فـــــــي غـــــــــــــــايـــــة الأهــــــــمــــــيـــــة

السلام عليكم ورحمة الله وبركاته
ياجماعة انا محتار انا ادرس بمعهد بجامعة انديانابوليس بانديانا .. والمعهد كان متوسط المستوى ونظامه 5 كلاسات باليوم ..مدة كل كلاس 50 دقيقة فقط.
..والان المعهد اصبح ضعيف لتغير المعلمين الجيدين ..والمعهد نظامه مو عاجبني .. والمعهد مافيه الا 5 اجانب فقط من مجموع 90 طالب .. وانا ناوي احول لولاية اخرى لكن الخوف احصل نفس الشيء .. وانا والله باذل جهدي لاكن التطور في اللغه بسيط .. مع العلم اني ساكن بشقة لاني ماحصلت هومستي في ذلك الوقت.. والحين انا حصلت ورحت زرتهم وعجبوني .. لاكن المعهد مافيه اي شيء يجذبني له .. وخصوصا بعض المبتعثين ذكر ان غالبية المعاهد يكون فيه زميل محادثة لكل طالب .. وهذا مو متوفر بالمعهد ..وغير كذا الشعب مو فرندلي .. واذا رحت الاسواق والمحلات كلها محادثات بسيطة عن الاسعار والجودة واشياء اخرى بسيطة ..
والله يا جماعة محتار ..خصوصا انا محول من بوسطن من الملحقية لما وصلت امريكا .. وانا مفكر احول لايرلندا بعد اللغه لدراسة الطب بإذن الله.. وانا قلقان من سالفة التحويلات .. فأيش تنصحوني .. وممكن البعض يقول انت انسان تلعب .. كل فترة وانت محول .. ولكن هذا التحويل سيعتبر التحويل الاول لان التحويل السابق مو ذنبي ذنب الوزارة فالمعهد تم اقفاله من الملحقية وتم تحويل جميع الطلاب منه ..هذا عن معهد بوسطن .. وشكرا

اللغه لاتعتمد على معهد أو مدينه ،،
سيدي ،، كون صداقات مع أمريكان ،، ابحث ،، لاتضيع فترة اللغه في تحويلات بين المعاهد ،، نصيحه لك ،،
وإنديانا ميزتها ولايه رخيصه ،، لا تتعب نفسك وتضيع وقتك بدون أي فائده ،،
وفقك الله ،،

مثل ما قلت انديانا رخيصة ..لاكن الشعب مو فرندلي .. بعض الاحيان اتكلم مع بعضهم في البص ستيشن والباركس لاكن تحس الواحد نفسه بخشمه ... الا اذا انت تحب الهوكا فمستعدين يروحون معك الامريكان .. هذا اللي اكتشفته منهم
وشكرا على نصيحتك..

بالعكس شعب انديانا شعب طيب وحبوب وفرندلي لأقصى درجه مع احترامي الشديد لك

للاسف انا اشوف عكس ذلك.. انت باي مدينة بانديانا..ون صادفت عدة مواقف بنيت على اساسها رأيي

اقتباس:

---

المشاركة الأصلية كتبت بواسطة الشهد الصافي

ا.. وممكن البعض يقول انت انسان تلعب .. كل فترة وانت محول .. ولكن هذا التحويل سيعتبر التحويل الاول لان التحويل السابق مو ذنبي ذنب الوزارة فالمعهد تم اقفاله من الملحقية وتم تحويل جميع الطلاب منه ..هذا عن معهد بوسطن .. وشكرا

---

خدها قاعده دامك عارف اش تبغي واش قاعد شسوي اخر ماتفكر فيك كلام الناس حلول لين تشبع ولاتشيل هم