اليوم المخيف المنتظر :| !! مقابله الفيزا كانت اليوم و سار اللي سار !!!

اليوم سلمكم الله كنت مواصل من امس و قلبي بس يرجف خايف من المقابله صورت نفسي 200 صوره لاني يوم اخذت الموعد ما حطيت صوره ولا عبيت بيانات ولا شي سوا لي اياها مكتب و قال البيانات تعبيها من هنا المهم مالكم بالطويله انا خايف و حالتي حاله طلعت من البيت الساعه 5:30 !! و موعدي السعه 9 بس مع الخوف ما ادري وش طلعني هالوقت و طاير لين وصلت السفارات الساعه 5:40 مع ان بيتي مخرج 14 المهم دخلت وقفت السياره مواقف تحت و اخذت اوراقي و كل شوي اخبص فيها خايف شي ناقص ولا شي المهم رحت ما لقيت ولا كائن حي ينتظر عند السفاره الا انا و اجلس ابو نص ساعه بدو يجون ناس فجآه تذكرت ان الصور كلها في السياره رحت السياره ركض من الخوف و الرهبه << حلوه الكلمه صح ؟ جبت الصور و رجعت لقيت الكراسي فلللللل
طبعا وقفت و كل ما جلست و شفت حرمه جايه اقوم اخليها تجلس ليين ججت الساعه 7:15 جلس ينادي حقين الساعه 7:30 و انا هلكان و خايف و فيني نوم و كل شي انطقيت لييييين 8:30 و النحل الله لا يوريكم وش كثره وقفت عطيتهم اغراضي و فتشوني و دخلت ما ادري وش السالفه وين اروح وين اجي الحمد الله ان لغتي كويسه ولا مان رحت فيها غلطه دخلت انتظرت لين وصل دوري عطيته اوراقي مدري وش سوا بجهاز اللي يقرا الباركود قال لي خذ رقم و اجلس طبعا انطقيت ساعه كامله و انا خايف و حالتي لا تحسد عليها جا رقمي اخيرآ قام يشوف اوراقي و كل شي طلب مني صوره وحده شافها بصمت صورها رجعها لي دخلت جوا انطقيت نص ساعه تقريبا قال رقمي رحت للمقابله و انا شوي و ابكي من الخوف شباك 7 طلع امريكي بالبدايه قال اهلا و ساخلا كيف هالك ؟ كلمته بالانجليزي ارتاح اخذ مني الاي تونتي و الشهاده و كشف الحساب ما طلب كشف حساب اخر 3 شهور ولا شي حليل و طيب جلس يسولف معي ويين رحت اخر 5 سنين قلت له الاماكن قال لا بنت النور << ادري بثر المهم قال لي مين بيصرف عليك قلت ابوي قال ااوه بتروح هارتفورد ؟ قلت ايه قال نايس و جلس يمدحها لي ما ادري ليه المهم اخذ جوازي و خلاني ابصم و قال everything looks fine و جلس يستهبل شوي و رحت فيديكس و دفعت لهم و الموضوع اثره ابسط من ما يتوقع حتى !! لا اخذ صور ولا شي و اغلب الكلام خرابيط !! بس الي انا مستغرب منه كان معي اوراق كثير فجآه سار معي يمكن 4 ما ادري انا ضيعتها ولا وش السالفه و اتوقع انه اخذ الايتونتي بعد ما ادري !! هل يآثر ؟؟ و ادعوا لي انها تطلع ذي اليومين تكفون 3>

مشالله الله يوفقك ويسهل امرك

وش تخصصك ؟؟

يارجال مقابلتي العن منك وبالرغم اني متجهز بأوراق كثيرة ما أخذوا مني غير الاي توني والضمان المالي وشهادة الدبلوم

الصبر وانا اخوك الصبر ،، انا ما عطوني خبر في المقابلة وقالوا لي ادفع 65 ريال وإلى يومك أتحرا لهالفيزا ولا بعد صار شئ

16 يوم حتى الآن والله المستعان

الله يسهل اموركم ويعجل بالفيز:)
وادعولي القبول يوصل
>>ابطي قبوله :(

اقتباس:

---

المشاركة الأصلية كتبت بواسطة F.M.F

الله يسهل اموركم ويعجل بالفيز:)
وادعولي القبول يوصل
>>ابطي قبوله :(

---

تنتظر قبول والا فيزا ؟

اقتباس:

---

المشاركة الأصلية كتبت بواسطة المهــند

تنتظر قبول والا فيزا ؟

---

انتظر القبول :(

اقتباس:

---

المشاركة الأصلية كتبت بواسطة F.M.F

انتظر القبول :(

---

والله عندي مكتب محترف في القبولات ،، اذا دقرت معاك عطني خبر

هع هع
انا معك اليوم بالمقابلة لكن بعد ماسويت المقابلة سألته متى راح تطلع الفيزا قال من ستة اسابيع الى شهرين
والمشكله اني لابد اكون في امريكا 28 اوقست والله مصيبه والله يعين . نقول يارب انها تطلع خلال الاسبوعين الجايه

ان شاء الله انها تطلع لك الفيزا قريبا

الأي تونتي لازم تكون الأصل معك عشان تسافر من السعودية الى امريكا

تحياتي

الله يوفقك ي رب
وتشرف الدين و الوطن