الأعضاء الإشتراك و التسجيل

الملتقيات
ADs

مكتب IGEC

مكتب IGEC


NOTICE

تنبيه: هذا الموضوع قديم. تم طرحه قبل 2329 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية سموت بالدين
    سموت بالدين

    مبتعث مستجد Freshman Member

    سموت بالدين الولايات المتحدة الأمريكية

    سموت بالدين , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى English literature , بجامعة حتى الآن
    • حتى الآن
    • English literature
    • ذكر
    • حتى الآن, حتى الآن
    • السعودية
    • Jul 2011
    المزيدl

    July 28th, 2011, 07:09 AM

    السلام عليكم ورحمة الله وبركاته

    أحبائي اهل الخبرة ما رأيكم بمكتب الـ IGEC لتوفير القبولات
    خاصة اللي في جدة اريده يتكفل موضوعي من الألف الى الياء
    قبول معهد + عائلة + جامعة + استخراج فيزه + حجز طيران

    من كانت له تجربة معه هل هناك افضل منه او اعتمد على نفسي على أني احسها صعبة نوعا ما

    بالغ تحياتي
  2. معليش يا اخوي سموت بالدين ولا تزعل مني وانت وش وظيفتك ؟
    لو انك حتى ماتعرف الحروف الانجليزية اكتب في قوقل اللي تبيه بالعربي وخله يترجم لك
    لاتخاف الخواجات يفهمون اللي بتكتبه ..
    هذا في اسوأ الأحوال .. غير ان الأخوان والأخوات الله يجزاهم خير حاطين كليشة جاهزة للحصول على قبول بالعربي والانجليزي بتلقاها في احد المواضيع المثبته

    ان اشوف سوي لنفسك كل شي وانحش عن المكاتب قد ماتقدر ترى اغلبهم نصابين وياخذون فلوس واجد على الطل

    معليش وانا اخوك بس ترا والله من حرصي عليك لأني مجرب .. تقبل تحياتي
    7 "
  3. اخوي انا جبت قبول من مكتب آيجيك اللي بجده في مبنى العبداللطيف بلازا .. اكيد تقصده

    هو صح جاب لي قبول معهد وجامعه بس مدينتي مافيها عوائل خيرني بين الجامعات واخترتها لأنها الارخص

    اخذ مني 3000 ريال .. ولما سافرت ورحت للمعهد عرفت انه يقدر يجيب قبول بـ 50 دولار للمعهد بس الجامعه مدري بكم مستحيل تكون فوق 100 دولار

    وغير تقديم الفيزا اخذ مني 1300 ريال .. لأني كنت جاهل بأمور الدراسه بالخارج


    اذا انت فيه جامعه براسك حاول توصل لأيميل المسؤول عن المعهد وبترجمه قوقل راح يفهمك

    لأنه راح يكسب طالب يدرس عنده ويكسب من وراك فلوس يعني ماراح يسحب عليك ولا يتجاهلك

    واستخراج الفيزا .. الاخوان ماقصروا في المواضيع .. ابحث عنها

    بس وش سالفه حجز الطيران .؟؟؟؟؟؟ لهالدرجه صعبه يعني .؟

    اقرب مكتب حجوزات يحجز لك طيران داخلي وسط امريكا .. يعني لاتشيل همها

    روح مكتب الطيار معروف

    اتمنى اني افدتك .. ودعواتك لي

    وبالتوفيق
    7 "
  4. أنا أول كنت ناوي أروح على هالمكتب ويجيب لي قبول المعهد والجامعة. رحت له اللي بمركز العبداللطيف بلازا بس شفت منه أشياء كثير صدتني عنه وخلتني أحاول أجيب قبولي بنفسي.
    أول شي عنده مجموعة جامعات متعاقد معها ما يطلعك إلا عليها. أنا رحت أبي جامعة معينة قالي لا ماقدر اطلعك عليها هذا وانا راح ادفع 3000؟؟؟
    والقبول قالي بياخذ من شهر الى شهرين!! يعني بصراحة سعره جدا مرتفع، والمدة جدا طويلة وهذا اللي خلاني أبعد عنه.
    ونصيحة لك لو بتزبد له طلباتك ذي كلها بينصب عليك ويلهدك بمبلغ خيالي بحكم إنك منت فاهم بذي الأمور بس انت راح تفهم ان شاء الله وراح اقول لك كيف.
    أنصحك أول شي تدخل على موقع Saudi in usa، بتحصله عن طريق قوقل وبتلاقي فيه خيار للجامعات اللي توفر القبول المشروط. طبعا القبول المشروط هو إنك تدرس بمعهد لغة خاص بالجامعة نفسها وبمجرد ما تخلص دراسة فيه تدخل ع الجامعة، وهالقبول بـ يريحك جددددا.
    شفت لك جامعة؟ رح اكتب اسمها بقوقل وادخل ع الموقع. اقولك حتى لو ما كان عندك لغة تساعدك الموضوع وربي سهل.
    أول شي تدور عنه كلمة Admission وبتلاقي تحتها International Admission اللي هي القبول للطلاب العالميين (غير الأمريكان)
    ومنها تحدد وضعك هل إنت Undergarduated يعني لسى توك متخرج من الثانوي ولا Graduate يعني دراسات عليا ماستر وفوق؟
    بتشوف هم وش كاتبين من شروط أولها طبعا انك تعبي الابلكيشن تبعهم والمعلومات اللي يطلبها منك جدا روتينية وبعدين تدفع رسوم تعبئة الابلكيشن وبالغالب ما تتعدا 40$
    بعدين شوف وش طالبين ترسل لهم أوراق؟ يعني صورة شهادة وجواز ومن هالاوراق وعلى حسب كيف يبونك ترسلها عن طريق فيدكس ولا تعمل لها سكان وترسلها!!

