اتعس شي اذا اضطريت تتخذ قرار مصيري بسرعة, ساعدوني يا شباب تكفون..

August 1st, 2011, 12:06 AM

السلام عليكم و رحمة الله و بركاته,

كطالب انا متعود على نظام الثانوي و نظام الوزارة تركض وراك ههه الحين بعد التخرج, تعبت و انا ادور لنفسي و اسأل عن الخطوات المطلوبة مني. عموما, راجعت اتحاد الطلبة عندنا بالكويت و قالولي اني متأخر و لازم اختار الجامعة المناسبة لي و اعطيهم خبر بكرة بالليل على اساس يراسلون و احصل على قبول و الحق على كورس اللغة.

شباب انا تخصصي هندسة نووية, و الجامعات الي فيها التخصص هذا بالولايات 18 جامعة بس, و هذه القائمة و اتمنى لو اي واحد عنده خبرة بالموضوع يفيدني لاني ترى ما اعرف بنظام الجامعات فما بالك بنظام الابتعاث..


- Idaho State University
- Massachusetts Institute of Technology
- Missouri University of Science and Technology
- North Carolina State University - Raleigh
- Pennsylvania State University - University Park
- Purdue University - West Lafayette
- Rensselaer Polytechnic Institute
- South Carolina State University
- Texas A&M University - College Station
- University of California - Berkeley
- University of Florida
- University of Illinois - Urbana Champaign
- Unversity of Massachusetts - Lowell
- University of Michigan - Ann Arbor
- University of New Mexico
- University of Tennessee - Knoxville
- University of Wisconsin - Madison

بغيت اعرف اي جامعة احسن؟ اي ولاية؟ انا رايح على حساب الدولة, فالاسعار لو شوي غالية ما تفرق لكن ما تكون خيالية.. و بنفس الوقت ابي مكان يكون فيه عرب واجد و اهم شي الخليجيين (فديتكم! هههه) بس بنفس الوقت البعض يقولي لا اروح مكان متروس عرب لاني ما راح استفيد من كورس اللغة الا اذا كان العدد يمشي حاله. فمدري صراحة, احد عنده فكرة؟ انا بالنسبة لي قاعد اشوف اسماء ولا اعرف الفروق بينهم بشكل واقعي مع ان الاتحاد قالولي الفروق بين الاماكن بس شي حلو لو اسأل كذا جهة.

بعدين في سالفة ان الجامعة الفلانية قوية, ناس يعتبرونها ميزة و ناس يقولون قوية فيها صعوبة, مدري هل في مجال لي اني اسلك بجامعة قوية, ولا لازم متوسطة بس بأسم قوي عشان تضبط معي؟ الي عرفته ان Berkeley و Purdue و MIT جامعات صعبة حيل بس قوية..

اتمنى تساعدوني لاني مستعجل حييل و مرتبط مع الاتحاد و اسف على الاطالة..

• نشر عبر تويتر
• نشر عبر فيسبوك
• نشر عبر جوجل