خريجين بكالوريوس أمريكا 95% فشلوا 5% نجحوا على الهاوية !!!!!
السلام عليكم
بحكم أني خريج ثانوية والحمد الله المعدل كان جيد فكرت في الابتعاث والحمد الله والوالد دعمني في هالأمر
وحصلت قبول في جامعة في أمريكا ترتيب الجامعة جدا رائع طبعا بما أني مقبل على قرار مصيري
استشرت الكثير من الناس من مؤيد ومعارض فما قصر أحد من الشباب قال راح أجيب لك موعد مع عميد جامعة بالرياض
( أفضل عدم ذكر اسمه) بحكم أنه قضى كثير من حياته في أمريكا ولديه خبرة في أمور الطالب المبتعثين
رحت للجامعة وقابلت الرجل وكان صراحة قمة الاحترام فشرحت للرجل وضعي الرجل عطنيه على الاخر
خريجين بكالوريوس أمريكا 95% فشلوا 5% نجحوا على الهاوية وشرح لي الاسباب اهمه المستوى الاكاديمي والخ
وصراحه احس ان كلامه صفعة في وجهي ابي مشوراتكم يأهل الشورى لاني صراحه حاليا محتار
رد: خريجين بكالوريوس أمريكا 95% فشلوا 5% نجحوا على الهاوية !!!!!
وعليكم السلام ورحمة الله وبركاته..
معلومة لا أعلم هل هي أول مرة أسمع بها أم لا! وأهل هي صحيحة أم لا..؟
كيف السبب المستوى الأكاديمي مافهمت عليك..؟
المهم..
على غرار ماتقول ، هل أنت فاشل مثل الـ 95%...؟ أم أنك ناجح ومميز كأحد الـ5% أو أفضل منهم..؟
ثم إني لا أفهم نوع الفشل الذي تحدث عنه العميد..؟
لا أختار لك قرارك فأنت من يفعل..:)
وفقك الله..
رد: خريجين بكالوريوس أمريكا 95% فشلوا 5% نجحوا على الهاوية !!!!!
كلام غير منطقي مع كامل احترامي وتقديري لك وللشخص اللي قال هالكلام ! وما ادري وش سالفه تخمين النسب على المبتعثين
نصيحة او شي بقولة لك ،، فقط انت من يعرف هل ستنجح او انك ما راح تمشي وطبعا مافي شي اسمه ما راح امشي لو نويت انك تجتهد والتوفيق بيد الله ،،وانا نفسك بالمشورة لكن عكس الرأي استشرت قريب لي دكتور بأحد الجامعات الكبار بالمملكة الم تكن الاقوى وقالي انت ماشي صح واثنى على ابوي لانه كان مشجع للفكرة وداعم لي،،
بالتوفيق لك
رد: خريجين بكالوريوس أمريكا 95% فشلوا 5% نجحوا على الهاوية !!!!!
يعني هو مسوي دكتور !!!؟
ومسوي راعي خبرة ............... !!!!؟
قل له: إلفقه بس, وسو دكتور على عيالك وطلابك .... !!!!!!!!!!!!!!
ترى أنا ما يرفع ضغطي إلا اللي يقول عشت بأمريكا و و و و و .... مسوي نفسة فاهم!!!!؟ يا أخي أنا أعرف دكتور درس بأمريكا لمدة ما يقارب 12 سنة ,, وكان أحيانا يلعب كورة وسروالة يطيح ولا هو حاس فيه .. بالله هذا مو إنسان واضح من وضعه بأنه أصلاً "غبي" ؟ أو بالمعنى الأصح "غير فطين و غير ذهين" ...........
شوف حبيبي! إذا إنك رجال تبغى تجي لأمريكا عشان تدرس, تعال وخل الخرابيط الفاضيه اللي قالها حضرة البروفوسور ... على فكرة: هل إنت تثق بكلامة؟ يمكن إنه كان غبي أو كان حق خراب (يا ناس لا تحسبون هالدكاترة أنبياء) تراهم بشر مثلنا و أكثرهم أغبياء ويالله نجحوا؟ أو نجحوا بالدف زي ما قال طال عمرة.............. ترى أنا من الناس اللي ينرفزني اللي يحطم الآخر وهالدكتور واحد منهم............
إذاك رجال تبغى تدرس تعال لأمريكا .. وقل للدكتور "لا يكثر"
تحياتي
رد: خريجين بكالوريوس أمريكا 95% فشلوا 5% نجحوا على الهاوية !!!!!
وعليكم السلام ورحمة الله وبركاته.......
