لو خيروك بين وظيفة في بنك براتب جيد وبين الابتعاث للماجستير ؟؟!!

انا عن نفسي ما اجلس بديرتي الا فوق 12 الف

غير كذا اكمل ماستر

الله يوفق الجميع
بس أتمنى ما تنصدم بالواقع اذا رجعت بالشهادة
لا تتأمل كثير أن الراتب فوق ال 15000
ناس رجعوا ومالقوا وظايف الله يصلحك
أو لقوا براتب أقل بكثييييير من اللي تقول
لا يكون عندك أحلام وردية
مو قصدي أحطم بس فكر بكل الناحيتين

كلامك صحيح اذا كنت تشتغلي بالبنك عقد عن طريق شركة توظيف
لكن لو موظفة رسمية تبع البنك بالعكس
راتب حلو وعلاوات و بونص واستقرار وظيفي عالي جدا

مع ملاحظة البعد عن البنوك الربوية
بالتوفيق

يشتغل بأي جهة في العالم ؟؟؟؟؟؟؟
هذا الكلام ينطبق على المصري واللبناني وغيرهم
لأنهم ما شاء الله عادي عندهم يعيش بأوروبا أمريكا أي مكان
بس أقصد نااااااااااادر تلقى سعودي يختار وظيفة بعيد عن أهله
خلنا واقعيين
شف وش الي يناسب حياتك في بلدك لأنك ماراح تروح تشتغل برا

8000 وفي بنك! ما هي مغرية أبداً

وإذا أنت أنت متزوج احسب حسابك لأنك ممكن ترجع ولا تلقى وظيفة بسرعة أو تلقى وظيفة أقل من طموحك

أنا أعرف من الدفعة الأولى 7 اثنين مهندسين واثنين إم بي أي مالية واحد موارد بشرية وثلاثة إدارة أعمال ، من أمريكا وكندا وبريطانيا واستراليا ، ولا واحد منهم حصل الوظيفة اللي يطمح لها وثلاثة منهم رجعوا لوظايفهم قبل ما يسافرون

وأهدافهم كانت مختلفة

واحد يبي يتمشى ويشوف الدنيا على كلامه (وفيه مثله كثير)
واثنين ما حصلوا وظائف قالوا يكملوا دراستهم عشان تزيد فرص التوظيف (فعلاً توظفوا بس ما يوصل الراتب 10 آلاف)
وثلاثة يبون يحسنون وظائفهم واثنين منهم رجعوا لنفس وظيفتهم وواحد لقى له وظيفه حليوه بعيدة عن أهله هالايام يبون يسرحونه عشان ما عاد عندهم مشاريع
وواحد كان يبي العلم والفائدة وتطوير نفسه في مجال عمله رجع لوظيفته وزادوه شوي بعد مطالبات

فالخلاصة لا تحسبون الناس مثل أول لا قالوا خريج أمريكا قال هذا أحسن واحد. خصوصاً أللحين اللي ما ينقبل في جامعات السعودية يقدم على الابتعاث
الناس فتحت وصار يدرون عن كل شيء وأكثر الوظائف يقولون يكفينا بكالريوس ما نحتاج ماستر

لكن بالنسبة للي يبي يكمل دكتوراه وبعدين يرجع للسعودية هذا أكيد (بعد توفيق الله) بيحصل فرصة في أحد الجامعات وخاصة إنها أللحين 25 جامعة وعندهم بدلات طيبة

آسف على الإطالة بس أتمنى إني وصلت المعلومة

بالتوفيق لك وللجميع

الدراسه لاتقارن بالوظيفه
اكيد الدراسه افضل

بالبدايه االله يوفقك اخوي انا موظف في بنك وقد توظفت في كذا بنك انا اقولك الدراسه افضل حتى لو راتبك 20 الف بالبنك

لانو البنك اذا كنت خدمة عملاء تعب وضغط نفسي والشي الثاني مطلوب عليك ارقام لازم تجيبها يعني اهداف بيعيه لازم تحققها كل شهر انا كلها كم شهر واطلع من البنك لانو الدراسه افضل بكثير اولا شهاده

والشي الثاني لاتفكر تطلع تفرغ دراسي من اي بنك سعودي

وهاذي نصيحتي لك

واذا ماكنت خدمة عملاء
اذا كنت بالادارة
كثير من الأقسام لا تارجت ولا شي

لالالالالالالالا يرحم امك
انا انصحك لوجه الله لا اريد منك لا جزاءا ولا شكورا ...

اذا حصلت لك وظيفه خذها وتوكل على الله . الحين انا اعرف 4 من اخوياي رجعوا ماجستير وش شروطهم يبون خبره اقلها 3 او 4 سنوات ... وهذاك خويك اللي توظف قبل حصل على راتب اعلى من راتبك ممكن والا نفس الراتب يعني ما كانك سويت شي

عموما انا نصيحه . خذ وظيفه على الاقل خذ خبره هذه اقل اقل شي . واذا قدرت تاخذ بعثه على الوظيفه والله حترتاااااااااح وصدقني ...

بعدها اكمل مسيره حياتك العلميه .

ولكن انا الان ندماااااااااااان جدا جدا جدا . اريد وظيفه واطلع بعثه . والان رجعت السعوديه املا ان احصل على وظيفه واطلع بعثه على الوظيفه هذه ان امكن .

تحياتي لك وارجوا انك ما تاخذ بخاطرك . بس وجه نظر ..

عن نفسي باختار وظيفه

خذها مني .. لو عندك امكانيه لاكمال الماجستير لاتتردد ولو لحظه .... البنك صحيح راح تكون مرتاح فيه ماديا من راتب وتأمين طبي عالي المستوى وبونص وحوافز وتذاكر سفر سنويه المتعه هذي تستمر معك لمده من 3 الى 7 سنوات فقط بعد هذي المده راح تحس ان الوضع بدا يصعب عليك لمن تشوف موظفين في البنك رواتبهم من 25 الف الى 40 الف راح تحس بالفرق وتندم على اضاعتك لفرصه الحصول على الماجستير

عزيزي بأختصار اصحاب شهادات الماجستير والشهادات العليا لهم وضع خاص وبرستيج ثاني
يعني اعطيك مثل بسيط جدا

لو حبيت تسافر مثلا وانت موظف في البنك وشهادتك ماجستير راح يحطونك علي الدرجه الاولى ... وهذا : مثال بسيط في اشياء اخرى راح تعجبك D

لك الاختيار بعد ذلك لمستوى حياتك .