اسأل الله ان يوفق وييسر امور كل من يجاوب علي ، اخوكم محتاج لمعلوماتكم
السلام عليكم
يا اخوان اسأل الله ان يوفق كل من يجيب على استفساراتي لاني والله مليت وانا اسأل والى الان ما ادري وش اسوي وكيف ابدأ اقدم ع الابتعاث و و و الخ
بداية احب اوضح انا خريج كلية الاتصالات بالرياض تخصص اتصالات وحاب اكمل البكالوريوس في امريكا ولدي عدة استفسارات تكفوووون الله يسهل عليكم وييسر اموركم جاوبوني
1/ ما هي الجامعات التي تعادل جميع ساعاتي او على الاقل عدد كبير من الساعات الي درستها في تخصص هندسة اتصالات ( بشرط ان تكون الجامعه معتمدة لدى التعليم العالي وغير موقوفه )
2/ اذا درست في جامعه امريكية ليست تقنية وتخرجت هل سأكون مهندس تقني ( لاني درست سابقا في كلية الاتصالات ) ام سأكون مهندس والكل يعرف الفرق بين المسميين وخصوصا ان الشركات السعودية تفضل المهندس الغير تقني ورواتبه تكون اعلى من المهندس التقني ( هذا السؤال مهم اتمنى اجابه واضحه )
3/ اذا حصلت على البكالوريوس هل وزارة التعليم العالي ستعادل شهادتي ( انا راسلتهم وقالوا اذا جبت موافقة من جامعة امريكية راح نرد عليك ونقولك اذا بنعادلها لك او لا ) طبعا للتوضيح خريج التقنية غير معترف فيه لدى التعليم العالي لذلك اذا اراد يكمل دراسته لازم الوزارة تعادل شهادته بعد البكالوريوس علشان يستفيد من شهادته :)
4/ انا الحين ابي ابدى خطوات الدراسة في الخارج على حسابي وش اسوي اول شيء وهل اسافر لامريكا وادرس لغة واقدم على جامعات في ذلك الوقت ام من الان اجيب موافقة من جامعة امريكية ثم اسافر وادرس لغة ؟
5/ اذا سافرت ودرست لغة هل سأنضم لبرنامج الملك على طول او لازم اخلص اللغة لاني سمعت من بعض الاخوان اني بمجرد ما انضم لمعهد لغة الملحقية بتتصل علي ويضموني للبرنامج ؟؟
6/ هل ادرس في معهد خاص ام تابع لجامعة ؟؟؟
7 واخيرا/ المكافآت الشهرية الي تحصلون عليها من الوزارة هل هي كافية لكم خلال شهر يعني هل هي مثلا زي مكافأة الجامعات الحكومية 1000 ريال لانها ما تكفي ؟؟
تكفون يا اخوان ردوا علي لان والله ما عندي احد يدلني واقدر اشاوره ولا عندي اخوان ولا يحزنون والي يشوف الاسئلة طويلة ومشغول وما عنده وقت يرجع بعدين بعد ما يفضى ويرد علي
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
بجاوبك على اللي اعرفه
4/ جيب قبول لغه وخلال مرحلة اللغه تقدر تبحث عن جامعات لانه يكون البحث اسهل تستفيد من معلومات الطلاب اللي معك بالمعهد
5/ فيه طلاب ينضمون خلال شهرين وفيه سته اشهر وفيه اكثر يعني مو شرط
6/ انا دايم اسمع الطلاب يقولون معهد تابع للجامعه افضل بس انا عن نفسي ما احبها لانها مره طويله و الطالب المجتهد بيفلح في معهد تجاري او غيره ( وجهة نظر )
7/ في البدايه يكون فيه صعوبه لان فيه سياره وفيه اثاث وبعد ( اتكلم عن نفسي ) ماكان عندي خبره اول مره اتحمل مسؤليه بس بعدين مع الوقت صارت تكفي وزياده
بالتوفيق
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
ع فكره
بالنسبه للجامعه سمعت ان جامعة oregon state university تعادل عدد كبير من الساعات والله مادري عن صحة المعلومه هاذي انت اسأل واتأكد
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
اختي درر الله يجزاك خير ع المعلومات القيمة
لازلت انتظر ردود الاخوان والاخوات ضروري علشان اقدر اشوف اكثر الاراء او الاجابات المتشابهة وآخذ بها
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
والله يا اخوان لو تعلمون كم انا بحاجه لمعلوماتكم كان عذرتوني على كثرة استفساراتي
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
ما هي الجامعات التي تعادل جميع ساعاتي او على الاقل عدد كبير من الساعات الي درستها في تخصص هندسة اتصالات ( بشرط ان تكون الجامعه معتمدة لدى التعليم العالي وغير موقوفه )
يمكن هالموضوع يفيدك فيه تفصي عن الجامعات اللي تعادل دبلوم
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
جامعات أمريكية تعادل الدبلوم
www.siuc.edu ملاحظة تقدر تتاكد من موقع وزارة التعليم العالي ان الجامعات مش موقفة من الملحقية
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
بيض الله وجهك ياخوي والله يجزاك خير
وياليت اشوف تفاعل اكثر من كذا يا اخوان جزاكم الله خير
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
أتمنى الأخوان يفيدونك .. لو عندي علم ماقصرت معاك أخوي
بالتوفيق ان شاء الله
إحتــرآمي
بدر
رد: اسأل الله ان يوفق وييسر امور كل من يجاوب علي ، اخوكم محتاج لمعلوماتكم
الف شكر لك يا بدر تعليقك هذا يدل على اهتمامك بموضوعي الله يجزاك خير