اطلاق نظام الخدمات الالكترونية الجديد للملحقية الثقافية السعودية بامريكا‎ !!

السلام عليكم ...

شباب أتوقع وصلتكم رسايل من الملحقية تفيد بأن النظام الالكتروني الجديد تم افتتاحه وأنه علينا تعديل بياناتنا من الآن ...

على هذا الرابط :

https://stdportal.mohe.gov.sa

المشكله اني عجزت وأنا أحاول أسجل ماقدرت .. فيه أحد سجل فيه ؟؟

ياليت تشرحون لي الطريقة ...

ويعطيكم العافيه .

نفس المشكلة ، ما قدرت أسجل !
آتوقع فيه مشكلة بالموقع ، خصوصاً انه طازج ..

أنا متوهق بسبب الشيك الملغي نزلت الرواتب وانا مانزل لي شي .. وأجار السكن قرب ×_×

سلمت لهم الشيك الملغي وانا في الملحقية ورحت لولايتي ولا نزلوا لي شي .. وأرسلت لهم صورة لشيك الملغي على الايميل voidcheck @ ونفس الشي اتصلت عليهم يقولون ماوصلنا شي .. وحملته لهم على الموقع الالكتروني القديم ووصل لي بروفد .. واتصل عليه بعدها باسبوع قالوا ماوصلنا شي .. وش اسوي فيهم .. يقطع أبو نظامهم المخيس تعرفون رقم مسؤول أقدر أتصل عليه وأشرشحه شوي في الملحقيه علشان يضيف رقم حسابي علطول بدون ماأرسله !!
تكفون عطوني رقم أي واحد مسؤول في الملحقيه ممكن يفيدني في الرواتب :(

اقتباس:

---

المشاركة الأصلية كتبت بواسطة iFeeLinG

أنا متوهق بسبب الشيك الملغي نزلت الرواتب وانا مانزل لي شي .. وأجار السكن قرب ×_×

سلمت لهم الشيك الملغي وانا في الملحقية ورحت لولايتي ولا نزلوا لي شي .. وأرسلت لهم صورة لشيك الملغي على الايميل voidcheck @ ونفس الشي اتصلت عليهم يقولون ماوصلنا شي .. وحملته لهم على الموقع الالكتروني القديم ووصل لي بروفد .. واتصل عليه بعدها باسبوع قالوا ماوصلنا شي .. وش اسوي فيهم .. يقطع أبو نظامهم المخيس تعرفون رقم مسؤول أقدر أتصل عليه وأشرشحه شوي في الملحقيه علشان يضيف رقم حسابي علطول بدون ماأرسله !!
تكفون عطوني رقم أي واحد مسؤول في الملحقيه ممكن يفيدني في الرواتب :(

---

اخوي انا كنت مثلك بس بعدين رسلت لهذا الايميل وبعد يومين نزل الراتب هذا هو الايميل
Jmartinez @sacm.org
بدون مسافات

لاتنسى تكتب على الشيك اسمك والرقم الطلابي وكلمة void يعني ملغي


واذا تبغى يعوضوك عن السيفس ورسوم الفيزا
Wmsedik @sacm.org
بدون مسافات بعد

بس لازم ترسل لهم صورة من ورقة السيفس وصورة من الفيزا ورسوم سامبا
واحيانا ينزلوها على الراتب بدون ما ترسلها لهم

هلا اخوي ..

والله اني مثلكم حاولت الين عجزت . مادري وش السالفه موراضي يضبط

الله يعين بس... انا صارلي ساعه احاول اسجل فيه

للحين اجرب ومو راضي يضبط معي ...

ضبطت معكم ياشباب

نفس الحال بس ممكن اعرف انتو بتسجلو بالرقم الطلابي اللي عطونا هو في ورقة الضمان المالي اللي هو مكون من 6 ارقام ولا بالرقم الجديد اللي عطونا هو

هذا اليوم الثاني ولافتح ولا فكر يسجلني ...

قسماً بالله مسخره هالملحقية .. كيف تعلن عن افتتاح البوابة وهم ماشيكو عليها شغاله مضبوط ولا لا !!

وش هذا التخلف الي عايشين فيه ...

--------
أنا يا أختي موجة بحر جالس أحاول بالرقم الطلابي العادي .. 6 أرقام .

انا يطلع لي رسالة تقول الملف غير مدقق