لمن يريد بطاقة فيزا

وعليكم السلام ,
اخوي بطاقة الانماء سيئة , جدآً في الفيزآ ,
بحيث ان الحد الائتماني لها 800 او 900 ريال ؟ ولاتنسى ورا كل سحبه , عمولة ؟ !! احسب كم راح يروح عليك ,,

الافضل الاهلي على حسب كلام الاخوآن ,
بإمكانك تستعمل بطاقة البنوك السعودية "فيزا الكترونك"بالخارج , وبالاضافة على كل سحبة يتم اخذ الرسوم معهآ نفس الوقت ,
عكس فيزا الراجحي مسبقة, تسحب ويسجل عليك , ! ,,

العموله بس اذا بتسحب كاش لاكن نقاط البيع ماعليها شي هذا كلام البنك لي وانا بحتاجها في الفنادق وبشياء كثيره

واولاً واخيراً هي مؤقته الين تفتح حساب هناك


وعلى قولتهم شي افضل من لاشي

والله يوفق الجميع ان شاء الله

انصح بماستر كارد الإهلي مسبقة الدفع لها معي 4 سنوات ... رسومها بالسنه 100 ريال فقط لا غير ولا يااخذون اي رسوم اخرى

انا مره اودعت فيها 12 الف ريال وخليت المعهد يسحب المبلغ بعد ماعطيتهم الإرقام تبعها وتمت العمليه بكل سلاسه

الحلو فيها انك تحط فيها اي مبلغ تبيه عن طريق موقع البنك

بالعكس ،، بطاقة بنك الإنماء ممتازة جداً.
وما أبالغ ان قلت انها أفضل بطاقة إئتمانية متوفرة الآن ( مسبقة الدفع )
أنا عندي الراجحي تسوق ، والأهلي ماستر كارد
ورايح اطلع الإنماء بكرا ، خدمة البنك راقية جداً بشكل ماتتصور ، وماتفرق درجة الإحترام بالفلوس اللي معك ..

فضلاً عن ان البطاقة:
1 - ماعليها رسوم سنوية أبداً.
2 - أقل سعر صرف في كل البنوك غالباً ( 3.74 - 3.76 ) مقابل الدولار.
3 - ماعليها أي رسوم عند السحب - النقدي - من صرافات بنوك مختلفة ( الراجحي يأخذ 24 ريال لكل سحبه )
4 - العمولة ثابتة عند السحب كاش حتى في إمريكا وهي 6.5 ريال ( الأقل بين كل البنوك - الأغلب ياخذ 8 ريال ) + 1٪ من المبلغ المسحوب + سعر الصرف ، وهذه ميزة مو ممكن تلاقيها في أي بنك
لان الراجحي ياخذ في رسوم عالية جداً على السحب النقدي ، وكل البنوك السعودية ، بإستثناء الإنماء - حتى الآن - ،، أوضح لك :
سحبت 500$ ((((( كاش )))) من الصراف ==> المبلغ المسحوب راح يكون منك 1900.25ريال سعودي ( وهو أقل سعر يقدمه لك بنك سعودي )
راح ياخذ منك :
1 ٪ من الـ 500 دولار وهي = 18 ريال تقريبا
6.5 ريال عمولة
فرق الصرف بس.


طبعاً كل كلامي عن في المسبق الدفع هو (( السحب الكاش من الصرافات )) ، أما في الدفع على الشبكات في الخارج والإنترنت كلها تتشابه تماماً ، بس الفرق في سعر الصرف، ويبقى الإنماء هو أقل سعر حتى الآن. يعني لو سحبت دولار مثلاً راح ينسحب من رصيدك 3.75 ريال في الإنماء ، بينما الراجحي راح يسحب 3.77 ريال ، والأهلي أكثر يوصل الى 3.81 وهكذا

ـــــــ

لكن عيوبها، انها ماتقبل في الـ PayBal (( حتى الآن ))

والكل يمدحها ،، وكلها تؤدي نفس الغرض لكن الفرق في العمولات للبنوك بس .

فعلاً بطاقة الإنماء ممتازة جداً حساب عادي وبنفس الوقت فيزا نت بحد ألف ريال باليوم (طبعاً أسوح حساب) ولا الفضي والذهبي ومدري إيش حدها اعلى وما عليها رسوم الطباقة ولا شيئ بس انها ما تقبل كل السحوبات من النت حتى الآن وحسب كلام البنك لي أنهم بيخلونها تضبك مع كل الجهات في السحب عبر النت وتصير كالفيزا تماماً لكن يبي لها شهر على كلامهم!

وعلى فكرة ياشباب البنك عنده خدمة انه يفتح لك حساب بالدولار ولاكن لاتستطيع استخراج بطاقة صرف الالي لانه يبيلها وقت توهم مفعلينها عندهم

وانا حطيت الموظوع عشان يستفيدون الاخوان من تسديد سيفس او حاجات ثانية ويرتاح من البحث عن بطاقة فيزا

والله يوفق الجميع يارب

واشكرك اخوي مضطهد على التوظيح ولك خالص الشكر والتقدير

4 شهور اقدم على ماستر كارد بنك الاهلي وتنرفض والموظف مايدري ليش تنرفض ..!!!!؟

لكن اليوم بروح بنك الانماء والله يسهل

بالفعل انا طلعت حساب جاري بالانماء وتعتبر فيزه بنفس الوقت بس ترا حدها كفيزه 1000 ريال باليوم واعتقد انه مناسب وحدها سحب كاش تقريبا 500 دولار باليوم واعتقد انه مناسب ايضا ويفضل يكون عندك بطاقه اخرى مثل الاهلي مسبقه الدفع جدا ممتازه

بالنسبة للسحب كاش حدها 5000 ريال أي ما يقارب 1300 دولار وليس 500 دولار فقط