مشواري للدراسه في امريكا

السلام عليكم ورحمة الله وبركاته

مساكم .. صبحكم .. الله بالخير

اخواني حبيت اعرض عليكي موضوعي اللي شاغل بالي له كم يوم وياريت احصل الاجابه عندكم

انا قدمت على جامعة : california state university long beach

في ولاية : كاليفورنيا

قدمت عن طريق مكتب اسمه : Yes Atlas

وبعد تقديم اوراقي بـ شهر كلموني المكتب وقالو ان الجامعه راسلتنا وقالت نجيب لكم قبول المعهد اول ، وبعده نجيب قبول الجامعه .

انا صراحه ما ارتحت للكلام هذا خفت لا يعطوني قبول المعهد وادفع الرسوم واسافر وبعدين مايجيني قبول الجامعه ..

فـ ياريت اللي مرت عليه نفس المشكله من قبل يساعدني

او

اذا احد تعامل قبل كذا مع مكتب Yes Atlas يعطيني رأيه في مدى مصداقية هذا المكتب ..

وصراحه كان تعامل المكتب معايا مرره ممتاز .. لاكن في اخر الايام ما ارتحت لكلامهم ..

وعلكيم السلام ورحمة الله وبركاته......



أنا من رأيي أنك تدخل على موقع الجامعة وتاخذ رقم الموظف أو الموظفة اللي على التسجيل وتكلمها وتستفسر أفضلك

وثاني شي راح تلقى طلبات الجامعة للتسجيل في الموقع وهذا اللي حصل معي دخلت على موقع الجامعة قسم الطلاب الدوليين ولقيت كل طلباتهم

وطبعت الأبلكيشن وعبيته وجهزت الشهادة البنكية وأرسلتها للجامعة وطبعاً راسلت المعهد التابع للجامعة ووصلتني القبولات ولله الحمد وأنا الآن في بلد الدراسة لي أقل من شهرين

والأهم من هذا أني افتكيت من المكاتب ومراوغتهم والاعيبهم وللمعلومية كل هذا صار وأنا ما أعرف أنجليزي لكن استفزعت بأحد الشباب المتمكن من اللغة

وأنصحك تدخل في المنتدى قسم خدمات الطلاب بتلقى فيه قسم (( القبول والتسجيل )) أنا أستفدت منه جداً خاصة المواضيع المثبته


تحياتي لك وتمنياتي لك بالتوفيق والسداد

الله يعطيك العافيه اخوي سعد ..

لاكن المشكله اني دفعت 2000 ريال للمكتب .. يعني مضطر اني اكمل معاهم الين اشوف نهايتهم ..

وبالتوفيق لك اخوي سعد وان شاء الله نشوفك في اعلى المناصب يارب

اهلا

الله المستعان انا اتعاملت مع مكتب قلي اسبوع يجيك قبول المعهد وشهر يجيك قبول الجامعه
وجا قبول المعهد وسويت الفيزا ودراستي بعد كم اسبوع .. وللحين شهرين ونص ما جا قبول الجامعه

صبر جميل والله المستعان

أنتظر الين يجيك قبول الجامعة كل تأخيرة فيها خيرة لا تخرج من السعودية إلا معاك قبول الجامعة
قبول الجامعة غير ( القبول المشروط ) و قبول المعهد غير
قول ما ابي قبول المعهد أبي قبول الجامعة قبول المعهد تأخذه بيومين

انتبه من المكاتب نصابين ترى لازم توضح لهم انك تبي قبول مشروط للجامعه واذا سافرت بقبول اللغه بس خلي احد يراجع لك بالسعوديه الى مايجيبون قبول الجامعه .
سمعت عن حالتين نفس قصتك والاثنين سحب عليهم مكتب القبولات بعد ماسافروا بقبولات اللغه والله يوفقك