المشاركة الأصلية كتبت بواسطة Knight Dandy
وعليكم السلام ورحمة الله وبركاااته
أنا أشوف الكل بدأ يدلي بدلوه ,, والكل يرمي باليمين واليسار
استغربت بمجمل الردود وكيف الكلام اللي فيها ,, من تحليل ووو . .الخ ,, صح إنه صلى وهذا شيء جميل ,, لكن مو معناته إنه خلاص وضعها ما ينفع ,, صح المسجد له حرمته وأنا أشدكم معارضه للدخول بها المسجد ,, المسجد له حرررمته ,, وكيف يبي يقابل ربه بهالشكل ,, لكن ننصحهم بالتي هي حسنى ,, مو بالسب والكلام عنهم والتشذيذ فيهم
استغربت أيضاً من الموضوع بمجمله ,, ما أخبي عليكم إنه أنا أول ما أشوف اسم بندر في موضوع أقرأ ردوده وتعجبني أغغغلبها ,, والله يا بندر أقول الكلام الصحيح يا خوك ,, بس هالموضوع مرره أخالفك فيه 180 درجه
صح الموضوع حلو للنقاش والنصح ,, ونبين لهم إنه هذا غلط ووو . .الخ ,, وما فيه شك بل أقدر أجزم إنه فيه من اللي ردوا على الموضوع منهم ,, لكن عنوان الموضوع مثير للسخريه منهم يا بندر ,, يعني لو وضعت العنوان أحسن من كذا كان أخرست الكثير هنا وما احد له فتحة فم عليك ,, قلت في بداية الموضوع إنه تتقبل الكلام وأنت من قبل كتابة الموضوع عاارف إنه راح يجي ناس ويخالفوك ووو .. الخ ,, استرغبت في نص الموضوع كلامك إنه مو لاز مترد ومو لازم تدخل ووو .. الخ ,, طيب إنت يا بندر وافقت على هالشيء من قبل ليش رجعت فيه ؟؟!
أنت يا بندر ما تحتاج شهاده مني أو من أي شخص ,, ارجع لجميع ردودك في هالقسم باستثناء هالموضوع وراح تعرف بنفسك إنها تشهد لك بالكلمه الطيبه والأسلوب الجميل اللي يحبب فيك الناس ومحاورتهم لك
لكن جميعنا خطاؤون ,, والواحد يتعلم من خطأه سواء في هالموضوع أو غيره ويعدلها ,, سواء أيضاً أنا أو أخوي بندر أو أو ... الخ
يا بندر لو فكيت موضوعك ووضع مثل رد الأخ صالح ,, أقسم يميناً إنه ولا ابن أمه يتجرأ يرد رد زي وجهه عليك هنا ,, زي خربز بالحليب وشاكلته
قبل لا أدخل في الموضوع وأتكلم عليه أبي أقفل سالفة بندر ,, أنا انتقدت موضوع بندر هذا فقط ,, بمعنى لا يجيني واحد هالحين مطيِّر ويحاول يلف ويدور
نرجع للموضوع ,, الموضوع جميل للمناقشه بدون السب والشتم والتجريح والكلام اللي ما له داعي ,, هالظاهره انتشرت هنا كثيير قبل ما تنتشر في الطلاب المبتعثين ,, وين ما أروح ألقى خرس في أذن شخص ولا سلسال معلقه ,, يعني يجب إنه نتدارك هالظاهره قبل الواحد لا يمشي عليها وخلاص يتطبع فيها
الملحقيه ما فيها متابعه ,, يعني ليش مو كل فتره في زياره للمدن وأشوف ووو . .الخ ,, هل صعبه بما إن الملك موفر لهم جميع مطالبهم ؟؟! مو صعبه والله ,, بس موظفين الملحقيه ملاحظ عليهم أنهم أصحاب كروش ,, ما يحبون الشغل ما يبون يتابعون الطلاب ,, علي أنفذ أداء مكتبي وآخذ لي مرتب وعساهم بحريقه ,, ويااا ليتهم ينفذون مهامهم المكتبيه على أكمل وجه حتى تشفع لهم بأنهم ما يقدرون يتابعون جميع الطلاب ...
