الأعضاء الإشتراك و التسجيل

الملتقيات
ADs

بالله يا جماعه وش رأيكم في معلمة أمريكية قالت لي ....

بالله يا جماعه وش رأيكم في معلمة أمريكية قالت لي ....


NOTICE

تنبيه: هذا الموضوع قديم. تم طرحه قبل 2344 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية @Ibrahim@
    @Ibrahim@

    مبتعث مجتهد Senior Member

    @Ibrahim@ الولايات المتحدة الأمريكية

    @Ibrahim@ , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Health , بجامعة برعاية أبو متعب
    • برعاية أبو متعب
    • Health
    • ذكر
    • هدوووء, Illinois
    • السعودية
    • Jul 2010
    المزيدl

    July 15th, 2011, 11:15 PM

    هلا أخواني

    حبيت أقول لكم موقف صار لي اليوم وأسمع رأيكم ^_^

    كنا في المحاضرة اليوم ونتكلم عن الحر والبرد و فصول السنه!! المهم هي عارفه بأني أنا جيت لأمريكا في شهر 2011/1 يعني قبل 6 شهور... يعني أنا أول ماجيت كانت الدنيا ثلوج وبشكل هائل جداً .. المهم سألتني وقالت: هل كنت منصدم أول ما جيت لأمريكا من الثلوج .. قلت لها (لأ) لأني مُطلع على أحوال الطقس بأمريكا وكنت عارف بأن ولاية إلينوي من أكثر الولايات بتساقط الثلوج .. ثم قالت: هل عندكم في السعودية ثلوج .. قلت: لأ .. بعدين قالت كم درجة الحرارة بهالأيام بالسعودية .. قلت لها: في المدينه اللي أنا كنت ساكن فيها (الرياض) درجة الحرارة حالياً ما بين 47 الى 51 .. قالت: واااو حررر ... ثم سألتني سؤال رفع ضغطي وقالت: عندكم أشجار هناك؟ قلت لها: إيه عندنا ... بعدين قالت: أشجار كثير أو شوي .. (المهم حسيت بأني جاي من كوكب آخر) ثم قلت الأشجار قليلة جداً .. بعدين قلت: إحنا عايشن في صحراء وعشان كذا يسمونا "السباع" .. ابتسمت وقالت: إنت تمزح .. قلت: لا, ما أمزح وما عندنا سيارات و لا مواصلات نقل , إحنا فقط أقوى دولة مصّدره للنفط ...

    على فكرة: هي تحترمني إحترام كبير جدا وتحترم الناس بكل أجناسهم

    بس يا جماعه, هل تشوفون بأن ردي كان هجومي؟ أو عادي؟

    تحياتي لمن يقرأ الآن
  2. اول شيء عندنا ثلوج بتبوك

    المهم ردك حسب رأيي انه كان نقد لها لأنها ماتعرف شيء عن السعودية لا أكثر..

    ردك كان في محله بس بزيادة حبتين وشيء طبيعي ردك لانها زي الي يقول وش عندكم ما اعرف ان عندكم شيء زين بالنسبة لها
    7 "
  3. تحياتي لك اخوي ابراهيم

    بالنسبة لي اخذ الناس على حسن النية يمكن هي ما كان عندها سوء نية بسؤالها.

    واشوف ردك عليها كان واضح انه رد واحد غضبان.

    والدليل انها حست و قالت لك انت تمزح.

    مجرد وجهة نظر اخوي

    بالتوفيق لك اخوي
    7 "
  4. أخي الكريم ,,,,,,,,,,, تحية طيبة ((()))

    ردك كان جميل للغاية من وجهة نظري ولم يكن هجومي بقدر ما كان إسقاطي ,,

    على فكرة الأجانب يحسبون إننا بكوكب آخر ...

    لفتة : كنت من ضمن مجموعة طلاب الجامعة الذين استقبلوا السفير الامريكي في السعودية وتحديدا في منطقتي أيام دراستي الجامعية وكان اللقاء في فندق وعرضوا له الربع محتوى بوربوينت للتعريف بالمنطقة ...

