الله يهديهم ويهدينا ...
فترة مراهقة وراح يندمون عليها ،،و اذا كبروا ماودهم احد يذكرهم فيها (خصوصا لبس السلاسل) !! لانها راح تكون نقطة سوداء في حياتهم ...
samth July 24th, 2011, 01:13 AM
7 " أحب أذكر الإخوان بقول الله عز وجل قال الله تعالى (ولو كنت فظا غليظ القلب لانفضوا من حولك وتركوك قائما) وقال الرسول صلى الله عليه وسلم (الرفق ماكان في شئ إلا زانه) والإخوان اللي يلبسون السلاسل أو يشربون الخمر أو يزنون وماشابه ذلك يبقون إخوة لنا في الدين ولهم علينا حق النصيحة باللين واللطف مهما عملوا من معاصي وإذا كان فيه من صحابة رسول الله صلى الله عليه من يشرب الخمر ومن زنا وكان أحد الصحابة يسب صحابيا آخر عند إقامة الحد عليه فنهاه الرسول صلى الله عليه وسلم وقال له (لاتسبه فإنه رجل يحب الله ورسوله) فكيف بنا نسأل الله السلامة والعافية وهم أفضل القرون ولانقارن الفاضل بالمفضول فلبس السلاسل أهون من ترك الصلاة بالمسجد وباب التوبة مفتوح وخير الخطاؤون التوابون.
وبعض الإخوان هدانا الله وإياهم يقول لو شفته بالسلاسل وجاي يصلي للمسجد أمنعه, ليش تكون أنت والشيطان عليه وعليك إثم على فكرة لأنك أقفلت عليه باب من أبواب الخير وقد تكون سبب في ضلاله وكرهه للدين وتمسكه بلبسه أكثر وممكن يعمل معاصي أكثر عنادا فيك وفي اللي سويته فيه, بالعكس لو إني مكانك أفرح وأنبسط وأدعيله بالهداية في سجودي وأقول في نفسي هذا ممكن عند ربي يصير أحسن مني وممكن أخذ وأعطي معاه بإسلوب شبابي حلو وأدخل قلبه وأعطيه جوه وأعرف إيش اللي خلاه يلبس السلاسل هل هو جهل أو تقليد أو لفت للإنظار أو مراهقة وأنصحه وممكن لو قدرني وتقبلني يقول على شانك أشيلها أو على الأقل يفكر جديا بالموضوع وإذا كنت تتحجج بلقاء الله عز وجل أقولك صحيح ومتفق معك لكن شف اللي عندنا بالسعودية يجون للمساجد بثوب بيت ولا ملابس رياضة فهل راح تمنعهم وش المعنى في أمريكا شئ والسعودية شئ ثاني ترى ربنا في كل مكان وأقول حتى لو مالبس زين المهم خليه يجي يصلي ياخي اللي يصلي في المساجد في الغربة عندنا ترى يعتبر مطوع لأنه مو بكل مكان تلقى مسجد وأنا شخصيا أفوت بعض صلوات الجمعة في المسجد والفتن والمعاصي هنا كثير وتشغل الواحد عن دينه وصلاته وعبادته.
وأنصح بعض الإخوان اللي يتريقون إنهم يتقون الله ترى ماتدري لعل الله يهدي الشخص اللي إتريقت عليه ويضلك ويحطك مكانه والقلوب بين إصبعين من أصابع الرحمن يقلبهما كيف يشاء, قال الرسول صلى الله عليه وسلم (لاتتشمت بأخيك فيرحمه الله ويبتليك) والتريقة قد تكون باب من أبواب إبليس بالإعجاب بالنفس والكبر على الأخرين بالأعمال الصالحة وقد تكون بابا للتألي على الله وغيرها أو بمعنى أصح كيف يغفر الله لفلان أو لا يغفر الله لفلان, قال الرسول صلى الله عليه وسلم (قال رجل: والله لا يغفر الله لفلان. قال الله عز وجل: من ذا الذي يتألى عليَّ أن لا أغفر لفلان ؟ إني قد غفرت له وأحبطت عملك) رواه مسلم.
وقد يكونون الإخوان اللي ذكرتموهم لهم أعمال خفية تدخلهم الجنة بعد رحمة الله وأستشهد بقصة سمعتها شخصيا نقلها لي أحد الأشخاص أن شخصا رأى رجل لايعرفه في رؤيا أنه من أهل الجنة ويقول عرفت من إسمه ومن أي مكان هو فذهبت لأبحث عنه فوجدت بيته فخرج لي رجل مدخن من سيماه أنه ليس بحريص على الدين ويقول لقد رأيت فيك رؤيا وإنك من أهل الجنة وقال له ماالعمل الذي عملته, قال الرجل إني أعول عائلة فقيرة ليس لهم أحد إلا الله.