على فكره قبل لا أنسى ,, أنا استغرب من بعض الردود هنا ,, سعوديين وما أدري إيش من الكلام الغبي اللي ينم عن عقول صغيره ,, وأنا أقرأ الردود لو ماني عارف إنه هالملتقى خاص بالسعوديين ,, كان أقسمت يمين إنه فينا هندي وشامي وغربي ,, الواحد يتكلم عن السعوديين وكأنه سعودي من طراز آآخر ,, يعني شيء ما أدري إيش يبون اللي يقولونه
أحب أذكركم بأنه يحرم لبس السلاسل والخرس ,, لأن فيها تشبه بالنساء وربنا حرم هذا
أنا من ناحيتي وقناعتي الشخصيه ,, إنه أنصح شخص وما يترك الشيء وأرجع أنصحه أعظم أجر من يوم أنصحه ويمتنع من أول مره , ,بالرغم إن ودي يمتنع من أول مره
لو شفنا الردود هنا كلها نصح بعيد عن التجريح والله كثيرين راح يعتدلون , لأنه البعض يسويها مو مقتنع بس يبي يقلد ويسوي متطور ,, وبعد فتره يطفش من حاله ويتركها
من ناحية أخوي دائماً متفائل ,, أغلب ردودك وضعت عليها اعجابات لأنها بنفس اللي أبي أقوله وإنت قلته خلاص ما يحتاج نوصله ,و لكن أخالفك من ناحية موضوع قطع الرزق
معروف عندنا إنه مصحلة الجماعه فوق مصلحة الشخص ,, يمعنى لمن أحد يسوي زي كذا وراح يشوه سمعة الدين ,, فأنا أعزله عن البعثه حتى ما يشوه صورة الدين خاااصه في هالوقت الحااالي الكل عيونهم علينا أكثر من أول
هالحين كلنا قبل لا نصير نستلم مكافآت كل واحد كان يأخذ من أبوه وأمه فلوس يدبر روحه فيها ,, يعني لو أبوك أو أمك عرفوا إنك تروح تشتري فيهم دخان أو هالفلوس تشتري فيها سلاسل وووو . .الخ ,, مو راح يضبطون سلوك في التصرف في الفلوس ويلزمونك بأشياء؟؟! طيب ليش هم بدؤوا يحدون من تصرفك للفلوس ؟؟! مو عشان ما يكونون عوينين لك على معصية الله ,, نفس الحال مع الملحقيه نبيها تسوي هالشيء ,, لمن اشوف واحد يبدأ يسوي زحمه ووو .. الخ مو شرط بالسلاسل فقط بكل حاجه تخالف ديننا ,, انبه مره ومرتين وثلاثه والرابعه الله يسهل له ,, أعزله عن البعثه حتى غيره ما يتجرأ يسويها ,, مو بقطع رزق ذا دام فيه مصلحه له قبل المصلحه لجميع المسلمين
فيه رد شفت فيه مكتوب رأي لشخص ماني ذاكر اسمه ,, يقول أول مره وثاني مره تنبيه ,, والثالثه خصم من المكافأه ,, والرابعه انهاء بعثه ,, هذا شيء جميل أيضاً لأنهم مو من أول مره الغوا البعثه ,, أعطوه ثلاث فرص وما امتنع ,, هل أجلس أأيده بعد كل هالفرص ؟؟! طبعاً لا
أتمنى نشوف ردود نصح وموعظه لأخواننا اللي يضعون السلاسل مو نشوف ردود تهجم وسب فيهم
واعذروني على الرد الطويل الغير مرتب ,, وإذا فيه شيء تبون تنتقدوني فيه انتقدوا ما عندي مشكله ,, بس أهم شيء يكون الانتقاد عن وجه حق
بالتوفيق ...,