مدرس في معهد Embassy CES Boston downtown - قمة المعهزلة........!

فيديو مع التحية للملحقية
هل هو معهد لتعليم اللغة ام لتعليم الرقص!!

يتخيل لي ان فيه كاميرا تصور منظر الطلاب وهم يناظرونه
اتوقع الفيديو لو انتشر يمكن تتعرض للمسائله
هل طبيعة تصرف الاساتذه بهذا الشكل؟باقي ماجربت الدراسه
(قف للمعلم ووفه التبجيلا كاد المعلم ان يكون رسولا)
المعلم اذا ماكان له هيبه الطلاب يستهينو فيه مثل ماصار الحين
الله يعين

شكرا لكم على ردودك
الأخ دائما متفائل فأحب أقول لك أن الملحقية في سبات عميق
والأخت الإكتفاء بالمزيد أي هييبة بأزيدك من الشعر بيت
والله العظيم بعد ما خلصت من التصوير يقول لي اذا حطيته في اليوتيوب أعطني الرابط اشوف ؟؟؟؟؟؟؟
هذي هيبة ولا مسخرة

مع احترامي الشديد لك لكن مقطع الفديو الي نزلته (( ماشوف فيه اي شيء )) بالعكس
هذي ميزه للمدرس تُـحسـب له وليست ضده ===> الحصــه لاصارت كلها شرح في شرح رآح تشعر بالملل والطفش وماراح تركز في الفصل مهما كان استيعابك !!
لكن اذا صار فيها ولو دقيقه وحده ترفيه او ضحك او اي موضوع خارج الدرس يكون بقالب كوميدي زي ماسوا مدرسك راح يركز الطالب اكثر ويكون متشوق للحصه اكثر واكثر !!
هذا اذا سلمنا جدلاً بأن مدرسك كان فعلاً يلعب !!! المدرس جالس يشرحلك بطريقته الخاصه عشان يوسع صدرك شوف السبوره الي وراه وش فيها!!
اي نعم انا اوفقك انه فيه بعض المعاهد مدرسينهم سيئين بمعنى ليسوا (( مؤهلين للتدريس او ليسوا اكاديمين))
ولكن المقطع الي نزلته انت مايعتبر مقطع يُحـسب ضد المدرس قد يكون المدرس المذكور اعلاه يشرح كامل الحصه 40 دقيقه وقبل نهايه الحصه حب ان يضفي شيء من المرح على قلوبكم فاقدم لكم هذا المشهد الفكاهي الي ماتعدا 1 دقيقه وحده انا من المؤيدين لنوعيه هذي من المدرسين (( يشرح ولكن بقالب كوميدي او يضيف للشرح نوعاً من المرح )) والأهم بطبع الشـرح ولكن لامانع من إضافه المرح مع كل حصه يشرحها

بالعكس المدرس الي زي كذا انا احبه وستانس اكثر لادرسوني النوعيه هذي من المدرسين (( لإنه بيصبر عليك وعلى اسئلتك ))
وماراح يتضايق ابداً مهما سألته من سؤال حتى ولو كان الســـــؤال ماهو في محله !!
اضف الى ذالك انــك تقدر تمارس معاه اللغه وكأنه خويكـ لإنه يملك روح المداعبه والفلــه وتقدر بعد لو شغلت مخك شوي تكون معاه علاقه وتتواصل معاه وتستفيد منه بممارسه اللغه

وانــت لو مخلي عنك التـصوير وقمت ترقص معاه كأن احسن لك (( هــهــهــهــهاي )) ..

شكرا لك يا اخت رجيتك

انا معاك في كل كلمة قلتيها وعلى عيني وراسي
لو كان نظامه ثلاثة ارباع الحصة جد ويجيب شي طريف او مسلي عشان يغير الروتين شوي
بس هذا على طول رقص وضحك واستهبال
المعروف ايش ان المدرس هو اللي يضبط الطلاب لكن هنا العكس يعني احنا لو ما نكون معه شوي صارمين وما نحب نلعب
ولا كانت الدراسة في خبر كاااااان ولو كان مدرس من جد كويس ما يقبل بالغلط ما خلاني على راحتي اصور ولا قال عطني الرابط بعدين
بس أمنيتي تحضرين كلاس واحد فقط

ملاحظة ثانية عن المعهد //////
من بداية الصيف يعني قبل سبوعين جا طلاب جدد من برا ايش سوا المعهد
الطلاب الأجانب في كلاس والطلاب السعوديين في كلاس ( كلاس الطلاب الأجانب مافيه ولا سعودي ) ( كلاسي فيه فقط 15 طلاب سعودي )
الطلاب الأجانب عند أفضل المدرسين والطلاب السعوديين عند أسوء المدرسين
الطلاب الأجانب يداومون في الصباح ( وهو الدوام المحبذ لي ) والطلاب السعوديين في المساء

رحت لمديرة المعهد قلت ابي احول للصباح وليش حطيتونا يا السعوديين في كلاس والأجانب في كلاس احنا نبي نتعلم مثلهم
ايش كان ردها ؟؟؟ تبي تجلس اجلس ما اعجبك الوضع خذ ملفك واطلع ادق راسي في الجدر مثلا ..؟؟
هذا كله ليش ؟؟؟
لأنهم جايين على حسابهم الخاص طيب واحنى يا الطلاب السعوديين مو دارسين بفلوس

الله يكون بعونك
وعلى فكره تراني ذكر !

المعذرة
ارجوا انك تقبل عذري

دائما ينصح بالسؤال عن اي معهد قبل الدخول فيه
ونكرر دايما لا احد يدخل في معهد EF & ELS وتحصل كل الناس داخلينه
مع ان سعر الشهر في ELS لا يقل عن 1800 دولار
وتستطيع بهذا المبلغ الدخول لمعاهد مدة المستوى فيها من 7 الى 8 اسابيع