اجازة بدون راتب + الملحقية + طالب على حسابه الخاص + اجاباتكم لا هنتم

السلام عليكم

دراستي في بداية سبتمبر ومحتــار اقدم استقالة من عملي

والا أحاول آخذ اجازة بدون راتب كم شهـر واذا جاز لي الوضع ارسلت لهم الاستقالة ؟؟

اذا اخذت اجازة بدون راتـب وانا طالب على حسابي الخاص

هل الملحقية ينشبون لي عند فتح الملف ، يسألوني ؟؟

انتظركم ، اليوم يا اني اقدم استقالة او اصبـر واشوف ردودكم

وفق الله الجميع

إذا أنت موظف حكومي ... لا ...

إذا موظف أهلي ... ما عندك مشكلة ...

تقدم ... أنا موظف أهلي و لا زلت ... و اسمي بمكتب العمل و التأمينات الإجتماعية ... و لا أحد قال لي شيء ...

و الحمد لله التحقت بالبعثة ...

وعليكم السلام

ماعليش على المداخلة في قسم ليس قسمي الخاص

الأفضل انك تنتظر وتأخذ اجازة بدون راتب لمدة شهر وتقدم اوراقك الى الملحق الثقافي وبعدين تشوف ردهم أذا قبلوك قدم على استقالة واذا ماقبلوك ترجع الى وضيفتك ... وريح عمرك ...

وهناك موظفون حكوميين وخاصيين ... التحقوا في البعثة

... أنتظر رد بعض الاخوان من الاعضاء ...

تحياتي لك

انا موظف قطاع خـاص

انا انصحك انك تأخذ اجازهـ بدون راتب

وتروح تكمل دراستك


واذا وصلت الملحقيه فيه كم ورقه توقعها تعهد بأنك منت موظف ومن هالكلام

والله يووفقك

طع شوري بس . قدم استقالتك وصف حقوقك ورح ادرس ولا تفكر ترجع للوظيفة.

انا موظف حكومي وباتركهم واروح ادرس. بس قبل لا اسافر بكم اسبوع بارسل لهم استقالة وبس.

نصيحة أخوية لا تفكر تتمسك بالوظيفة الابتعاث والتاهل في الضم للبعثة الحين فرصة لا تعوض...

جزاكم الله خــير

لكن يعــني صحيح ان الملحقية تخليك توقع على تعهد انك منت موظف ؟

انا اقول افهق الوظيفه
لايفهقونك الملحقيه
بالتوفيق

اقتباس:

---

المشاركة الأصلية كتبت بواسطة Braveheart &&&&

انا اقول افهق الوظيفه

لايفهقونك الملحقيه
بالتوفيق

---

ههههههههههههههههههه

كلش ولا الفهق ، يفهقونـا نروح فيها

عافانا الله واياك من شر الفهق

ايه يا اخوك فيه تعهدات توقعها بأأأنك منت موظف ..


والله يووفقك