الأعضاء الإشتراك و التسجيل

الملتقيات
ADs

مساعدة والله تايهه يااخوان :( < الي يجاوبني راح ادعي له من كل قلبي

مساعدة والله تايهه يااخوان :( < الي يجاوبني راح ادعي له من كل قلبي


NOTICE

تنبيه: هذا الموضوع قديم. تم طرحه قبل 2339 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بدر الدلبحي
    بدر الدلبحي

    مبتعث مستجد Freshman Member

    بدر الدلبحي السعودية

    بدر الدلبحي , ذكر. مبتعث مستجد Freshman Member. من السعودية , مبتعث فى السعودية , تخصصى الصحه , بجامعة لايوجد
    • لايوجد
    • الصحه
    • ذكر
    • الرياض, الرياض
    • السعودية
    • Jun 2010
    المزيدl

    July 22nd, 2011, 06:21 AM

    السلام عليكم ..


    كيف حالكم ان شاء الله بخييييييييييييييييييييير ..

    اول شئ يااخوان حاب اقولكم شئ بداخلي ودي اطلعه كله هنا وبرتااح .. والله الضيقه كتمتني حيييل من هالمعهدد

    اقولكم وش قصتي ..

    انا ادرس في معهد اسمه سنترال واشنطن يونفيرستي في مدينه صغيره اسمها الينسبيرغ ولافيه عوائل امريكيه اسكن معهم علشان يعلموني اللغه صح وتأسس صح والمعهد فاشل لدرجة يااخوان يعطونا برقراف اول ماوصلنا يالله اكتبو برقراف كيف نكتب برقراف وحنى مانا عارفين شلون طريقته ويوم اكلم الدكتور اقول شلون تبيني اكتب برقراف يقول لي براكتس براكتس براكتس < كرهت هالكلمه يوم يقولها .. صحيح ان الكتابه مع البرقراف تحفظ فيها كلمات معاك بذي بس مانعرف متى نحط [,] وو الخ .. هي الاساس في البرقراف .. وثاني شئ المعهد يبدى في تأسيسك من المستوى الثالث يعني ماباقي الا مستوايين وراح تدخل الجامعه .. راح من عمري 8 اشهور من دون ذيك الفايده الي استفيدها مثل المعاهد الثانيه القويه مثل اليوبن و دركسل لاني اعرف لي كذا واحد جاي قبلي ودرس فيها ولغته تمام التمااام واموره ماشيه ومحتار يااخوان احول مااحول والي مصبرني على هالمعهد انهم قابليني قبول مشروط يعني مجرد ماخلص المعهد ادخل الجامعه .. وخوفي ادخل الجامعه واتعب فيها ..

    يااخوان بهالحاله ذي وش اسوي انقل ولا ماانقل بس خوفي انقل لمعهد ثاني قوي ومجرد ماخلص المعهد غصب علي اختبر توفل والتوفل على كلام الشباب انه شوي فيه صعوبه وهذا الي مخوفني

    وكل مااكلم احد بموضوعي يقول خليك احسن لك قبول مشروط وتخش الجامعه وانت مرتاح والثاني يقول لي لا ياخي انقل لمعهد يأسسك صح علشان ترتاح في الجامعه بهالحاله ذي شسوي مو يقفل مخك

    ياليت ياخوان تنقلون لي صوره صح امشي عليها لاني صراحه تعبت وتقفل مخي مدري وش الي علي والي ماهوب علي وش تنصحوني فيه انقل وروح مدينه كبيره ومعهد قوي وتأسسيسه زين لان فيه كذا معهد عارفه في امريكا قوي بس عيبو جامعته ماتعطي قبول مشروط ..
  2. بسم الله والصلاة والسلام على رسول الله سيدنا محمد

    اخوي العزيز والغالي لك مني دعوة بأن الله يوفقك ويذلل الصعوبات قدامك وبما انك طلبت المشورة فأنا راح اقولك رايي بكل صدق واتمنى من الله ان يعينك في اختيار القرار الصائب

