تصويت لأفضل ولاية في امريكا من ناحية الاجواء والدراسة والترفيه والعنصرية وما الى ذلك

و عليكم السلام
بما أن الموضوع عن الولايات
عندي تساؤل بسيط عن ولاية واشنطن (سياتل) و ولاية أوريقون (غرب الولايات المتحدة)
كم نسبة الأمطار فيها في السنة ؟ (بالشهور)
و أي تعليق يفيدني عن هذه الولايتين و بالخصوص ولاية واشنطن (سياتل)
بالإضافة إلى ولاية ويسكونسون ؟ كيف الأجواء و الناس
أتمنى أجد إجابة من الدارسين هناك
بالتوفيق للجميع

حسب ماسمعت بان الامطار في سياتل و اويغون كثيرة بزيادة بدرجة ان مايمضي اسبوع بدون مطر

أفضل ولاية قضيت فيها احلى ايامي بامريكا اوهايو
وياليت الزمن يرجع وادرس هناك

راح اضيف حاجه..

مستحيل احد يقول الولاية الفلانيه عنصريه !!
ممكن تكون بعض المدن !!

انا سمعت ان تينسي فيها عنصريه لكن لي صديق جلس فيها ٣ سنين ويقول ولا عمري شفت فيها عنصريه !!
العنصريه موجوده بكل ولايه ولكن اهي تعتمد على الديره

\/

اتفك معك بكلامك وانا ضد التعميم العشوائي !! لابد من التحديد لكي لا يفسر الكلام بطريقة خاطئة !!!!

موضوع رائع جاا عل الجررح ،،

محتاره بين ولايتين كالفورنيا & فلوريدا ،،،

شووو رايكم لا هنتوا ،،

ولاية وسكنسن من أفضل الولايات عشت فيها لمدة سنة .
جامعاتها قوية، أهلها طيبيين، قريبة من شيكاغو أما الجو بارد جدا في الشتاء لكن دافي ويمكن يميل للحرارة في الصيف.
كنت مرتاحة جدا جدا في عاصمتها ماديسون وكانت دراستي للمعهد هناك تجربة رائعة.

ولاية بنسلفانيا أسكنها حاليا.
جامعاتها برضه قوية، أهلها طيبيين وماشفت منهم شيء وحتى أنا ساكنة في مدينة يعتبرون أهلها متدينيين المسيحيين وفيها نسبة يهود بس طيبيين برضه ماشفت منهم شيء.
وولاية بنسلفانيا معروفة إنها أول ولاية نبذت العنصرية وعاصمتها فيلادلفيا كانت عاصمة أمريكا فيما مضى.
الترفيه موقعها حلو قريبة من نيوورك، واشنطن، بوسطن، نيوجرسي والولاية نفسها فيها أماكن ترفيه زي هرشي بارك وفيلادلفيا مدينة حلوة.
الأجواء باردة في الشتاء ودافية في الصيف.
لكن من ناحية الراحة كنت مرتاحة في ماديسون ويسكنسن أكثر وحبيتها أكثر.
بالتوفيق.

كاليفورنيا احلى شي ولا عنصريه ولا شي بس المشكله غاليه
تقدر ع الغلا لاتعداها

وسمعت عن اوهايو وميشيقان واوريغون حلوات
ولكل ولايه ايجابيان وسلبيات

اللي يسأل عن سياتل تراها مطر صح مطرهم رذاذ يعني نادراً يجي برق ومطر زي مطرنا بس باستمرار جوها كذا ممكن يجي ثلاث ايام او يومين في الاسبوع صحو وشمس ونفرح استغفر الله ،،، والجو ترا بارد ،، البلد هنا غاااااالية التاكس عالي لان نسبة دخل اهل البلد عالي وامتعلمين هنا نسبتهم عاليه ،،،، الناس هنا بشوشه ودايم مبتسمين في وجيهنا مع العلم انو واضح انو مسلمين ،، بس يظل الا مالواحد يدخل محل ويتعاملون معاه بطريقه سيئه بس الدور والباقي علينا في الصبر والتسامح والمعاملة الحلوة والله يعين ويقضيها على خير ،، سياتل امنه والامان بالله وحلوه كطبيعه بس بارده وغاليه ،،،،،

شباب ماسمعت احد يتكلم عن تاكسس لابشين ولا زين ..بما ان تخصصي جيوفيزياء وافضل جامعه لهذا التخصص هناك..اود التعليق