الأعضاء الإشتراك و التسجيل

الملتقيات
ADs

اجراءات تأشيرتي ..,

اجراءات تأشيرتي ..,


NOTICE

تنبيه: هذا الموضوع قديم. تم طرحه قبل 2366 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Knight Dandy
    Knight Dandy

    مبتعث مبدع Amazing Member

    Knight Dandy الولايات المتحدة الأمريكية

    Knight Dandy , ذكر. مبتعث مبدع Amazing Member. من السعودية , مبتعث فى الولايات المتحدة الأمريكية , تخصصى Biology , بجامعة UPENN
    • UPENN
    • Biology
    • ذكر
    • San Antonio, Texas
    • السعودية
    • Nov 2010
    المزيدl

    July 27th, 2011, 08:07 AM

    السلام عليكم ورحمة الله وبركاته

    اليوم جاي أرفع من معنوياااتكم شوي وإنتم عليكم الكبس >> راح ينجلد

    لا أحد يجي يقول موضوعك روح أكتبه في قسم الفيزا ,, لأنه انا ملاحظ الغاالبيه ما يقرأ ذاك القسم


    السالفه وما فيها
    سلمت أوراقي لمكتب ,, وقالي خلاص خلاص أسبوعين وقبول المعهد بيدك ,, لأني قلت له ما أبي نسخه على البريد أبي انتظره
    والله ويسحب فيني ويقول المعهد هو اللي مأخره ,, وقريبي هناك ارسله على المعهد قال لي يقولون كذاب ما لك اسم مرره فيه
    قلت حلو ,, الله يجزاه بالخير كذبه هذا ذكرني بمعهد elp وإنه أفضل من els بكثير والفرق بينهم كل شهرين تقريباً 500$

    والله وشديت حيلي وقدمت على الفيزا بدون I-20 ,, وكان يوم اثنين وكل شوي ادخل واغير التاريخ خخخخ ,, يوم الأربعاء وأنا ألقى حجز يوم السبت لووول اللي هو يوافق 14\ may ,, واحجزه واسوي زحمه ,, واسافر يوم الجمعه الظهر على جده
    وجاني خبر مو بطيب أول ما وصلت وقلب علي كل شششيء ,, قلت خليني يا ولد أتحمل وأودي الوالد من الطايف لمطار جده ودبرت له حجز لأجل يرجع ,, وجالس طول الليل مع ولد عمي عشان أخليه كمان يرجع تبوك ,, ما دخلت غرفتي في فندق الحمراء يبعد عن القنصليه تقريباً 150 متر بس إلا الساعه 2:30
    وأنااااااااااااااام كأن لي سنه ما نمت ,, وصحيت الساعه 8 لمن دق المنبه وأخواني الاثنين ,, لأني قلت كلكم الاثنين دقوا علي كل واحد على جوالي حتى أضمن نفسي ههههه ,, اتصال ومنبه اتصال ومنبه لين صحيت غصب ,, وجاااك أحلى شااور وأصلي الفجر وأنزل أفطر بالفندق ,, رجعت لبست لبسي ورحت للقنصليه ,, الساعه 9:30 وأنا عندهم ومقابلتي 10 ويدخلوني
    دخلت وأخذت رقمي وما رقمي وكل شيء ,, وجلست أنتظر وأنا قافله معاي ,, واستغفر وادعي ربي إني أجي عند مدقق الاوراق السعودي لأنه شفت أسلوبه حلو ,, وإنه يبعدني عن الأمريكيه وأسوي المقابل مع أبو هنود
    والله ويصير اللي بغيته وكان السعودي حبووووب مرره ,, وانتظرت لمن جاء دوري عند أبو هنود ,, وقوة شقلبه أنا وياه عربي انجليزي ,, أنا مو فاضي له اتكلم انجليزي ,, بس جاوبت عليه بالانجليزي سؤال وأخذها حلا خوينا
    جاء عند الشهاده البنكيه وأنا اجلس أدعي يا رب ما يشوف التاريخ لأنه كان منتهي له 14 شهر مدة الشهاده البنكيه شهر بس
    والله ويركز على المبلغ كيف جبته لأنه كان 40ألف دولار ,, قلت من الوالد قال ليش ما خلاه عنده قلت يشتغل تجاره حره وحق سفرات وكذا ومو فاضي لوجهي قال يعني مشغول قلت ايه مشغول بس اخلصنا عطني النواقص
    قال خلاص امورك تمام بس ارسل لنا هالنواقص
    كانت النواقص: I-20 & شهادة الثانويه الأصل لأني من دلاختي نسيتها & رسوم السيفس & اثبات إن الوالد يستلم راتبه التقاعدي & جواز السفر لأنهم يردونه لك
    قلت حصل خير واطلع من عندهم 10:45 ,, وصلت الفندق ووسوست أنا ما دفعت رسوم السيفيس ,, وأرجع للقنصليه قلت أبي أسدد رسوم الفيديكس ,, قال أبو هنود ما فيه وأنا عيوني تتقلب مو فاضي له ولاني فاضي أخربها ونهايتي تكون سيئه ,, أحاول فيه يمين يسار مو راضي ابن اللذينا ,, وأنا تقفل معاي وأصيح عليه بصوت عالي وتنتبه الفلبينيه لي ,, جات قالت إيش فيه قلت لها ما سددت رسوم فيديكس أبي ادخل قالت إنت جيتني قبل ساعه قلت إيه قالت أدخل وأبوهنود مو راضي تقول له شوف اسمه موجود ولا لا مو راضي يجيب الورقه ويشوف اسمي ,, وتسحبني الفلبينيه مع يدي وتدخلني جوا وتأخذ أغراضي
    وأروح لفيديكس قال لي سددها معاك من هناك دام عندك نواقص ,, قلت الله يرجك وأنا من اليوم ما بقي الا اتضارب مع ابو هنود عشانك ,, وأرجع آخذ أغراضي وأنا طال عقلت لأبو هنود ,, لو إنت مو في القنصليه ما تقدر تسوي هلاحركات وإنت في بلدي يا كلب وتستعبط << زي اللي أقول له قابلني في الصرفه خخخخخخخخ ,, والله وأطلع من عندهم وعلى الفندق سلمت الغرفه وعلى المطار رحلتي جاهزه على تبوك << حسيت إني أمتلك طياره خاصه