    مابجلس أشرح كل شي لان ممكن تختلف الخطوات من جامعة لجامعة. بس كل اللي بقوله لك إن الشغلة أسهل ما يكون وحرام تدفع فلوس لمكتب عليها!!
    والمصريين يقولون اللي يسأل ما يتوهش .. أي شي يصعب عليك اسأل وابحث في هالمنتدى بالذات والله فيه كثيير أعضاء خدومين الله يجزاهم خير. وعلى فكرة أنا مثلك عبيت الابلكيشن تبع المعهد وجالس اجمع الاوراق وبرسلها لهم بعدين بيجي القبول إن شاء الله.


    بالتوفيق أخوي
    7 "
  5. كلام كليم
    والله معك حق .. والحياة تجارب نجرب إن صار ولا رحنا لمكتب.

    /
    نادر
    فاجأتني باللي طلبوه منك واحد من الشباب يقول يأخذون ١٥٠٠ على كل شيء

    /
    People
    انت من مكتب ولا راسلتهم من عندك. على العموم على البركة وان شاء الله نسمع خبر الحاقك بالبعثة قريب، خشم يستاهل
    7 "
  6. نصيحة قدم من نفسك ...
    هذا المكاتب هدفها الأول الربح و المادة فقط
    رغم أن الجامعة التي سوف تقبل بها يعطيهم و الوزارة تعطيهم ويأخذون منك أيضا
    أحدى مساوي هذه المكاتب أنها تكب الطلبة جميعا في جامعة واحدة أو في معهد واحد تبع جامعة والمصيبة أن القبول فقط يكون للمعهد وليس قبول مشروط للجامعة ويكون اغلب الطلاب ليست تخصصاتهم في الجامعة

    أقوول لك أستعن بالله وراسل الجامعات بنفسك
    ممكن تستحين بمراسلك الملحقية ... الملحقيات توفر وتساعد في القبول
    7 "
  7. ما أدري .. بس كل اللي يقول اعتمد على نفسك خاض تجربة مع المكاتب ويوم سافر
    يقول: ليتني اعتمدت على نفسي آثاريها سهلة. لكن الان في عيني الحين اشوفها صعبة
    وعارف اول ما اطلع ان شاء الله بقول ليتني سويتها بنفسي.

    /
    ما أدري وش رايكم؟
    7 "
  8. أخي الكريم , فيما يظهر من معلومات ملفّك الشخصي أنك خريّج أدب إنجليزي , وهذا يعني أن لغتك الإنجليزية - على أقل تقدير - لا بأس بها أو كما يقولون " تقدر تخارج نفسك ". وعليه فإني لا أرى تلك الضرورة القصوى للإستعانة بمكتب خدمات تعليمية , سيّما وأنك تريد الحصول على قبول معهد , وهذا أمر متيسر حتى لمن يملك أبجديات اللغة الإنجليزية. وبخصوص سكن العائلة وحجوزات الطيران , فكن على يقين أن المكتب لن يتكفل بها 100 %. وقد يطلب منك رسوما إضافية أو يقول لك: سافر ودبّر امور سكنك من هناك !! وأيضا هكذا مكاتب ليست متخصصة في حجوزات الطيران. بالمناسبة , لو حددّت اسم ولاية/ولايات بعينها لأمكن للإخوة الأعضاء افادتك وربما مساعدتك في القبول دون الإضطرار لدفع رسوم - أرى أنه مبالغ فيها بشكل كبير - للمكاتب.
    7 "
  9. المشاركة الأصلية كتبت بواسطة سموت بالدين
    ما أدري .. بس كل اللي يقول اعتمد على نفسك خاض تجربة مع المكاتب ويوم سافر
    يقول: ليتني اعتمدت على نفسي آثاريها سهلة
    . لكن الان في عيني الحين اشوفها صعبة
    وعارف اول ما اطلع ان شاء الله بقول ليتني سويتها بنفسي.

    /
    ما أدري وش رايكم؟
    لسى أنا بجدة وما بقى لي إلا الضمان المالي وأتمم عملية القبول. ومثل ما قال الاخ المستشار لغتك على أقل تقدير بتمشي حالك وبيفهمون عليك.
    إنت بس ابدأ بالشغلة واي شي يصعب عليك اسأل الناس هنا محد بيقصر معاك

    ربي يوفقك وتتسهل أمورك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.