ياعيال مبتعث بغيت فزعتكم بخصوص الضمان المالي

السلام عليكم

ياحبايب انا رجال ودي اطلع اكمل دراستي للبكالوريوس في امريكا على حساب الوالد ( الله يطول بعمره).

احد الشروط المطلوبه لتقديم الفيزا والجامعه والمعهد هو الضمان المالي... انا شفت عند احد اخوياي مطلع ضمان مالي من البنك الأمريكي وكان مايتعدى حوالي الست ورقات

وخويي الثاني طلب ضمان مالي من بنك ثاني للاسف مااذكر اسمه وعطوه ضمان مالي يمكن اكثر من 50 ورقه

الشاهد... انا الوالد حسابه بالبنك الأهلي وعندي كم من سؤال....:

1. اللي تعامل مع الأهلي من ناحية الضمان المالي وش اقول لهم ابي ضمان مالي حق الجامعه الفلانيه وبس ولا فيه اشياء ثانيه؟

2. لمن اسوي مقابلة الفيزا اكيد بيطلبون الضمان المالي,,, طيب الضمان المالي لازم يكون لجهه معينه ولا لجامعه ولا ايش ؟

3. رسوم الجامعات اللي شفتها تتراوح مابين 50000 ريال الى 200000 ريال وانا بقدم لاكثر من جامعه، يعني اسوي اكثر من ضمان مالي لكل جامعه بالمبلغ الي تطلبه ولا ضمان مالي بـ 200000 وخلصنا؟

4. هل الجامعات والسفاره يبغون نسخ اصليه ولا مصدق ولا يكتفون بنسخ عاديه ؟؟؟

ياليت فضلا لا امرا تجاوبوني باسرع وقت

ومشكورين

نصيحتي لك ( مجرب )

لا تسوي ضمان بنكي ....

اللي تسويه هو كالتالي:

خلي الوالد الله يحفظه يرح البنك ويطلب ( شهادة بنكية + كشف حساب 6 اشهر ) فقط


خليه ياخذ نسخ على عدد الجامعات اللي بتقدم عليها ..



لانه لو سويت ضمان بنكي ( معناته انه الفلوس اللي في حساب الواد راح تكون بأسم الجامعة اللي انت مسجل فيها وما لك صلاحيات عليها بعد كذا )

لكن الشهادة البنكية وظيفتها انك تثبت انو معاك الفلوس المطلوبة منك وبس


اتمنى اكون افدتك في الموضوع هذا


للمعلومية : بمجرد حصولك على الشهادة البنكية وكشف الحساب يمديك تتصرف في الفلوس وتصرفها .....

كلام أخوي كينجو سليم ...

بالاظافة مو شرط تذكر اسم الجامعة على الشهادة البنكية هذي العبارة (إلى من يهمه لأمر) أتوقع تكفي.. طبعا الشهادة باللغة الانجليزية و اسمك يكون مطابق لاسمك في الجواز .


ما هو لازم تكون الشهادة بنفس مبلغ رسوم الجامعة شهادة بنكية بـ 200000 اتوقع تفي بالغرض .

^
نفس ماقال اخونا
ويفضل تتعامل معهم بالشهادة لان بالظمان
بتكون الـ 200000 من حقهم التصرف فيها يعني تصرف لهم فقط
ولا يحق لك تسوي فيها اي شيء مضمونه عند البنك هذا الشيء الاول
الشيء الثاني لازم تكون الشهادة مصدقه و او الافضل يعطيك اياها اللبنك انجليزية
ولو ماعطاك انجليزية فيه مكاتب للترجمه و معروفه ومصدقه المكاتب ..

فقط يعني يسوي لك ترجمه شهادات و مصدقه و اذا انت في الرياض
السالم في شارع الستين .. مجربه انا حالياً عشان اراسل الجامعه بأوراقي للأبتعاث بكالوريوس ..

الله يوفقك ..

أخوي بعدين السفارة تطلب منك كشف حساب للوالد لآخر ثلاث شهور موب ستة ،، ستة شهور للي يبون كندا

هلا اخوي

انا جبت قبول 3 جامعات بالشهاده البنكية بس وهي الافضل زي ماقالوا الشباب لانك تودع الميلغ وتأخذ الشهادة البنكية اليوم الثاني وبعدها تسحب الفلوس هذا من ناحية

مناحية استخدم البنك الاهلي لانه ممتاز يسمح لك انك تاخذ اكثر من نسخه اصليه من الشهادة البنكية برسوم 50 ريال انا طلعت 5 شهادات بنكية بي 250 ريال كلها نسخ اصلية و خل الشهاده الى من يهمه الامر ولا توجها باسم جهة معينة ونصيحه غير الاهلي لا تتعامل انا واحد من اقاربي راح للسامبا قالوا مالك الا نسخه وحد وموجه لجه معينه وعلطول سحب فلوسه من البنك وقفل حسابه وفتح حساب في الاهلي ....