الأعضاء الإشتراك و التسجيل

الملتقيات
ADs

ليييه هم وحنا لا ..؟

ليييه هم وحنا لا ..؟


NOTICE

تنبيه: هذا الموضوع قديم. تم طرحه قبل 2374 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Knight Dandy
    أنا ما أدري اللي يتكلم مين ويسكت مين ؟؟!

    قبل لا تجي تقول إنه ما تكفيني ,, يا خي استر على نفسك بسالفة الدخان أول
    يعني لو تبطل دخان مو كان تفيدك فلوسه ؟؟! ويجي يقول أنا مو مرتاح لازم أكون مرتاح عشان اتركه ,, صدق المثل القائل ,, حشفاً وسوء كيله

    يا خي دام إنت تشوف طلاب كندا واستراليا ومسوي فيها فاهم ,, شوف اللي متزوجين ومعاهم أطفالهم أقسم بالله بعضهم حالتهم تنكد عليه عيشته ودراسته وما يعرف يركز من خوفه على أطفاله ,, وهو متزوج وتلقاه يطلب من أبوه يرسل له

    ناس تتكلم ما تدري وين ربي حاطها ,, اسمحوا لي أنا ما أنتقدكم كأشخاص انتقدكم كأسلوب
    الواحد لازم يهايط ويعيش ملك هناك ,, لازم يدخن ويعسل ويسوي فيها هياط ويقول ما أقدر أتركه << هذا رد العالم دائماً ,, يجيك يقول ما أعرف أقتصد وما أعرف أطبخ ,, يعني هالحين اللي يطبخون ويقتصدون كلهم خرجوا من بطون أمهاتهم عارفين هالشيء

    صراحه بعض المواضيع أشوف فيها ناس تطلب مبالغ خياليه من الدوله وكأن الدوله ما عندها التزامات إلا هالابتعاث
    أبي أحسب لك اللي تطلبه ,, إنت طلبت يزودون المكافأه تقريباً 700$ شوف هالحسبه اللي إنت مأيدها
    700×3.75×35000=91875000 ريال سعودي
    هذي للمبتعثين فقط بدون زيادة المرافقين والأطفال

    أقسم بالله شفت جزئين من طلبات زيادة المكافآت

    الجزء الأول المتزوجين ,, أقسم بالله لما شفت كذا رد عنهم وقفت أقرأها مره ثانيه وإنها حزت في خاطري اللي يعانون منهم ,, شخص هذا كبره ومتزوج ويطلب من أبوه يحول له كل شهر عشان يعيش عياله
    الجزء الثاني العزاب ,, يجيك واحد يصرف كل قرش يمين ويسار وفي أشياء فاارغه مثل التدخين ولا التعسيل وتضره في الصرفيه وفي نفسه ,, ويجي يقول حنا مظلووومين ,, ولما ننصحه بترك هالأشياء لأجل يدبر نفسه وعمره يقول إيش دخلك ,, طيب إنت براحتك دام إنت تطلب شيء وإنت تلعب فيه بيدك فتحمل هالشيء


    أعذروني على كلامي ,, ولكن بنظري لو فيه زيادة مكافآت فالأطفال هم وحدهم اللي يستحقونها فقط ,, 250$ أبوه إيش يدبر له فيها توه حقت حليب وحفايظ الله يكرمكم

    بالتوفيق ...,
    ياعزيزنا الواحد مايقول إلا اللهم لك الحمد على نعمته مبتعث تدرس في أحسن دول وفي أحسن جامعات ويصرف لك راتب وتأمين وتذاكر وش تبي أكثر من كذا وربي لمن نقول لأهل البلد إن وضعنا كذا ينفجعوا ويقولوا أنتم أغنياء وتغرفون من البترول و80% من الطلاب الدوليين اللي عندنا ناس عاديين وأقل من العاديين لكنهم مدبرين أمورهم ومقتصدين وشوف التشاينيز والجبانيز أقرب مثال واللي يقولي كاشات وأهلهم وزراء ولا سفراء معليش ياشباب في أمريكا وحدها أكثر من نص مليون طالب صيني هل كلهم هذولي كاشات وهل كلهم من أبناء الذوات.

    .. وفعلا لاحظتها كثير من شعبنا يحب الإتكالية والتشكي والإنتقاد في كل شئ ومو عاجبه أي شئ وماياخذ زمام المبادرة وينتظر غيره يبادر له, ياأخوان أبسئلكم هل تقدرون تغيرون من الواقع شئ الوزارة عندها أكثر من مئة ألف طالب غير المرافقين فهي تخلي مين ولا تزيد مين, فلذلك أنت طالب وحط عليها مليون خط مو بزنسز مان مو لازم تدلع عمرك على الآخر وتعيش مثل عيشتك عند أهلك والأخ الكريم اللي يقول ماأعرف أطبخ وماأقدر أترك الدخان طيب هذي هي الغربة أنت رجل ولازم تتعلم تدبر عمرك وتتحمل مسئولية نفسك ولازم تكافح وتصبر وتكيف نفسك على البيئة اللي إنتا فيها وأحلى حاجة بالدنيا لمن تتنافس مع ذاتك وتنتصر عليها لذة مابعدها لذة.

