السبب طيب .. أنا أهدف من خلال الابتعاث عدة شغلات ..

1- اللغه القوية
2- التفرغ التام للدراسه بدون ارتباطات او انشغالات
3-قوة الجامعات الأمريكية
4-أحيانا يكون فيه نوع من الظلم والسيطره من الدكاتره في الجامعات العربيه
5-طريقة توصيل المعلومة أعتقد أفضل في امريكا
6-ارتباط بعض الجامعات بشركات قوية لإجراء التجارب العلمية المعاصره
7-ثقافة شعب

وباقي فيه 8 و 9 10 ... لكن قلق في النفس ما ادري وش سببه لو خرجت للإبتعاث برا ورجعت .. هل أن جامعة البترول هي مفضله بالنسبه للشركات السعوديه أفضل من الجامعات الامريكية

ترى فيه اكثر من 5000 جامعة امريكية ...وفي اللي من ضمن الافضل 100 جامعة تقريبا 60% منها جامعات امريكية

اذا انت مقتدر ماديا وعندك امكانية تقريبا الى 100 الف ريال انصحك تطلع على حسابك حتى يضمونك للبعثات ... ان شاء الله ما تصرفها كلها إلا وضموك للبعثات
او انك تقدم على المرحلة السابعه اذا معدلك يسمح

واذا عليك ضغط ماديا فبرضو البترول حلوه مره

والله الخيار لك ..... استشير ثم استخير .... ولكل واحد منها مميزات وسلبيات

انا درست في البترول قبل كم سنة.... ورايح لامريكا بعد اسبوعين.....

صراحة جامعة قوية لاتقل عن الجامعات العالمية.... واستغرب ان جامعة الملك سعود اعلى تصنيف منهأ .... لاني درست ترم في سعود حسيت اني دافور فيها (ماهو زود ذكاء لكن من فرق طريقة التعليم)

وكل كادر التدريس عندهم سي في ماهو بسيط .... ومدرسين اللغة كلهم خواجات _ يعني تطلع ولد باللغة مثلك مثل اللي طلع برى ويمكن احسن (بس كرف السنة الاولى يجبر الاغلبية على المغادرة)

واذا خلصت اللغة .... تطلع الفاونديشين .... يسمونه الجبل

المعدل بعد اللغة يعتمد على معدل الكلاس .... لهم طريقة يحسبون القريد حقك حسب قريد الكلاس ....

المهم بإختصار هي جامعة سمعتها وقوتها التعليمية تتحدث عنها .... واذا خلصتها مكانك في الشركات الكبرى ينتظرك .... لكن الدراسة فيها متعبة جدا..... لكن تطلع افضل من خريجين الجامعات الاخرى تعليميا

واكيد في امريكا خيارات اكثر وافضل .... وفيه خيارات اسهل بعد

استشير ثم استخير .... وتوكل على الله قبل كل شي

بالتوفيق

ماتسوا على حسابك قدم بعثه وبعدين غير التخصص

غير بالنسبه للجامعات القويه ترا فيهم الي شروطهم تعجيزيه او بمعنى شروطهم ماهي لواحد وراه يخلص لغه ولا يفكر باختباراتهم الي ماتنتهي

والبترول ابدا ماهي بطاله وفرصتك الوظيفيه حلوه من ناحيه انك بفتره دراستك تتدرب في شركات سعوديه وبعدين هالشركات تاخذك

اما من امريكا جالسين يرجعوا ومايحصلوا وظايف ويقوموا يرجعوا امريكا ياخذوا ماستر

وبنسبه الى اساتذه البترول فغالبيتهم خريجين برا واسلوبهم حلو

فبرايي استخير وشوف
وهل ودك بغربه ولا لا

موضوع الغربه عامل اساسي بالموضوع
انت حاب تطلع من المجتمع الي انت فيه
فاطلع اهم شي وقت الدراسه الواحد مرتاح باله

بس اذا عاجبك وعلى العكس ماتقدر تعيش بمجتمع غربي فليش تخاطر

انا مستعد لأمور الغربه ما عندي مشكله .. لكن اذا كان في امريكا الأفضل من جامعة البترول انا مستعد لكن تكون قابلية الشركات لي عاليه ..


النسبة تأهل ولله الحمد لكن الطموح هندسة والابتعاث ما فيه إلا طب لذا انا مضطر للذهاب على حسابي..

انا لو مكانك .. ادرس في البترول ..

لكن كل واحد ووجهة نظرة ..

البترول مايبيلها كلام :] ~

حبيبي عصفور بيدك ولا عشره برا


ادخل بترول ياحبيبي تقدر تتطور الانجلش حقتك لو في غرفتك اخوي نصيحه انا والله لو تقبلين البترول سيده انا اعطيك الايجابيات


١- قريب من اهلك واقربائك انت مارحت هناك ولا ذقت طعم الغربه قسم بالله تجيك ايام تدمع عيونك وتقول ياليتني جلست عند اهلي بس هي عقبات وبتروح يعني اول البعثه بتقول كذا وبعدين خلاص بس والله في ناس رجع ماكملو من الغربه

٢- وظيفه مضمونه ومكافئه عاليه


اجابيات الابتعاث

١-تجربه جديده (حياه جديده)

سلبياته

الوظايف هي سبب هم كل مبتعث والله في ناس رجعو ولا توظفو