    اخوي انت بألاساس طالع تتعلم فياليت تشيل من راسك كلمة راح من عمري لأنة طول مانت حي وتتعلم هذا مو خسارة لكن الخسارة اذا كان بدون فايدة اخوي العزيز انا من رأيي اذا انت ترى في نفسك انك لازلت متقن للغة فانت حاول تغير المعهد ولايهمك شي اسمة توفل او اي اختبار ثاني لأنه اذا ركزت وذاكرت وفهمت وحفظت راح يكون الاختبار كأنة لعبة بين ايدينك وانت بالاساس طالع تتعلم شف لك معهد ثاني واسال عن سمعتة وكيف نظام الدراسة واذا شفت نفسك تبي تغير صل الاسخارة وبعدها شف وش اللي انت مرتاح له
    لأنة تذكر في الجامعه الدكتور ماراح يجلس يشرح لك معاني كلمات انجليزيةلأنه ماراح يلقى وقت يخلص الكلاس حثة بالوقت المحدد

    اتمنى لك التوفيق والسداد يالغالي
    7 "
  3. صباح/ مساء .. التوفيق والرضا والسعادة
    أخي الفاضل : بدر .. آملة أن تكون بأفضل حال وما بين غمضة عين وانتباهتها يغير الله من حال لحـال : )
    وكونك قلق على مستقبلك وطموح لا تغضب على الأشهر التي مضت لماذا ؟! لأن الله سبحانه وتعالى قال : (( إنا لا نضيع أجر من أحسن عملاً )) وبإذن الله لن يذهب تعبك هباءاً منثوراً ..
    وأنا هنا لن أقول لك عادي ولكن أريد أن أقول لك لكل شيء حـل وأنا رغم إنني لا أعلم مدى تمكنك من اللغه ولكن أشعر بأنك ماشاءالله متمكن نوعاً ما ولكن استياءك من معهدك وخوفك وقلقك من الآتي جعلك تشعر بانك لم تستفيد ابداً ..
    حاول بقدر ما تستطيع أن تهدأ من روعك وتثق بأن بعد العسر يسراً وبعد الضيق فرج وصدقني البدايات المتعبة نهايتها سعيدة وأتمنى من أخوتي الأعضاء أن يدلوا عليك بالأمر الرشيد ..
    وتأكد ما تشعر به يشعر به الكثير من أخوتك المبتعثين
    أسئل الله أن يوفقك ويسهل أمرك ويجعل لك من كل خير نصيباً وإلى كل خير سبيلاً وأن يحسن عاقبتك في الأمور كلها ويجيرك من خزي الدنيا وعذاب الآخـره
    أشعر بانك في القريب العاجل ستوافينا بالبشائر وستصبح بلبل في اللغه الإنجليزية : ) لم لا كل شيء ممكن بإذن الله
    أختك : مياسين
    7 "
  4. عزيزي المعهد يديك فقط 30% والباقي عليك ....اذا حاب أشوف لك معهد يبدأ فيك من البداية فــأبشر ....على كل حال الجامعة التى تديك قبول مشروط

    وتسمح لك بدخول الجامعة عند الوصول للمستوى معين في اللغة فهذا أشوفه مناسب لك وعلى فكره عزيزي الدراسة الجامعية عندما تبدأ فيها وانت لم تتقن اللغة سوف تتعلم لاحقا أشياء ومصطلحات

    لم تكن تعلم بها من قبل ....لماذا؟! لان أحتكاك بالاجانب وطلاب القسم ينمو لديك مخزون جديد من الكلمات ....على كل حال أنا أعرف ناس دخلوا الجامعة وبدأو الدراسة الجامعية بها

    بعد الانتهاء من المستويات المطلوبة في معهدها وهم لم يتقنوا اللغة بشكل يسمح لهم بالدراسة من الأساس ولكن تساهل الجامعة وأيضاً للمعرفتهم بأن خلال سمستر واحد في الدراسة

    الجامعية تطورت لغتهم بشكل هائل والسبب ...الاحتكاك

    لا تقلق عزيزي وتوكل على الله .....بالتوفيق لك عزيزي


    لا زلت أطالب بالغاء عضويتي بشكل نهائياً .....وأتمنى تنفيذ ذلك
    7 "
  5. اشهد ان لاإله الا الله واشهد ان محمد عبد ورسوله اللهم صلي وسلم على رسول الله محمد وعلى آله وصحبه أجمعين
    اولاً حافظ على صلاتك ودع لنفسكـ في صلاتكـ
    مازيد على كلام الأخــوان اللـغه الإنجلــيزيه تعتمد عليك انت شخصياً المعهد مهما كان ممتـاز وقـوي (( ماراح يفــتح مخك ويدخل المعلومات فيـه ))
    انت ساعد نفسكـ بنفسكـ اجعلك جدوولي يومي تحفظ فيه كلمات بالإضافه الى مراجعه ماتم دراسته في المعهد وبإذن الله راح تحس بتحسن