    وطيب اللي يقول راتبي مايكفيني طيب ليش ماسئلت نفسك أخي الكريم من البداية إيش الحلول اللي بيدي أولا بدال ماتلقي اللوم على الدولة أو الوزارة شوف إيش المشكلة عندك وحلها وهي تنحل فيه ناس يجوا عندنا هنا من فقراء الهند والبنغلاديش ومكافحين بشكل ماتتصور ويعجبني صبرهم وكفاحهم يشتغلوا في أوسخ مهن مثل تنظيف الشوارع والحمامات أجلكم الله ولا في مطاعم الفاست فود وغيره ويواصل ليله مع نهاره بالصبح يدرس في الجامعة وفي الليل يشتغل وتلقاه مايشتكي ليش لأنه قاعد ينجز في حياته وراضي عن نفسه.

    وصدقوني ياناس الإنسان مايبطل طلبات إلين يموت وكل إنسان بهالدنيا وأنا منهم مو راضي ويبي الزود في كل شئ ولو البعثة عندنا كانت بس على تغطية تكاليف الدراسة من دون راتب من دون أي شئ كان قلنا ليش مايعطونا مكافأة وليش مايعطونا تذاكر وليش وليش وليش وماننتهي من الطلبات لذلك هناك نظرية في التسويق تقول أن حاجات الإنسان لاتنتهي فإذا حصل على حاجة يدور على اللي بعدها والإستثناء الوحيد لزيادة الراتب أشوفها في حضانة الطفل فعلا مكلفة للمبتعث اللي زوجته تدرس ومايقدر يخلي أطفاله بالبيت وعلى فكرة أنت تقارن بكندا ولا أستراليا وبما إني في أستراليا أقولك أنه كل شئ مرتفع عندنا هالسنتين,على سبيل المثال كيلو الموز اللي كنت أخذه ب 2009 ب 3 دولار صار الحين ب 13 دولار والسكن مرتفع والتضخم زايد وغيره أشياء لو تدري عنها كان تقول الحال من بعضه مع العلم لو إنك جاي عندنا هنا قبل ثبيت المكاقأة 2007 كان تنهبل شهر ينزلك 1500 وشهر أكثر أو أقل والواحد على العموم يحمد ربه على النعمة.
    7 "
  2. المشاركة الأصلية كتبت بواسطة Knight Dandy
    يا خي إنت أكوس واحد
    زي ما قلت المشكله الصرف هو اللي يفرق ,, لكن كاتب الموضوع مو فاهم الشيء
    فجاك طاير ليش هم 10 آلاف واحنا 6 آلاف وهي بالأساس 7 آلاف تقريباً
    طيب طالما أنت في أمريكا فما علاقتك بالريال السعودي ؟؟! عليك بالدولار أنت بأمريكا تصرف بالدولار مو بالريال السعودي

    ما أقول إلا ,, ليتهم يعلمون ..,
    ههههههههههه الله يسلمك
    والله المفروض الواحد يتحمد الله ليل ونهار
    والله اني اشوف هااللتينيين مساكين والله ... مدري كيف يعيشون اصلا ولا مكافئة ولا هم يحزنون ... وبعد يدفعون مصاريف المعهد ... اجل هذولا لو لحقو على ايام المكافئة 1200 دولار وش كانو سوو
    7 "
  3. المشاركة الأصلية كتبت بواسطة oska88
    ههههههههههه الله يسلمك
    والله المفروض الواحد يتحمد الله ليل ونهار
    والله اني اشوف هااللتينيين مساكين والله ... مدري كيف يعيشون اصلا ولا مكافئة ولا هم يحزنون ... وبعد يدفعون مصاريف المعهد ... اجل هذولا لو لحقو على ايام المكافئة 1200 دولار وش كانو سوو
    ياخي oska كلامك جميل ويعجبني الشباب اللي زيك يتحمل مسؤولية نفسه جت الزيادة كان بها ماجت أتصرف على قد ماأقدر وأحل مشكلتي وفعلا ملاحظ أن الدفعات الأولى من البرنامج قبل الزيادة مزبطين أمورهم على الآخر وحسوا بالفرق بعد الزيادة تقبل مروري.
    7 "
  4. حياكم .. أنا ترى ما قلت كلامي تهجم على صاحبي الموضوع

    بس يا حبايبي لا أحد يجي يطلب من الدوله شيء ويفكر إنه الدوله راح تصرف بس له ولا لعشر طلاب لوحدهم

    700×3.75×35000=91875000 مليون ريال سعودي
    هذي بس مجرد زيادة المبتعثين فقط ,, وين طيب زيادة الأطفال اللي هم أحق من المبتعثين ,, وكم راح تأخذ هالزياده بعد ؟؟!

