شرح اشرح لكم تجربتي مع الطيار للشحـــن

الاغراض التى طلبتها ليست موجوده لدي في المدينة التى ادرس بها

أشكرك من صميم قلبي

فقد أوفيت الشرح وبينت ما حار في خلدي

جزاك الله خير

اشكر لك مرورك على هذا الموضوع واتمنى لك التوفيق

و الله انك بيضتها يا شيخ .. اتمنى انها تتثبت لانه من جد الحالة صعبة بدون الشغلات الي بالسعودية .

انا موجود بلوس انجلوس ، و اتمنى منك انك تتفضل بذكر المكان تبع الجمارك + مكان الشركات الي استلم منهم الشحنة ، و فضلا لا امرا ، ياريت تكون بالـ google map علشان تكون اوضح ( سامحني لكن los angeles مره كبيرة )

وشكرا لك

اهلين اخوي ايـــاد ، شوف لما تطلع من المطار وانت في السياره تجيك اول اشاره تعديها ثاني اشاره تجيك شركات الشحن على يمينك مباشرة ، ولكن تعتمد على حسب الخطوط الي جايه الشحنه معاها ، لان الطيار كل مره يرسل الشحنات مع خطوط تحتلف عن الخطوط التى قبلها ، انا مثلا ارسلي الشحنه على خطوط اسمها فرجين اتلنتك ، انت اول ما توصل هناك في مجموعة شركات كثيره في نفس الموقع ، والطياره للشحن راح يرسل رساله ( للشخص الي في الرياض الي ارسل الشحنه ) بموعد اقلاع الرحلة واسم الخطوط الناقله ورقم الرحلة ، انت كمان لازم تخلي الشخص الي في الرياض يكلم الطيار او يمر عليهم اذا وصلته الرساله علشان يأخذ رقم شركة الشحن الي في لوس انجلس ، علشان انت تتصل عليهم وتأخذ العنوان ، لان بعض شركات الشحن ليست في نفس المكان الي قلتلك عليه في الجهه المقابله للمطار ، ولكن مثل ما قلت لك برقم الشركة راح تقدر توصل لموقعهم مباشرة ، وعلى فكره لازم تنتبه لموضوع التأخير ، لا تتأخر عن الشحنه ابدا ، لان كل تأخير يوم يحسبون عليك 25 دولار ، يوم جيت استلم الشحنه قابلت واحد من الطلاب في لوس انجلس دفع مبلغ 100 دولار مقابل التأخير عن الشحنه غير 40 دولار حقت الجمارك يعني كلها 140 دولار الله يعينه وكان جدا زعلان حتى كلم الموظف وقاله هذا استهتار بالعميل ليش ما تتصلون اكثر من مره وليه ما ترسلون رساله على الجوال اقل شي او ترسلون اميل ، قاله الموظف خلاص تعال يوم الاثنين وكلم المدير ، طبعا الكلام هذا كان يوم السبت الساعه 2 الظهر ، قال الطالب كمان اتأخر يومين علشان تحسبون زيادة ، وبعدها اخذ اغراضه ومشى ، ولا تنسى تخلى الشخص الي يرسلك الشحنه يكتب اسمك بالكامل حسب جواز السفر ورقم جوالك وعنوان سكنك ورقم جواز السفر ، فأنت يا اخي اياد لازم تتابع الشحنه هذه مشكلة الطيار انك لازم تتابع معاه ، ولكن خدمة جيده مقابل السعر الي يأخذه ، لك الي 45 كيلو ، و 45 كيلو ترى مو قليله انا على كثر اغراضي طلعت بس 26 كيلو ، فأنت اذا جيت تشحن من الرياض طالما ان الحد الاعلى هو 45 كيلو خلهم يرسلولك جميع الاغراض الي تحتاجها ويحطونها في شنطة ويقفلونها بقفل جديد صغير ، انا الاهل قفلوها بقفل واستلمتها زي ما هي ، حتى الجمارك في امريكا ما فتحوها ابدا .
وانا اقترح على الطلاب الي يعرفون بعض انهم في حال رغبتهم بإرسال اغراض من الرياض انهم يخلون اغراضهم مع بعض ، توفر عليهم القيمه ، مثلا انت و 4 من زملائك كل واحد يخلي اهله يجهزون له الاغراض الي يبغاها وحطوها في شنطه وحده ويكون دفع حساب الشحنه مقسم بينكم يعني اذا انتو 5 اشخاص حساب الشحن 600 ريال كل واحد راح يدفع 120 ريال حساب الشحن للطيار ، وعندكم 245 ريال اذا وصلت الشحنه في امريكا يعني كل واحد راح يدفع 169 ريال حساب الشحن من الرياض وحساب الجمارك مع حساب تأخير يوم . افضل من انك تدفع لوحدك 845 ريال . هذا مجرد اقتراح للطلاب يوفرون على انفسهم من ناحية المبلغ ، ويصير كل ما يبغون اغراض من السعوديه يرسلولهم اهلهم والسعر معقول جدا ، وكل ما زاد عدد الطلاب قلة القيمة ، لان يا اخ زياد 45 كيلو كميه كثيره وتكفي مشاء الله لأكثر من 5 طلاب ، هذه وجهة نظري .
واخيرا اسئل الله لكم التوفيق والنجاح ... وكـــل عام وانتم بخير .

جزاك الله خير على موضوعك الرائع الذي اتمنى تثبيته ليستفيد منه اكبر عدد من المبتعثين .

الله يجزاك خير ويعوضك وانا اشكرك على هذه المعلومات القيمة وأنا اخوك
وانا عندي اقتراح ثاني اسمح لي اضيفه على موضوعك ولو انه بيطلع من الموضوع شوي

طبعا هذا الإقتراح واخص به اللي لسى ماسافروا وهذي من تجربة شخصية
اذا فكرتوا ان تروحون لأمريكا فأكتبوا اغراضكم من بدري واسألوا الناس اللي سافرت في نفس المدينة اذا كانت بعض الأغراض اللي تبون تجيبونها متوفرة فيها والا لا
طبعا انا اقترح انه اذا كانت الأغراض اللي تبون تجيبونها متوفرة عندكم في البيت قبل السفر فأقترح انك تجيبونها حتى لو متوفرة في المدينة اللي بتسافر لها عشان توفرون فلوسكم لأنكم احق بكل ريال او دولار تدفعونه هناك
صح اتفق معكم انكم ممكن تدفعون زيادة في الشحن .. لكن تدفعون زيادة 100$ وهي قيمة شنطة اضافية وزنها 23 كلغ وما اتوقع ان فيه احد بتتعدى اغراضه الإضافية هذا الوزن
افضل من انكم تشترون اغراض من امريكا بمبلغ وقدره أو انكم تغثون اهلكم بارسالية قيمتها لا تقل عن 200$

هذي وجهة نظري وتقبلوا تحياتي

اشكر لك تعليقك الرائع وفعلا كلامك صحيح

كلامك صحيح بانو نجيب معنا كل شي افضل بالجوده

لكن سوال الطلاب اللي سبقونا ايش موجود وايش لا مااتفق معاك عن تجربه كل من سالته قال كل شي موجود هنا واسعارهم رخيصه ومنتجات افضل


لكن الواقع الاسعار ليست رخيصه والواحد مالقى اشياء كثيره ناقصته وخلينا اهلنا يرسلوها لنا الله يهديهم لو ماتكلمو احسن من توريط الناس

ومشكور ياصاحب الموضوع على الشرح الوافي حتى ارخص من البريد السعودي