من يدرس بمعهد Inlingua في واشنطن دي سي || ~ رجاء المساعدة

السلام عليكم ورحمة الله وبركاته ..

أخواني الاعزاء ..

من يدرس بمعهد Inlingua في واشنطن دي سي .. يعلمنا كيف نظامه ..؟ وهل هو زحمة ؟ وكيف المدينة واسعار السكن ؟
وما إلى ذلك ..
* وماهي الجامعة التابع له المعهد ؟

رجااء خآص لمن لديه معلومة يخبرنا فيه ..
ولك جزيل الشكر والعرفـآن

للرفع ..~ لعدم المشـآركة

يقولون توقف من الملحقيه صح الكلام هذا ولالا؟؟؟؟ انا اتكلم عن معهد inlingua اللي بمدينة arlington بولاية فرجينيا !! ما ادري اذا فيه معهد في واشنطن يحمل نفس الاسسسم؟؟؟؟؟*

يا جماعه حد يلحق علينا الفيزا المعهد هذا وباقي ماحنا متاكدين انه اتوقف ... ؟؟

ايش الحل الحين نطلب معهد جديد ولا كيف ... ؟؟

انا بدرس فيه بعد العيد بمدينة فورت لودرديل

ومين قال انه توقف ؟؟؟؟ لاتقولون سمعت وحطلنا الخبر اللي يقول انه توقف

اشاعات مانبي جزاك الله خير

اخوي هيثم لي زميل موجود حاليا في واشنطن له ثلاث اشهر في هذا المعهد في ارلنجتون فرجينيا
ولما قبلوه الملحقيه للانضمام للبرنامج خبروه يطلب قبول من معهد ثاني لان هذا صاير عليه

تكدس من الطلاب السعوديين وموقفينه حاليا للسبب هذا والان مشكلتي انا بعد العيد بكم يوم
رحلتي لواشنطن وعلى نفس المعهد هذا ومتورط ايش ازين فيه .... ؟؟؟

اعذرني اخوي ماكان ودي اكدر عليك لكن للي جايين على حسابهم عادي المعهد يستقبلهم ويدرسون
فيه لكن اللي بيحول على حساب الوزاره الله يكون بعونه مثل حالتي.

يا جماعة الخير قولوا لا له الا الله
انا راسلت موظفين في الملحقيه خاصة اللي على المعاهد والطلاب الجدد
من ضمن الردود اللي وصلتني بانه الى تاريخ اليوم مازالوا يرسلون طلاب الى هالمعهد ...؟؟

مادري من اصدق الحين هالادمي الله يهديه ولا الموظفين ...... لذلك انا باسافر وراح اطبع معي
الايميلات تبع الموظفين واي تعارض راح اعرض الردود تبعهم لهم .

والله يوفقنا وياكم.

من لسان الدكتور فالح الحقباني و المسؤول عن المعاهد، بأن جميع معاهد اللغة في فيرجينيا موصاً بها ماعدا معاهد Lnlingua

يالغالي انا ساكن بجنب المعهد

المعهد وقفوه قبل فتره لان كانت الاداره حقته ماتهتم بالطلاب ولا ترسل تقارير حقيقيه عن الطلاب

انا ما ادرس في المعهد نفسه لاكن اصحابي يدرسون فيه

اللي حصل قالوا للطلاب غيروا المعهد

لاكن بعد مابداء الطلاب يطلعون ويحولن من المعهد تغيرت الاداره حقته والمالك

وصارت احسن من اول بكثير ورجعت الملحقيه واعتمدت المعهد من جديد

حتى اصحابي لما كانوا بيغيرون المعهد قال لهم المشرف لو بتجلسون فيه مو مشكله خلاص وضعه تمام

وبقولك شي انت روح له وادرس عندهم اذا ما ارتحت تقدر تغير المعهد

اللي اعرفه عن نظامه ان دوام الصبح من يوم الاثنين الى الجمعه من الساعه 9 الى الساعه 1 الظهر

واذا ماتبغى تداوم الصبح عندك الفتره الثانيه من 1 الظهر الى 5 العصر من الاثنين الى الخميس طبعا

وبجنب المعهد محطه المترو و الباصات

وحب اتطمنك والله كل شي تمام

الله يوفقك ويسهل دربك

واسف على الاطاله