لمن يمتلك افضل طريقه بالتعامل مع السفاره الامريكيه

اخواني السلام عليكم جميعا

ضروري للاهميه

افيدوني جزيتم عني كل الخير

انا سبق وان رفضت من السفاره الامريكيه عام 2009 شهر سبعه بالمقابله الشخصيه وكان لسببين واحد كان متوقعين اني ناوي هجره
عسى الله لا يغير علينا بالسعوديه والثاني كان غير موهل للدراسه مع اني متاكد ان نسبتي الدراسيه كانت احسن من نسبته اهو شخصيا المهم ؟
انا عندي مقابله عن قريب ومعي زوجتي وخايف لا يرفضوني مره اخرى على سبب غير منطقي ودراستي بتكون على سبتمبر بعد رمضان
من كان لديه تجربه مثل تجربتي ويرى الطريقه او التعامل او كيفيه الاسئله او whatever رجاءا يفيدني
مشكورين واسف على الاطاله
وكل عام وانتم بالف خير ورمضان عليكم مبارك الله يبلغنا صيامه وقيامه امين يارب وينعاد علينا وعليكم
انتظركم على احر من الجمر

هي اعتقد واقفه عالموظف اللي بيسوي معك المقابله ..
بس انت خلك صريح بالاجابة .. وخلي اوراقك كامله
اسئلتهم لي كانت عاديه ..
يعني وين بتدرس .. من بيتكفل بدراستك .. اخر مؤهل علمي اخذته .. ورنا الشهادة البنكية وكشف الحساب .. وبس ..


وتوكل على الله .. والله يسهل لك ان شاء الله

اخوي اولا واخيرا اتكل على الله


ثانيا خل كل اوراقك كاملة جدا

حاول انك تجيب مستندات تدعم غيها موقفك( شهادة دورات او برنت جوازات او الجوازات القديمة ) يعني اي شي تشوف انه يساعدك وانا انصح لوجة الله

( جاوب على السؤال ) عشان ماتفتح على نفسك ابواب واتمنى لك التوفيق

اخوي لاتشيل هم انا نسبتي 62 % تخيل معي

كل من رحت له قال ماهم قابلينك لا الجامعه ولا السفارة

جهز وضعك واوراقك كلها ورح

انا رحت بكل شي ممكن يطلبونه حتى اشياء مالها دخل :confused: وكل شي مصوره صوره ولا صورتين

بالاخير ما اخذت الا الا تونتي و الشهادة البنكية وكشف الحساب ( < فتحته من بعيد مادققت ابد ) و الجواز فقط !

وكم سؤال على الطاير متى تخرجت ووش سويت من بيتكفل بدراستك وين قد سافرت وش الولاية اللي بتروح لها ووش اسم الجامعة والتخصص اسئله ماتحتاج تفكير وشيلة هم

وبالاخير قالت مقبول رح لفيديكس

بعد 8 او 9 ايام تقريباً وصلني الجواز والفيزا الحمد لله

خذ كل اوراقك ولاتشيل هم

وبالنسبه لغير مؤهل للدراسة هذا اذا كنت جالس فتره بعد الثانوي ماسويت شي ولا اشتغلت

الوضع الحين احسن بكثير من 2009 الله يسهلها

الله يوفقك ويسر امورك
انا رفصت فيزتي اول مره وبعدها بأسبوع سويت المقابله واخذوا جوازي وبنتظار الفيزه الآن
نصيحتي لك خلك مرتآح واثق من نفسكـ ولا تتردد واهم شيء تكون صريح وبإذن الله تُقبل فيزتم
**** دعواتك لي بأن تخرج فيزتي في أقرب وقت

مسوي المقابلة في 9 جولاي وإلى يومك لا حس ولا خبر

يبيلهم صبر صارلي من 15-6-2011 ولم يرد رد
وكل ماادق عليهم يقولون تحت الاجراء