شوفوا هالمقطعين وربي راح تشوفون أسلوب جميل وراقي في النصيحة من العريفي مع إنهم لهم معاصي وكلنا لنا معاصي وربنا يتوب علينا لكن شوف وش يناديهم ياولدي أو يابنتي وبكذا أولا يستميل قلوبهم لترك المعصية وثانيا يحببهم في الدين أكثر وأرجوا إنكم ماتكونون مشحونين على إخوانكم وتناظرون لهم بعين الرأفة على حالهم مو بالشدة والغلظة تفضلوا إخواني:
والله الموفق.
صالح الغنيم July 24th, 2011, 01:14 AM
7 " قبل كل شئ
انا ابي افهم ليش فاهمين الموضوع غلط
واللي يجيني يقول ليش مانصحتهم وليش ماسويت وليش ماادري ايش ؟
شباب انا اتمنا انكم تفهمون الموضوع
اول شئ اي واحد يلبس سلسله انا ماعتبره رجال واعبره (قي ) < اوكييييه
واللي يبي يزعل بكيفه
هذا رئيي واانا حر فيه
لاكن قبل كل شئ حنا عندنا دين حنا مسلمين ولازم الواحد يحاول يحافظ اقل شئ على جزء من هالدين
ثالث شي اغلب الردود المؤيده او الناس اللي مسوين لي الموضوع عادي
واللي يقول حريه شخصيه؟
انت تدري انك ملك لله ؟ اي ان كل شئ لله
إذا كنت مسلم
اما اذا كنت مسلم ( اسم )
بالحاله هذي كلامي معك غير مفيد
شباب استوعبو شوي
لاحد يقول لي بكيفهم
لا موب بكيفهم
واحد داخل مسجد بسلسله خير ان شاء الله ؟
وين درستو؟
يعني انا لم اسمع الكلام هذي بصراحه اقول ماعندكم اي خلفيه عن الدين
ياعالم ياناس الدين النصيحه
وانا ماقلت شئ ووش قايل
كل اللي قلته شئ ماجاز لي وكتبت عنه
والاغلبيه مطفين الضو كالعاده مع اني قايل لكم ببداية الموضوع المراهقين مابيهم بموضوعي
بعدين بكيفي موضوعي وانا حر فيه
صارة الدعوه لعب ورعان قسم بالله
مبرزة اخر زمن
بكره بسوي موضوع عن اللي يترك بنته بالغربه بشوف الشعب كلهم يقولون لي عادي ووش دخلك ومدري ايش
يعني افتح موضوع ضد الدين يمشي وضعي ؟ والكل مؤيد لي
لاكن افتح موضوع عن اشياء مانتمنا ان نشوفها العالم كلها ضدك
ياعمي النار قدامك والجنه قدامك اختر اللي تبي
وانا وش دخلني بالمبزره المراهقين
bandar.sa July 24th, 2011, 01:58 AM
7 " 6221 حدثنا أبو الوليد هشام بن عبد الملك حدثنا شعبة أنبأني سليمان الأعمش قال سمعت زيد بن وهب عن عبد الله قال حدثنا رسول الله صلى الله عليه وسلم وهو الصادق المصدوق قال إن أحدكم يجمع في بطن أمه أربعين يوما ثم علقة مثل ذلك ثم يكون مضغة مثل ذلك ثم يبعث الله ملكا فيؤمر بأربع برزقه وأجله وشقي أو سعيد فوالله إن أحدكم أو الرجل يعمل بعمل أهل النار حتى ما يكون بينه وبينها غير باع أو ذراع فيسبق عليه الكتاب فيعمل بعمل أهل الجنة فيدخلها وإن الرجل ليعمل بعمل أهل الجنة حتى ما يكون بينه وبينها غير ذراع أو ذراعين فيسبق عليه الكتاب فيعمل بعمل أهل النار فيدخلها قال آدم إلا ذراع
the big dude July 24th, 2011, 02:08 AM
7 " الي قولون ودي ادخل موضوع ..
ناس متناقضين ومسوين فيها ^_^
الا ودك وانا ودي بس الهواء ضدي
ودي اشوف انسان عايش على كوكب الكره السعوديه مش متناقض ولا يدعي المثاليه ^_^
اكرون July 24th, 2011, 02:33 AM
7 " اخوي بندر لاتعب نفسك ترى البزران بهل المنتدى كثييييييييير قلهم تعالو ندشر سوا تلاقي الف واحد يايدك شعب مالهم غير عصى بن سعود تضبطهم مايجون بالنصيحة وبالحوار
يارب وفقنيي July 24th, 2011, 04:54 AM
7 "
مو من التحشيش