مـكـتـب مـاسـا كرهـنــي فـي الدراســه

السلام عليكم ورحمة الله وبركاته

اخباركم اخواني المبتعثين ان شاءالله طيبين ومن الرب قريبين

ياشباب موضوعي ماهو قطع ارزاق لكن هي نصيحه أخـويه

حــذاري حــذاري من مكتب ماسا حتى في قبول المعهد لا تتعامل معه

قصتي ياطويلين العمر رحت المكتب تاريخ 20 مايو وتكلمت مع المستشـــــار كمــــــال>>بياع الفصفص

ويا اني كرهت هالاسم

اقنعني الرجال انه بيجيب قبول المعهد التجـــاري والجامعه في شهر ..قلت اوك وهذا نص المبلغ موعدي معك 20/6

واليوم الثاني اتصل عليه علشان لا ينساني واقوله بشر وصل القبول وعلى هذا الموال 3 اسابيع وهو مازال يردد ويقول باقي ماردو

وفي ذاك اليوم ادخل عليه واكلمه بأحترام واذكره انه واعدني بيجيب قبول المعهد والجامعه في شهر وهو للحين ماجاب قبول المعهد

قالي وانا عند وعدي وحلف وقسم وشوي ويحلف ع القراءن

الممممممممممممهم بعد مارحت كلمته طلع ملفي من الدرج اللي فيه اوراقي وسجلني في المعهد وانا عنده ...وش كنت تسوي في 3 اسابيع!!!

من القهر بديت اتكلم فيه وسكت ماعرف يرد لان الحق معاي

اليوم الثاني اتصل عليه ويقولي قبول المعهد وصل واروح اخذ من عنده صوووره من القبول واسجل في السفاره واخلص اوراقي كلها والحمدلله في السفاره تسهلت والفيزا 4 ايام وهي في يدي

والحين صار شهر واسبوع ومازلت ازززززن فيه وكل يوم اتصل الين ماجاني وش يسمونه كسل خمول او كرررره للدراسه

الحماس اللي كان فيني طار ولا لي نفس اروح امريكا اســـاساً

ومازلت اتصل وازعاج واليوم انا لي معاه شهرين و5 ايـــام مو كذا وبس

الحين تشوفون المفاجئه

كلمته امس اقوله خلاص انا حجزت وان شاءالله السبت الجاي مسافر بس ابي منك قبول المعهد وجزاك الله خير

تخيلو ايش قال ......ليش هو قبول المعهد الاصل ماعطيتك اياه ؟؟!!!

ويقعد يفتش في الاوراق ومايلقاه طلع انه ماطلبه بس نسخ الصوره من الايميل واعطاني اياه

باللله وش اسوي انا فيه الحين والله ثم والله ان اللي كتبته مايجي ربع اللي سواه فيني

كل يوم يوعدني كل يووووووووم والمشكله انه يقولي خلاص كلمة الرجال وحده ويخخخخخخلف بوعده اكثر من 10 مرات

ياناس حذاري من هالمكتب بعد ماحط اعلانه في مبتعث تلفونه ماااااايسكت

واليوم اتصل عليه من الصبح ماااايرد

يعلم الله اني عدلت في موضوعي اكثر من مره علشان لا اشيب رووسكم يالبى روسكم

اترك لكم حرية التعليق