يا حبايبي رحلتي من السعوديه لكاليفورنيا .. لازم امر على الملحقيه والا يكفي البريد ؟؟

السلام عليكم يا مسلمين ..

لازم امر على الملحقيه بواشنطن والا ارسل اوراقي بالبريد يكفي ؟!

والله أن طعتني مر الملحقية ضروري

لأن البريد مهب مضمون معهم ..... والمفترض أن رحلتك السعودية واشنطن .... ولايتك الدراسية

علشان تخلص أمورك من الملحقية .....

تحياتي لك

روح للواشنطن و هم يستقبلوك و خلص اوراقك و روح لولايتك
ولا صدقني يبخلوك تعض الارض من الندامة < مو علشانهم سيئين !! لكن ترا فيه أمم جاية امريكا و احتمال ملفك يضيع او يسفطوة بالرف بالغلط او او او

طيب شباب بكم الفندق خلال هاليومين والي احواله ما تساعد وش يسوي

يا سعد ويا اياد الله يعطيكم العافيه على هالردود .. وربي يسهل الأمور

شوركم وهداية الله .. توكلت على الله بروح لواشنطن

اخوي

اذا انت طالع من السعودية " مبتعث من الحكومة " لازم تمر الملحقية

اذا انت طالع من السعودية " على حسابك الخاص " رح على مدينتك الي بتدرس فيها وراسلهم ع الموقع وافتح الملف ويجيك كل شي بالايميل < طبعا تروحلهم عادي كله واحد


والله يوفقك :)

انا ما مريت واشنطن والحمد لله فتحت ملف وخلصت اموري

إخواني كم يوم تقعدون في واشنطن … علشان تفتحون ملف ؟

شوف الافضل تمر وتقعد على روسهم لين بخلصون امورك

واذا ماودك تمر ارسلها فيدكس لاترسل بريد شهر وماردو علي وانا مرسلها بريد

يوم ارسلتها فيدكس يومين بعد وصلها فتحوا الملف

اقتباس:

---

المشاركة الأصلية كتبت بواسطة البريطآني

اخوي

اذا انت طالع من السعودية " مبتعث من الحكومة " لازم تمر الملحقية

اذا انت طالع من السعودية " على حسابك الخاص " رح على مدينتك الي بتدرس فيها وراسلهم ع الموقع وافتح الملف ويجيك كل شي بالايميل < طبعا تروحلهم عادي كله واحد


والله يوفقك :)

---

اتذكر عملها واحد من اصحابي و عض الارض ندامة لانه ملفة ماجاء الا بعد شهر او شهر و نص !! تخيل راح قبلي بشهر او شهر و نص و لما جيت انا و الله كتب اني جيت مع المكرمة توهم ارسلوا له رقم الملف و بعده رقم الطالب ( رقم البعثة )

و على فكرة الي انت تفضلت فيه ماله اساس من الصحة و ممكن تروح بنفسك و تملي الاوراق