للي جاي لوشنطن ورحلته من ثاني يوم خذها مني نصيحه

العنوان واضح ومايحتاج تفسير
اللي مسوي رحلته ترانزيت وثاني يوم رايح لمدينته الثانيه بعطيه نصايح مهمه
اول شي الوقت من ذهب يعني بيجي المسؤول من الملحقيه وبياخذ اوراقك وبيقول لك بكره بنجيب لك القبول
اذا رحلتك في الليل متاخره ممكن تلحق على اوراقك او انهم بيقولون لك راح نرسلها لك بالايميل
المهم احسن شي ان من صباح الله خير على الملحقيه وطبعا بتروح للشخص المسؤول بيقول لك انتظر لين الساعه 3 او 4 وانشالله تخلص الاوراق لاتسمع منه كلمه انت الله لايهنيك دور وين المشرف تبع مدينتك وعلى طول رح له وعطه رقم اثباتك ويعطيك رقمك الطلابي واطلب منه صوره من الضمان وانه برضو يرسلها على ايميلك بعدها على طول على الماليه علشان اثبات الدخل ولازم تكون شوي مزعج مثلي وصدقني نصف ساعه واثبات الدخل طالع وعلى طول على مكتب شركه التأمين ولقيت انهم مجهزين اسمي ومعهم صوره من البطاقه المؤقته للتأمين وتقدر تستفسر اي سوال وبعدها رح للمسؤول وقله الله يعطيك العافيه بس اوراقي خلصت في ساعه الى ساعتين بالكثير وبكذا تقطع مشوار طويل من وقتك
طبعا المسؤول يقول لك كذا لانه مايبي ضغط على الاقسام الثانيه وبيعطيك افلام ان النظام مايقدر يتجاوزونه ومن هالقصص
بالنسبه للمرافق مايطلع ضمانه الا بعد ايام من تسجيل المبتعث الاساسي يعني اهم شي يضمن انه استلم اوراق المبتعث الاساسي
وعندي ملاحظه قويه للمرافق لازم لازم لازم لازم لازم برنت من الاحوال انك غير موظف او خطاب من عملك يوضح انك في اجازه بدون راتب لمده لاتقل عن سنه او انك استقلك من عملك والا ماراح يفتوح لك ملف
الله يوفق الجميع

يعطيك العافية اخوي الله يجعله في ميزان حسناتك.

جزاك الله خير فعلا برنت الاحوال هو اللي سبب لمرافقي مشكلة اتمنى المبتعثين مايهملونه

اقتباس:

---

المشاركة الأصلية كتبت بواسطة najdya

جزاك الله خير فعلا برنت الاحوال هو اللي سبب لمرافقي مشكلة اتمنى المبتعثين مايهملونه

---

هلا اخوي ممكن اسالك وشو برنت الاحوال اللي تقصده ؟

تالين / برنت الاحوال يالغاليه هو ورقة تاخذيها من مركز الأحوال المدنيه يكون في البرنت هذا معلومات عنك انك مو موظفه او غيره اتمنى وصلت المعلومه !!

ويت ويت
أنا الموظف أول ما وصلت الفندق خلاني أعبي كل شي و اليوم الثاني جاني كل شي و أنا في الفندق خدمة خمسة نجوم
مو لازم ذا التعب كله
صحيح الواحد يأخذ يومين في واشنطن إحتياط

مشكور اخوي

بس اللي يبي يحول المعهد كيف يسوي ؟؟؟

انا ما راح اجلس الا يوم واحد في واشنطن يمدي الاوراق تخلص ولا تتأخر .

شكرا جزيلا أخوي نبهتنا على موضوع البرنت اول مره احد يتكلم عنه

اقتباس:

---

المشاركة الأصلية كتبت بواسطة الحر83

مشكور اخوي

بس اللي يبي يحول المعهد كيف يسوي ؟؟؟

---

اخوان/تي

اكرر سؤالي لمن عنده علم

والشكر للجميع