    ** نيصحتي لك لاتطلع من المعهد طالما عندك قبول مشروط منه ولكن غير نظام حياتك وفتح صفحه جديده وبداء ذاكر واحفظ كلمات
    ** دعوآتك لي بأن تطلع لي فـيزتي في أقرب وقت
    7 "
  6. انا جاي للغربة ولولاية واشنطن و لمدينة الينسبورغ و للمعهد هذا بذات وايضاً معي قبول مشروط من نفس الجامعة والله يعين

    راح احط لي جدول وطريقة للدراسة من شانها ان تعزز وترفع من درجاتي وحفظي وان ترفع من ملعوماتي بعض الشيء

    وايضاً التمسك بالصلاة والقرأن والدعاء وطلب المعونه من الله عز وجل واحنا عددنا ثلاثة كلنا نعرف بعض والبداية ف 20-9-2011

    كنا نفكر في التغيير لكن ما اتوقع لان خلاص احنا راح نجي وقدمت على جامعه ثانية بس ما اتوقع اننا بنغير والله يوفق الجميع

    اخوي لا تهتم كلها غربة واللغة يبي لها وقت والدراسة تحتاج بعض الشيء مهما كانت لكن اهم شيء انها مشروط بجامعه ومعتمدة

    وممكن بعدها تلاحظ ان لغتك تحسنت وبالنسبة للمستوى ايه انا سمعت انهم ما يبدون من المستوى الاول لكن قليل من يبداء من المستوى

    الاول ولا راح تجد قبول مشروط يوفر لك بداية من ليفل رقم واحد وانا اتوقع ان اليفل رقم واحد ما يحتاج بداية لكونه درسناه

    في المدارس ثنوي ومتوسط على العموم انا رديت لاخبرك باني في نفس الموقع جاي مستجد والله يوفقنا جميعاً ويعين ويسهل كل صعب...
    7 "
  7. نظرتنا للأشياء بصعوبتها كما يوم كنا صغار كنا نشوف المتوسط والثنوي صعبة ويوم كنت في اول ابتدائي

    اشوف الي في الصف السادس انهم فاهمين ويدرسون الصعب لكن هي في الحقيقة مع الايام تتوسع مداركنا

    اكثر واكثر وتقواى قدراتنا وتزداد ثقافتنا واللغة مثل ما قالوا الاخوان كلنا نشعر بهذا الشعور وانا واثق بانه

    شعور البدايات ومع الايام سوف يزول ويتغير ونستمر نكبر ونرى الاعلى صعب ولكن مع الصعود درجة درجة نصل للقمة

    مجرد دعم معنوي ومداخلى بسيطة واقبل تواجدي وردي اخوك ممدوح والسلام عليكم...
    7 "
  8. اخي العزيز وفقك الله وسهل دربك خذ نصيحتي مو كل مين يقدر ياخذ قبول مشروط فدي نعمة لا تفرط فيها
    الشي التاني والله والله وصدقني انته تقدر تأسس نفسك بنفسك صدقني مو المعهد اللي يفيدك لا تقول ما فيه اسر روح امشي في الحدايق والاسواق بدون اصحابك قابل ناس وحط نفسك في مواقف غصب تخليك تتكلم انجلش والله فرصتك لا تعتمد على اسلوب دراستنا هنا
    هنا بس يعلمونك من الالف لللياء ويقفون على راسك بس برا غير والاسلوب غير اذا ما تعلمت اسلوبهم ما تمشي
    استغفر كثير واذكر الله وكأني اشوف موضوعك قريب وانته كاتب يا ناس صرت بلبل بالانجليزي وبتقولasma22 قالت هههه
    الله يوفقك ويكتب لك الخير خل الوالدين يدعولك ولك دعوة مننا بالنجاح والتيسر يارب *
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.