إلى مبتعثي أمريكا ... بكرة نصوم ولا نفطر ؟؟

المشكلة أختي إنه ما أعتقد في منظمات أخرى مسؤولة لتتع الهلال

فا إحنا ما بينا شي غير إنا نتبع المنظمة هذي اللي هي isna

وكمان أنا اللي مطمني زيادة إن الجو عندنا في بوسطن مغيم ومطر من الصبح فا حتى لو في منظمة بتابع الوضع ما حيقدرو يشوفو شي
وهذا كمان تتبع للسنة بما معنى الحديث إن غم عليكم فأتمو الشهر

والله أعلم

انا وصلني على ايميلي رسالة من الملحق السعودي الدكتور محمد العيسى تهنئة بحلول عيد الفطر المبارك .. و ايضا المساجد في ولاية متشغان ثبت عندهم دخول العيد .. و ايضاً قرأت خبر للأخ Programmer انه ثبت دخول العيد في المركز الاسلامي بولاية كنتاكي ...
والصراحة الحسابات الفلكية مالها داعي عند ثبوت رؤية الهلال ...
..

..
..

وكيف عن دنفر في كولورادو .. المركز الاسلامي ما أعلن عن أي شي للحين ؟

..
..

يزاع

المركز الاسلامي في كولورادو لم يعلن شي .. حسب ما سمعت ..
المشكلة انه اكثر مركز اسلامي في اكثر من ولاية اعلنوا ثبوث العيد .. و سمعت انه في بوسطن توجد غيوم و لم يتمكنوا من رؤية الهلال الليلة :gr_907: ...
يعني الصراحة شي غريب .. ما اعرف هل لو فطرنا بكرة مع المراكز و السفارة التي اعلنت ثبوت العيد .. هل راح يكون علينا ذنب ؟؟ انا بدأت اخاف يكون رمضان وانا ما اعرف :gr_896: ...
ليش ما يجتمعوا مجموعة من الطلبة السعودين و يحاولو يشوفوا الهلال عشان نرتاح ؟؟!!!

لا ياحياتي انا في متشقن وبكرة اخر ايام رمضان لان المركز الاسلامي عندنا يتبع ظهور الهلال من خلال مركز علوم الفضاء عندنا في الجامعه وبعد صلاه المغرب اعلن المركز الاسلامي انه لم يتم رويت الهلال وانه بكرة رمضان والسبت اول ايام العيد وهذا الصح وهذي السنه.. وهي رويت الهلال اما باقي مساجد متشقن فهذي لم تحاول حتى اقل جهد في رويت الهلال بل انهم اعلانوا انه بكرة العيد من الظهر يعني شي لايتبع السنه ولا فيه صحه لان الشخص يتبع البلد اللي فيه مو يتبع بلادة او السعوديه زي مايقول البعض الدين واضح واللي يعيد الجمعه بدون رويت هلال في نفس منطقته او نفس ولايته فااخاف يكون عليه قضاء يوم

في ناس من عندكم في مشتغن كتبوا في الملتقى السعودي في امريكا انه فيه مساجد اسلامية في آن اربور اعتقد قالوا بكرة اول ايام العيد ... عموما " اتفق العرب على الا يتفقوا " سواء في متشغن ولا غيره ..

سؤال وجيه !

لو كنا نتبع السعودية ليش ماكان الحديث صوموا لرؤيته وافطروا لرؤيته في السعودية !!

ما اتوقع ان لنا علاقة بالسعودية في رؤية الهلال !


المفروض كل واحد يتبع الهلال عنده ، واذا ماعرف يكمل الشهر ...

تحروا الدقة الله يجزاكم خير ..

واحنا في بورتلاند ما شافوا الهلال .. لذلك احنا صايمين ان شاء الله بكرا الجمعة..

وكل عام وانتم بخير !!

^
^

كلامك 100% ..
وصحيح..

كل واحد يمشي عالمكان الي هو فيه.. ياعااااالم!!!
وفي بورتلاند بالفعل سمعت صاحبتي تقول احنا صايمين بعد..

للاسف العيد الي فات شفت مواقف غريبه!!
كنت في نيويورك.. وكل مدينه تفطر على بلد معين!!!

بروكلن ماشيه على السعوديه..
ومدري وين المدينه الثانيه تمشي على المسجد..
ومدينه ثالثه ماشي على بلاده سواء قالوا صوموا ولا فطروا !!!

اعوذ بالله من الجهل

ايش اللخبطة هذي

انا في مديسن، ويسكنسن

الدنيا ملخبطة عالاخر، المركز الاسلامي ما شافو الهلال ويقولو بكره مكمل رمضان، اما مركز الدعوة حاطين رسالة صوتية تقول ان السنة هذي في مديسن في صلاتين عيد وحدة يوم الجمعة ووحدة يوم السبت

الشغلة صارت بالمزاج؟ الي يبي يفطر يفطر والي يبي يصوم يصوم؟؟

واصلا الجو اليوم مغيم واتوقع مو سهل يشوفوا الهلال
واذا كان الهلال بان في السعودية مو معناها بان في كل العالم. هنا في ولايات في امريكا شافت الهلال زي واشنطن وفي ولايات لأ

الله يجزاكم خير على اجتهادكم

وكل عام وانتم بخير

^
^

ايي اييييي هههههههههههههههههههههههههههههه

وربي العيد بالايست كوست انواع الفله ولا تعلييييق بقو ..

ناس تصوم على كيفها وناس تفطر على كيفها وتقول ايه ده بئى ماهو خلاص احنا ماشيين على مصر
مصر فطرت يبئ احنا نفطر كمان..

ويجونك ناس لا احنا صايمين لان السعوديه صاموا.. وكلامهم ماعليه خلاف..

يعني باختصار..
كل بلوك تمشيه تلاقي ناس في يدها كوفي من ستاربكس وتسلم وتقول عيدكم مبارك..
والبلوك الثاني تلاقي الناس تصلي وتجهز الفطور وتصلي لسه رمضان عندهم..

الصراحه فلم فاتني السنه هذي ..

لا وساعات تلاقي ناس تقولك تعال صل معانا صلاة العيد..
ومو مشكله يا أخي اذا انت عندك العيد بكره روح صلها مره ثانيه لك اجر