أن كان قريب لك فهو يريد أن يثنيك فقط
لأن بعض الأقارب لا ينصح بخير أحياناً ...... (((بعضهم))) من باب الحسد أو من باب الغيرة
لاتنطلي علىك الحيله......
لأن كلامه في الحقيقة مضحك جداً ولا يقبله عقل ...... فكيف أستطاع أن يتجاوز معرفة الدولة بهذا الأمر
أو أن الرجل نرجسي يرى النجاح في من تبع خطواته
النوع هذا من البشر كثير عندنا تهيئت له فرصة قبل اكثر من 20 سنة (( ايام الرخا )) أرتقى للمناصب لأن ليس له منافس فهم قله في التخصص او الوظيفة
فتجده لا يرى الناس شيء وأنه هو الناجح الوحيد .....
ولعلك لست متابع جيد لإنجازات المبتعثون .....
أخيراً
الفرصة لا تأتي إلا مرة واحدة............ أنتهزها
رد: خريجين بكالوريوس أمريكا 95% فشلوا 5% نجحوا على الهاوية !!!!!
السلام عليكم ورحمة الله وبركآته
آنآ آقولك ان الفكره عآمه محد يقدر يقول الا انها نآجحه كونك بتجيب شهآده من امريكآ وهذي بحد ذآتها دعم اساسي لمستقبلك المهني
ثآنيآ كونك آنت آنسآن طموح وشآطر فـ آللي بتحطه هدف امامك بتجيبه بآذن آلله
وآلآهم يآ آخي الكل يحصل اللي يعارضه واللي يوافقه لكن آنا اقولك اترك آلكل وآستخير الله فهو آعلم آلعالمين وبآذنه تعالى بيخيرلك آلخير في امورك جميعهآ ..
انا واجهت نفس الشئ لمآ دخلت جآمعتي كون نظآمها صارم والتدريس كله بآلانقلش ومن رآبع يوم كنت آبي اتركها لكن آستخرت الله والحمدلله تخرجت بمرتبة شرف ولله آلحمد .. فلآ تخلي آحد يعيقك بمجرد كلام آنت باب وتسهل لك لآتفتحه الا باستخاره الله وحده غيرك فشل غيرك نجح عالهاويه آنت مو مثل غيرك آنت تمثل نفسك فقط وكل ماتنجح او تفشل يرجعلك انت ولو في نيتك تحقق هالطموح بتحققه منت عاجز عن هالشئ ولا غيرك افضل منك ..خلي ثقتك في نفسك آكبر من آي شئ وقبلها الاستخآره لآ غير
آلله يريح بآلك بكل مآفيه خير لك دنيآ وآخره
رد: خريجين بكالوريوس أمريكا 95% فشلوا 5% نجحوا على الهاوية !!!!!
ومن هو لكي يقيــّم برنامج الإبتعاث ؟
ومن يكون هو لكي يعطي نسبه مئويه لـتقريبا 10 الاف طالب ؟
كثر الكلام واللغط حول هذا الموضوع ،،
بسأل ياصاحب الموضوع ،، الحين انت رايح له تسأله عن امور الإبتعاث وامريكا ،، يعني حتى لو قايل لك هالكلام ما أعتقد أنه بيؤثر فيك طالما أنك مصرّ وواثق من نفسك ،،
مجرد هرطقة متكأكئ لا أكثر !
رد: خريجين بكالوريوس أمريكا 95% فشلوا 5% نجحوا على الهاوية !!!!!
مادري صراحه كلام الدكتور مو واضح ابدا فشلوا في ايش بالضبط ..؟
ولاتأأخذ بكــلام احد لا دكتور ولاغيــرة
وانت مو زي غيرك وغيرك مو زيــك
لكل انسان حالــه ووضع خــاص .. ولاتسأل كثير تتعب كثير توكل ع الله وصل استخاره وربي يرزقك الخيره
انا ماقهرني الا كلمة فشلواا ذي ...؟؟
..
..
رد: خريجين بكالوريوس أمريكا 95% فشلوا 5% نجحوا على الهاوية !!!!!
كلن قام يعطي نسب بدون مصادر تعبنا منكم الا يقول 80% يشربون والي يقول 95% فاشلين درجها انت وقريبك وقوله لايكثر قسم بالله رفع ضغطي
رد: خريجين بكالوريوس أمريكا 95% فشلوا 5% نجحوا على الهاوية !!!!!
والله ماتفق مع كلامه لان الاخوان المبتعثين كل يوم محققين انجازات للمكلة