    فقط , حكموا العقل قبل أن تتحدثوا

    بالتوفيق ...,
    7 "
  5. قال تعالى " لئِن شكرتم لأزيدنكم "
    احمدو الله غيركم متمني البعثه وما جاته ..
    وعرف عزابيه .. يصرفو ويتصدقو ومبسوطين اخر شيء
    تصدق من مالك ليطرح الله به البركه ..
    لو كل واحد قال ماتكفي مستحيل تكفي
    انت مبرمج عقلك انها ماتكفي
    ليش ماحاولت تعدل من صرفك .. ليه ماسالت نفسك هي ليش ماتكفي ؟؟
    ودخان ياخوي يزيل البركه من مال صاحبه
    ليش ماتخفف منه او تتركه وكل ما جاء ببالك " استغفر او صلي ركعتين والله مجربه من كثير
    ورمضان ع الابواب استفيد من هالشهر المبارك الصيام بمريكا 14 ساعه باقي 10 ساعات حاول تتركه
    حاول تنام بالليل / حرام فلوسك تطيرها بالهواء ...
    ومطاعم كل يوم تصرف بالغداء والعشاء 10 يومك 20 ×30 =600 لو تاخذ نصها وتروح تشتري مأكولات تسويها بالبيت اوفر لك
    تقول ماتعرف مافي احد طلع من بطن امه متعلم ياخوي جرب ..
    انا بنت ماعرف اطبخ بس لجيت امريكا بتفنن صدقني احلى شيء بتعلم الاخفاق لتذكرها وتضحك ..
    افتح حساب ثاني وحول 200 كل شهر ولا تلمسهم الا وقت الحاجه والله انها مجربه
    وهي اسلوبي وانا بالسعوديه اسويها دايم وكثير من المبتعثين متبعينها
    المسأل يبيلها شويت تركيز وتعرف وين تحط قرشك بمكانه ..
    للامانه المتزوجين عليهم ضغوطات .. الله يعينهم
    كل عام وانتم بخير ..
    7 "
  6. شباب العزااب منهم فقطططططططططططططططططططططططططططططططططططططططططططططططط ططططططططط
    انت لو ساكن فرضا بالريااض وجااي دارس بجامعه الملك فيصل بالاحساء
    كيف بتدبر نفسكــ مع 1000 ريال اذا كان تخصص علمي واجلس دور سكن بالف الفين بالشهر ومواصلات واكل وهذره
    ياخوي انت وياه احمد ربك انهم يمشون لك مكاافأه بامريكا حول 6000 الاف ريال وفوق كذا مصاريف الدراسه على الدوله
    راتب موظف بالسعوديه وش تبي احسن من كذا والله انتم بنعمه..... اولا تغير جو + جامعات على مستوى +تعليم على مستوى+الدوله تصرف عليك
    وش تبي احسن من كذا؟؟؟؟
    ..................لئن شكرتم لأزيدنكم ...............
    7 "
  7. ليش طيب ما تسكن مع روميت سعودي ولا اي جنسية ؟ هذا ابسط الحلول
    الطبخ ياخي تعلم اطبخ لا تقعد تاكل من برا واذا بتاكل من برا كل بذكاء شوف المطاعم اللي تعطي بطاقات مجانا للطلاب ,, لي فترة افطر في مطعم سابواي بحكم انه اقرب مطعم من الشقة فيوم شافوني كذا قالوا لي في بطاقة كل مرة تجي تطلع عطهم اول يحطون فيها رصيد وبعدين ادفع .. بعدها بفترة بتتوفر لك كم وجبة مجانا وقت الغداء بحكم انه عادتا يكون في الجامعة .. وقت العشاء اطبخ وتعلم ومع الوقت بتصير انت ما تبي الا طبخ يدك لانك تضمنه وتقدر تحط اللي تبيه والسعر يجي ممكن نص اللي تدفعه في المطاعم اقرب مثال .. لو تروح محل تطلب شربة بيقولك 2 دولار او 3 .. روح اي بقالة اشتر العلبة نفسها بدولار وتكفيك حق اكثر من صحن .... وقس عليها حسابات الاخرى

    الحمدالله الفلوس تكفي بالسنبة لطالب مبتعث بس يبغالك ذكاء وشي اسمه مستعد تضحي بايام بيتكم ... خذ لك شقة مع واحد واشتغل على نفسك واترك عنك الحاجات الثانوية .. وهذا كلام من تجربة و لله الحمد ولعلمك انا على حدود بوستن والاسعار متقاربة الشقق تلقاها كلها فوق ال 800 دولار واذا جنب الجامعة 1000 وانت طالع بس مع ذلك الحمدالله متعايشين فاحمد ربك وشوف لك طريقة تضبط امورك

    اتمنى كلامي فادك .. موفق يارب
    7 "
5 من 5 صفحة 5 من 5 ... 45
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.