رد: رد من مبتعثه على موضوع ( عفوا المبتعثون ليسوا صيعا )....!!!
اقتباس:
المشاركة الأصلية كتبت بواسطة dr.sa3mi
مابغى اتدخل بينكم
بس كان بإمكانك تنصحها بالخاص او شخصيا
لان هنا ممكن يسوي لها احراج !!
اختي نونا ماقول غير بيض الله وجهك لكن ثقي ان فيه سعوديين كثير يرفعو الراس
أنا ذكرت اسمها ؟ ماذكرت اسمها ... أنت تعرفها ؟ ماتعرفها .. طيب عادي وبالعكس تعتمدت اكتبه هنا لأنه موضوع نقاشي عن الكل يخصني ويخصك ويخصها
رد: رد من مبتعثه على موضوع ( عفوا المبتعثون ليسوا صيعا )....!!!
اقتباس:
المشاركة الأصلية كتبت بواسطة واحد متخرج
ياخي, و انت علي اي اساس تقدر الموضوع
من باب الاحترام انك تقدر الفكرة
العدوانية مالها داعي
خلنا حلوين نتناقش مثل الاوادم
ياخي الاشكال هذي ماينفع معها الا كذا ..
لن يوميا ناس يشوهون سمعة السعوديين وانهم خربانين عشان كم واحد بس ..
وعشانه طلع من السعودية صار يهايط ع السعودية ونكر اليد الي مدت له الخير
ولا يجيك " جنسيات عربية " بالمنتدى نفس شخصية صاحب الموضوع تحطيم بكل طالب ناوي يبتعث
رد: رد من مبتعثه على موضوع ( عفوا المبتعثون ليسوا صيعا )....!!!
الاخ الي يبي ينصح ينصح البنت بالرسائل الخاصة افضل لنا ولها
رد: رد من مبتعثه على موضوع ( عفوا المبتعثون ليسوا صيعا )....!!!
اخواني اللي لسى بيجون انشالله تضافوا لطابور الطلاب اللي يرفعوا الراس وتكونوا خير سفير للمملكه و سعيده جدا بردودكم
اشكر جميع الردود و انا هنا لست بصدد الرد على اي مشاركة لكن للتنويه اني لم اطرح الموضوع لفتح مواضيع اخرى تم الحديث عنها كثيرا
الله يهدي اخواتنا المحجبات بالطريقه التي ذكرت في احد الردود لكن من الظلم قرنهم بالكبائر المذكورة بالموضوع.
اخي بريطاني : كلامكم على العين و الراس لكني لازلت مصرة على ان 80% من المبتعثين من هالعينه و احطها بذمتي ليوم القيامه .
رد: رد من مبتعثه على موضوع ( عفوا المبتعثون ليسوا صيعا )....!!!
^
زرتي الولايات الثانية وعشتي فيها وشفتي السعوديين !
لاتحكمي على مدينة واحدة لن في فوق الـ ٢٠٠ الف بامريكا
رد: رد من مبتعثه على موضوع ( عفوا المبتعثون ليسوا صيعا )....!!!
كلن رقيب وحسيب نفسه, اللي ناوي الدراسه من البدايه يدرس, اللي ناويها صياعه يصيع.
وأنا إذا إن شاء الله سافرت للدراسه, أي خليجي بشكل عام X كبيرة قدامه : )
حتى لو ابن جلدتي.
ونصيحة يا اخوان, ترا المسألة سهلة جدا!
اللي يتكلم, قص لسانه.
والرجال يتكلم قدامك, لأنه إذا كان كلامه واتهاماته مبنيه على أسس صحيحه ماخاف وقال كل شي عنده بوجهك.
لكن يدري انه كلام خرابيط .. gossips بالمعنى الأصح .. فـ ليش تتضايق إذا عرفت انه مافيه رجوله؟
اللي يتكلم عنك من وراك, ارجده قدام الناس. بس والمسألة انحلت.
