محتاج مساعد ابي معهد لغة قوي انا الان في اوكلاهوما ومتورط بالمعهد

السلام عليكم

يااخوان محتاج مساعدة


انا طالب بمعهد els في اوكلاهوما ستي صارلي 3 اسابيع بالمعهد الاساتذة الي يدرسوني مايفهمون بالاضافة السعوديين اكثار .


ياجماعة ابي معهد قوي بولاية سعرها زين ومافيه السعوديين او نسبة السعوديين قليله.


شرايكم بمدينة سان دييغو وكيف الاسعار فيها واهم شيء هل فيها معهد لغة انجليزية قوي .



مع تحيات اخوكم ابو مشاري

على حسب ماسمعت انه يوجد معهد تابع لجامعة أوكلاهوما

انا ادرس بمعهد els التابع لجامعة اوكلاهوما ستي ابغى اغير لمعهد زين وقوي والتدريس فيه ممتاز

صراح المعهد التدريس فيه موعاجيبني بالاضافة السعوديين اكثار

ياحبيبي السعوديين بامريكا صاروا اكثر من الهم عالقلب.. :confused:

عساك تلتفت يمين الا تلاقي واحد ناط بخشتك.. :D
انت باكلهوما المدينه الي في وجهة نظري الشخصيه تعبانه وتقول كذا..

اجل لو تشرف واشنطن ولا بورتلاند وش تبي تقول؟؟؟

لا وبعد تبي تروح سان دييقو؟؟
اسوء ما اخترت.. :(

وربي نمل اهناك انا شايفتهم فالمطاعم..
عد واغلط..

يعني تبي تطلع من بلوه وراح تدخل ببلوه اكبر..

لا تستعجل ورتب امورك..