    وأوصل تبوك وأنشغل بالمررررره بالفيضانات والبراكين الحاصله ,, واجلس لين يوم الاثنين اللي طاف وارسل لولد عمي اوراقي ويسلمها معهد ELP ,, يوم الاربعاء والنسخه واصلتني على ايميلي ,, السبت رحت طلعت كشف الراتب من مؤسسة المتقاعدين

    يوم الأحد 17/joly الساعه 10:15 وأنا مسلم أوراقي لفيديكس وأنا في الطريق لفيدكس دق علي رقم ثابت وارد الا هو حبيب قلبي ابو هنود ,, انا من UPS البريد الامريكي الذهبي لك طرد من امريكا تعال استلمه اللي هو طبعاً الـ I-20 ,, يوم الاثنين الساعه 9:25 الصبح الموافق 18/joly استلمو الاوراق حقتي وبنفس اليوم اصدروا الفيزا ,, وصلتني الفيزا يوم السبت هذا الحمد لله

    فالشاهد إنه أنا كنت خاائف من كلام الناس ,, خاصه إن الوالد قد خرج اليمن ,, وأخواني وتجارتهم في سوريا ,, فقلت خلااص انا جالس جالس هنا ما راح آخذ الفيزا لو أفحط ,, لكن استهديت بربي وتعوذت من ابليس وكل ما قال لي لأحد شيء قلت خلي رأيك لك راح تطلع يعني تطلع بقدرة قادر ,, والحمد لله جات
    الشاهد الثاني ,, إنه هنا لقيت ناس تشكي لي ثلاث شهور ما طلعت يا ويلي ما راح تطلع تكفون كيف الحل ,, ويسوي لك نياااااااحه كأن امه راح تموت ,, ولما سألت أكثر من واحد كم باقي على دراستك يقول لي شهرين ,, يلعن أبو شكلك ليش تخوف العالم وإنت مقدم على الفيزا ودراستك باقي عليها 5 شهور مسوي فيها مخلص خخخخ
    ما أنكر البعض تأخروا بسبب مرافقيهم ,, أو هم أنفسهم تأخروا بسبب الاجراءات ,, بس مو بذيك الكثره اللي الملتقى يعججج فيها وكأنه خلاص ما عاد راح يحصل على الفيزا