اقتباس:
المشاركة الأصلية كتبت بواسطة خربز ب حليب
طيب نونا ممكن نكون واقعيين وصادقين مع بعض ؟ نونا انا اعرفك شخصياً وانتي تعرفيني ماشاء الله عليك خلوقة ومحترمة لكن بس لو ماتلبسين بنطلون جينز ضيق وماتحطين ميك اب مع حجابك تصيرين 10/10 والله يهدينا جميعا ويثبتنا .
هذا هو السبب الواضح انك الأفضل أن تتجنب معرفة أي خليجي !!
يا أخي للنصيحة آدابها, مو ضرورري تعلم كل الناس عنها وتعلمنا انك تعرفها .
مع العلم انك إذا كنت تعرفها "شخصيا" مثل ما قلت, ما أعتقد ان في أي سبب من الأسباب يمنعك انك تقولها هالنصيحه "شخصيا" صح حبيبي؟؟
رد: رد من مبتعثه على موضوع ( عفوا المبتعثون ليسوا صيعا )....!!!
صاحبه الموضوع اسمحي لي اقول طريقه تفكيرك خطأ 100% وانا اسميها وسوسه وسوء ظن
طيب انا لو بالمقابل راح اجلس ادقق على تصرفات السعوديات هنا في امريكا شي يشيب الراس ،،، زي مافيه شباب سعوديين صايعين ترى فيه بنات سعوديات اصيع!!!!!( ما يحتاج نطلع فضايح بعض ونجلس نعاير بعض؟؟)
في النهاية كل واحد ما يمثل الا نفسه
انا امووووت وافهم ليش السعوديات صارو شغلهم الشاغل تشويه سمعه الشاب السعودي بأي شكل من الاشكال؟؟؟؟
والله ولا كأنه ولد ابن بلدها ؟؟؟؟؟ بالمقابل تشوف العربي او اي جنسيه ثانيه يسوي اللي يسويه ما تنتقده ولا تقول شي عادي لكن لو سعودي سوا شي غلط تقلب وتصير تعمم على كل الشباب السعودي
من جد يا سعوديات انتم غريبات!!!!!!!!!!!!!
صايرون ترفعون الضغط ،،، نظرتكم الدونيه للشاب السعودي اما غيره فهو التوب واهو الاحسن والافضل من جميع النواحي
من جد صرنا اضحوكه قدام العالم
رد: رد من مبتعثه على موضوع ( عفوا المبتعثون ليسوا صيعا )....!!!
اقتباس:
المشاركة الأصلية كتبت بواسطة خربز ب حليب
أنا ذكرت اسمها ؟ ماذكرت اسمها ... أنت تعرفها ؟ ماتعرفها .. طيب عادي وبالعكس تعتمدت اكتبه هنا لأنه موضوع نقاشي عن الكل يخصني ويخصك ويخصها
اقول كيف حالك!!
رد: رد من مبتعثه على موضوع ( عفوا المبتعثون ليسوا صيعا )....!!!
موضوعك بأختصار ماله داعي
لان بكلامك تقولين اللي بيجي امريكا يبتعد عن اخوه> اللي هو السعودي
بكلامك السعودي اخس مخلوق ف العالم
بكلامك البنت السعوديه مصونه في امريكا ماتسوي شي
بكلامك 80% من المبتعثين سكارا
بكلامك اوضحتي ان الابتعاث ليس سوا ترفيه للنفس
بكلامك ضحكتيني دقيقتين ورى بعض
في موضوعك مالقيت لا باب اقدر اتناقش فيه ولا هدف اعبر فيه ولا لاعب اتفلسف عليه
صدق اللي قال بعض الكلام يقول لراعيه ...اطلقني
رد: رد من مبتعثه على موضوع ( عفوا المبتعثون ليسوا صيعا )....!!!
اقتباس:
المشاركة الأصلية كتبت بواسطة NONNA1
ااخي بريطاني : كلامكم على العين و الراس لكني لازلت مصرة على ان 80% من المبتعثين من هالعينه و احطها بذمتي ليوم القيامه .
لو تفكرين شوية بس, ترا الموضوع مايسوى تحطين هالشي البايخ بذمتك إلى يوم القيامه .
أستغفر الله العلي العظيم.
ترا الذمه ماهي شي هين اختي, مو أي شيء تحطينه بذمتك, خصوصا إذا كان أمر سيء.