فيزه تكنسلت جامعه طارت والسبب غير معلوم
السلام عليكم
يا اخوان انا ما كتبت هنا الا وانا متيقن من بعد الله اني بألاقي اجابه على سؤالي
انا طالب مبتعث لي سنتين تقريبا في امريكا.. ومرت الايام ورجعت السعوديه في اجازه وعلى اساس اني يوم ارجع راح ابدأ جامعه.. واتفاجأ وانا في السعودية بإيميل من الجامعه يقولون لي ان المعهد كنسل رقم السيفيس والفيزا !!!!
فيا اخواني احتاج احد يدلني هل اقدر احول دولة الابتعاث؟؟ لأن الفيزا ماراح تتجدد وحتى لو اقدر اجددها ماراح اوافق لأني كرهت شي اسمه دراسه في امريكا بعد اللي حصل.
واتمنى من الاخوان اللي بيدخلون يتفلسفون ياليت يحرمونا مشاركاتهم لو سمحتو.
وشكرا
رد: فيزه تكنسلت جامعه طارت والسبب غير معلوم
اول شي الله ييسر لك امورك
بس فيه شيء انا مافهمته يعني سنتين امضيتها في مرحلة اللغه؟ طيب ممكن الملحقيه اوقفت الصرف عليك وبعدين الغى المعهد رقم السيفس تبعك
والله مادري لكن حبيت ادعي لك
بالتوفيق
رد: فيزه تكنسلت جامعه طارت والسبب غير معلوم
الموضوع هذا عند الوزارة ... تحول لدولة ثانية ...
أنا أقول حاول تجيب قبول نهائي من دولة أخرى و أدخل فيه على الوزارة مع طلب بأنك لا ترغب بإكمال الدراسة في أمريكا بسبب إلغاء التأشيرة ... و أنك غير واثق من العودة لأمريكا لخوفك من إحداث مشاكل > هذه النقطة لإقناع من بالوزارة للتحويل ...
و إن شاء الله يحولونك ... أنا بنفسي شفت الوزير يشرح لناس تحويل إذا ما كان عندهم مشاكل بالمحلقية و كانت أمورهم سليمة ...
بالتوفيق ...
رد: فيزه تكنسلت جامعه طارت والسبب غير معلوم
لآحول ولآ قوه الا با الله الله يعينك
تاكد يا خوي وش السبب كان الله في عونك .. وهون على نفسك هذا مقدر من ربك
رد: فيزه تكنسلت جامعه طارت والسبب غير معلوم
الظاهر والله أعلم يمكن يوم نزلت للسعودية ماخبرتهم إنك بتنزل السعودية أو تعبي اوراق أو اي شي يثبت انك نازل ولك اجازة رسمية ف كنسلوه وهذا شي نظامي ليش الزعل ؟
عموماً أنا سويت زيك والله يستر لا يصيرلي نفس ماصارلك
رد: فيزه تكنسلت جامعه طارت والسبب غير معلوم
فيه كم واحد نفس حالتك ..قريت حالتهم في منتدى الملتقى السعودي ....
اطلع عليه وبعده قرر ..الله يفرجها عليك وعليهم يارب
http://www.saudiforum.us/vb/t106228.html
رد: فيزه تكنسلت جامعه طارت والسبب غير معلوم
سؤال يالغالي : قبل لاترجع للسعودية علمت مكتب الاكاديمي بالجامعة انك رايح للسعودية ووقعوآ لك ؟
إذا لا من حقهم يلغونها واحتمال يحطونك في البلاك لست ، لانك خالفت احد قوانين امريكا ، امريكا قوانينهم صارمة وكل شي نظامي
عموما ماعندي خلفية عن التحويل ، لكن انصحك في كندا
والله يوفقك والمستقبل قدامك لاتستعجل ولعلها خيرة لك
رد: فيزه تكنسلت جامعه طارت والسبب غير معلوم
الله يكون بعونك اخوي وان شاء الله امورك بتنحل بلطف من الله
وكل شي خيره من رب العالمين
وكم لله من لطف خفي يدق خفاه عن فهم الذكي
اتاكد ان الله بيعوضك بخير بس انت اسعى
رد: فيزه تكنسلت جامعه طارت والسبب غير معلوم
التحويل من خلال الوزاره ،، ولكن تستطيع استخراج فيزا جديده وليست بتلك الصعوبه ،،
النقطه الأخرى ،، اذا اردت التحوييل ،، دامك بالسعوديه تروح لمقرهم بالرياض وتقولهم السالفه ،، وأنصحك بنوزيلندا لأن كندا الملحقيه حقتهم مسببه لهم أزمه الله يعينهم ،،
رد: فيزه تكنسلت جامعه طارت والسبب غير معلوم
الله يعطيكم العافية ماقصرتو