ليييه هم وحنا لا ..؟

انا درست باستراليا والان بامريكا وشايف الفرق مافي مقارنه
شباب امريكا مسااااااااكيييين والله حالهم مزري لو تتاخر المكافأة اسبوع تلقاهم توهقو
واحد من زملاي خلص الماستر من استراليا والان بامريكا ماكمل 4 شهور وماقدر الان يدور طريقه عشان يرجع استراليا

وعلى كذآ , نقول الحمدلله , تدري ليش ؟ لان اليابانيين , يروحون على حسابهم ويتكلفون بكل شي , وتعبان على القرش الواحد لمآ , جا يدفعه
وانت جايتك الفلوس من الحكومة الرشيده , هذه نعمة كبيرة ,

انا من رآيي واعتبرهآ رآي شخصي الي يعجبه يعجبه والي مايعجبه الله يوفقه ,
لايتم زياده المكافئة الشخصية , لكن يتم زياده مصروفات الطفل بشكل معقول مثل ان يصير مصاريف الطفل 500 دولار او 600 دولار ,
بالاضافة ان يتم زياده بالنسبة للاشخاص المتزوجين , لان العزوبي لايصرف كثر مايصرف المتزوج , وهذآ معروف على مستوى العالم كان في اقتصاد في الصرف او لا , فيه فرق قوي بين المتزوج والعازب ,,

آعدل في صرفك !!
حتى في التدخين , لازم تخلص البكت في يوم او يومين ؟
او لازم كل يوم تاكل في مطعم , ,,
هذآ انت وكذآ , اجل انا وش اقول عن الناس الي تشتغل هنا بالسعودية , وراتبهم 1500 او اكثر بشوي مثل 1900 ومتزوج وعنده عيال , ومصاريف بيت ..؟

بالتوفيق ,

اخوي اقتصد وتحمل هذي الغربة ! لاتعتمد ع المطاعم دايم يعني مو يوميا نهار وليل ، اشتر لك من السوبرماركت واطبخ وتوفر يالغالي

مو تشوف اي شي يعجبك قدامك وتشتريه ! فكر كم معك وإلخ....

والغربة تبين الرجال !

الله يوفقك ويوسع عليك ويرزقك

يا اخي من قالكم اني اعرف اطبخ

ما اعرف اسوي الا بيض يعني اكل بيض كل يوم يصير فيني طفح جلدي من البيض

وبعدين الياباني و لا الصيني هذول كلهم كاشات عيال سفرا ولا وزرا وبعدين انا لاجيت اغير ولايه الملحق الثقافي بيغيرلي بسهوله

يا اخي علمهم والله يا انهم ما سكين علينا انتو يا حقين امريكا دايم تتشكون

اكيد بنتشكا يا اخي والله ان المملكه ما تقصر وان حنا احسن من غيرنا من باقي الدول اللي ما فيها ابتعاث

يا اخي انا وصلت معاي إلى اني ابي ادرس في البحرين ولا دبي قلت على الاقل اقدر اشوف اهلي متى ما بغيت

و بعدين في واحد من الشباب يقول بطل دخان وانا هنا نفسيتي رايحا فيها الللي يبي يقطع لازم يكون مرتاح وعنده فلوس هههههههههه

يعني وش فيها لو زادوا الرواتب خلوها 2500 ولا زي كندا 2700 مانبي مثل استرليا 3000 مدري 4000 الله كريم

ابو متعب كريم وحنا نستاهل

ويعدين صاجيينا بدا اليابانيين والصينيين والله ان معهم قروش قد الي مع عشر سعوديين بس مايهايطو مثلنا
واحنا لما نتكلم مو معناته اننا جاحدين النعمه الحمد لله بس نبي نعيش من غير ضغوط نفسيه عشان الواحد يقدر ينتج ويركز علي دراسته
انا اضمن لك لو مكافأتك ٧٠٠ دولار برضو بتعيش ماراح تموت بس عيشه عن عيشه تفرق
بتسكن فحي الله بالخير وسط الخوال والمكسكن ويمكن تتعزب مع كم هندي بالغرفه وتاكل اندومي زي الصينيين الي دبحتونا فيهم
وبعدها ادا اشتكينا ينط كم واخد ويقول شباب احنا احسن من الهوم لس الي اخر الشارع بالزاويه لانه مولاقي اندومي

يعني من جد العزوبي ممكن يتحمل بس المتزوجيين كيف يسكن اهله بحي بعيد او شبهه جرايم ومشاكل عشان التوفير ولا كيف يقتصد بحليب وحفايض واكل اطفاله

والله موضوع على الجرح ..


لا شباب وش نقلد الصيني والياباني .. والله العظيم انهم فسقانين فلوس
لكن جلووود
وبعضكم مكافئته تكفيه .. يحمد ربه ياخي .. وصرفنا ترا مو زي بعض
هذا عنده عائله واطفال .. هذا مايحب اكل عائلته الي ساكن عندها .

وانا اغلب الي اعرفهم اهاليهم يحولون لهم وهم مبتعثين

لكن سلموني على الخليجين .. الكويتي حول 3000
والقطري ..حسب ماسمعت 5 ألاف

انا اقولكم كم صرفيتي بالشهر

السكن 900
بنزين السياره ..بالشهر انا 160 دولار
كرت الكامبوس .. 66 شهري ..اذا ماعندك كرت مخالفه عليك
التأمين للسياره .. 100 دولار
اكل وشرب 500 وبعض المرات توصل 600
فاتورة جوال 60 دولار
وانا ولايتي ممطره بشكل يومي .. لذلك احتاج مظله .. وكلفتني اول مره 200 دولار

طيب انا ابي اغير ملابسي .. ابي اغير جوالي ..ابي اشتري كتب
ورمضان على الابواب .. واكيد الصرف راح يزيد شوي

نبي بس بدل السكن ..
..

من جد يا خي والله طفرنا حنا الوحيدين اللي متوهقين بالراتب

الوضع اختلف الان لان الدنيا هنا صاااااااااااارت غاااااااااااااااااااااااليه لازم يرفعون الميزانيه

الي الي يسمع كلامك ان العنقري ولا مسوؤل مسجل بمبتعث حبيبي كلامك في الصح والغلط لو تتكلم الى بكره محد حولك اسف بس الحق ينقال


المكافئه تكفيك وزود بس الواحد انت او انا لازم يفلها شوي ويحط فلوس يمين ويسار يعني يتمشى ويشتري ويشتري سياره