    فنصيحتي للجميع لا تخلي أحد يوسوس فيك وتحط خيارات ثانيه في حالة لو ما طلعوا لك الفيزا ,, مثلي كنت حاط في بالي كندا تورينتو
    قدم واللي كاتبه ربك راح يصير وتطلع فيزتك بإذن الله

    تقبلوني بسالفتي تيه ,, حبيت أذكرك لكم اللي حصل بس

    وأتمنى لكم التوفيق


    سبحانك الله اللهم وبحمدك ,, أشهد ألا إله إلا أنت ,, أستغرك وأتوب إليك
  2. يعطيك العافيه

    طيب اخوي انا الحين انتظر i20 وطبعا دراستي تبدأ بشهر 2 هجري يعني بعد خمس شهور بس اني ودي اطلع الفيزا بدري علشان يمديني انشب للوزاره بامر اركاب

    اقدر احجز موعد بالسفاره قبل لايوصل i20 ؟
    واذا سويت المقابله تتوقع بيلطعوني لين قبل الدراسه بشهر ؟ (كذا قالولي العالم )
    7 "
  3. المشاركة الأصلية كتبت بواسطة محمدالسليمان
    يعطيك العافيه
    طيب اخوي انا الحين انتظر i20 وطبعا دراستي تبدأ بشهر 2 هجري يعني بعد خمس شهور بس اني ودي اطلع الفيزا بدري علشان يمديني انشب للوزاره بامر اركاب
    اقدر احجز موعد بالسفاره قبل لايوصل i20 ؟
    واذا سويت المقابله تتوقع بيلطعوني لين قبل الدراسه بشهر ؟ (كذا قالولي العالم )
    يعافيك ربي ويسعدك ,, يس تقدر ,, ورقم السيفيس تحطه زي المثال N و11 صفر ,, بس أهم شيء تكون عارف المدينه ومعهدك كأقل شيء لأجل ما تكثر No Know << هالجمله أي شيء ما تعرفه حطها بدالها
    ركز على رقم الابلكيشن فوق وانت تعبيه ,, واكتبه عندك على جنب في الجهاز او الجوال وا ورقه ,, عشان لما ينتهي الوقت ما تروح تعيد من جديد ,, تحط الرقم وتكمل من ما وصلت ,, وكل ما تخلص م نصفحه سوي لها حفظ لأجل لمن ينتيه الوقت ما تعيد من جديد تبدأ من عن آخر ورقه حفظت معلوماتها ,,

    هذا رابط موضوع تعبئة الابلكيشن
    http://www.mbt3th.us/vb/forum16/thread157658.html

    وهذا رابط يخص تسديد رسوم السيفيس من الملتقى السعودي ,, لأنه المضووع اللي هنا ما وضح لي زيين
    http://www.saudiforum.us/vb/t21357.html

    من ناحية استخراج الفيزا ,, ممكن ربك يكتب لك تخرج من بعدك بدقيقه ,, إنت سوي اللي عليك ويا ليت تسويه قبل موعد دراستك بثلاث شهور كأكثر شيء وعطهم شهرين بعدين ازعجهم ,, لأجل راحتك مو تقعد خمس شهور وإنت مأتش وتنتظر خبر


    بالتوفيق ...,


    المشاركة الأصلية كتبت بواسطة نـــــــوفي
    وعليكم السلام ورحمة الله وبركاته
    الحمد لله
    الف مبروك
    واحسن شي الواحد يتوكل ع ربه
    الله يكتب لك الخير ان شاء الله ويعطيك العافية ع الشواهد والقصة ورفع المعنويات
    أهلين ,, منوووره ,,,



    أي خدمه لأي طالب بخصوص الفيزا يبشر

    بالتوفيق ...,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.