    قال السفيرررررررررررررر : وووووووووواوووو عندكم بوربوينت !!!! شيء عظيم شيء جميل إنكم تعرفون تستخدمونه والكلام هذا قبل 6 سنوات تقريبا 2004 أو 2005
    7 "
  5. اكيد اخوي اهي تحترمك
    حتى في المنتدى احنا نحترمك ونعتبرك اخونا الكبير
    لكن الانسان غير معصوم عن الخطأ
    وتاكد انهم يحاولون يستفزون السعوديون علشان يطلعون اللي بداخلهم
    انا تعرضت لكثير من الاستفزاز لكن حاولت اضبط اعصابي
    لاني مسلمه قبل اكون سعوديه

    تتخيل مره جالسه انا وامريكيه ناكل شيبس لييز
    وسئلتني عندكم لييز
    قلت لها نعم بكل برود


    وحتى لو احترموك واحترموني ماراح يرضون علينا
    {وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ }البقرة120
    7 "
  6. هههههههههه .. على فكره منطقة في المملكه او ثنتين الثلوج تتساقط عليها

    تبوك وعرعر ..

    والمدرسه .. والله شكلها تستهبل ..وردك كان حلو ..وهي الفروض تكون مطلعه شوي

    انا مره سألتني طالبه اسيويه .. تقول يالله كيف ترحون للعمل عندكم بالخيول والجمال ..

    جيت ابي ارد عليها إلا وسبقتني المدرسه

    قالت كمااان ..السعوديه فيها سيارات ومن الدول المتطوره ومن هالكلام ..

    عااد المدرسه ماشاء الله عليها مطلعه على الثقافات السعوديه وهيك

    وعااد انا قلت للطالبه لا لا .. ان عايشين بالعصر الحجري ومعنا قنوه نشيلها معنا

    لكن يارجال الله يعين ويصبرنا

    يالله بالتوفيق
    7 "
  7. السلام عليكم ورحمة الله وبركاته
    الاخ الفاضل ... إبراهيم
    ردك من رايي بان فيه نوع من الانفعالية فلقد بان من ردك بانك غضبت
    ولنفرض بانها كانت تعتقد ذلك وان هذا الاعتقاد السائد عند اغلب الامريكيين فمن واجبنا ان
    نبين الصورة الحقيقية لبلادنا واننا لسنا مصدرين نفط فقط وليس لدينا معرفة بالامور الاخرى او ان بلادنا مجرد صحراء قاحلة
    فكان الاجدر بك ان تناقشها بحديث العقل والمنطق وتسألها لماذا سألت هكذا سؤال وهل هي تعتقد حقا" بما تقوله وماهي خلفيتها الثقافية بالنسبة للملكة العربية السعودية
    وكم هو جميل لو قلت لها بانك سوف تريها بعض الصور للملكة ومافيها من تطور عمراني هائل وطبيعة جميلة وتراث نعتز به
    ولايأخذ منك الاندفاع والغضب كل هذا المأخذ وليكن قدوتك دوما" حبيبنا وسيدنا محمد بن عبد الله علية افضل الصلاة والتسليم حيث وصانا بـ " لاتغضب "
    لاسيما انها تحترمك وتحترم جميع الجنسيات فلا اعتقد انها قصدت الاهانه بقدر ماكان سؤالها تأكيد لصورة عالقة في ذهنها وكثير غيرها
    أعتذر على الاطاله ...

    وفقك الله وبارك فيك ونفع بك وبعلمك ...،،،
    7 "
  8. عزيزي ردك شوي هجومي

    يعني ماعندنا مواصلات وسيارات احس مالها داعي

    لان احنى عندنا سياره صناعه سعوديه على يد مهندسيين سعوديين وجاري صناعة العديد منها (اسمها اصيله=ابحث عنها بقوقل)

    وبالنسبه للباصات عندنا باصات ابو ريالين بس قول احنى مانستخدمها

    تقبل تحيتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.