نــدا إلى الاعضـــاء الكــرام .. حوار عاجل
السلام عليكم ورحمة الله وبركاته
اخواني اعضاء مبتعث اولاً مبروك عليكم الشهر الكريم
ثانياً يا اخوان انا في حيره من امري والدراسه جات وأجلتها بعد رمضان والحين اشتغلت الوسوسه عندي
انا طالع على حسابي الخاص وفي الانقلش مييييييييح ,,,,,,
افكر اني ماروح امريكـا واخذ اللغه من السعوديه ...وش رايكم ؟؟
بستفيد منها السكن والاكل والمواصلات كلها عند الاهل
الدراسه حدها حدها بالكثير 30 والتوفل معك وتدخل الجامعه في امريكا قبول غير مشروط
وش رايكم بفكرتي ياشباب تكفون انصحوني بالله ماهي اوفر لاني خايف البعثه تطول وماتجي واكهل جيب الوالد الله يحفظه
وبالنسبه للفيزا اهل قدر الغيها ؟؟ لاني مابي اخرب العلاقه مع امريكا حبيبتي ;)
اتشرف بـ آرائكم حبايبي ..:o
رد: نــدا إلى الاعضـــاء الكــرام .. حوار عاجل
وعليكم السلام والرحمه
ومبارك على الجميع
حعطيك راي مجرد راي وانت حر
الحين انت مخلص امورك ومطلع الفيزا ليه ماتروح شهرين زي بعض الطلاب يجون بالصيف بس تعال وجرب بنفسك وبما انك تقول لغتك ميييح الافضل والله
دراسة اللغه بالخارج لانو الى الان مافي معاهد زينه بالسعوديه لدراسة اللغه والمدرسين عرب واذا انتهى الكلاس حقك راح ترجع لبيتك وتتكلم عربي مع اهلك ومع الناس عربي وين تطبيق اللغه يعني راح تزيد فترة تعليمك
صحيح راح تخسر ابوك بس ان شاء الله تكون بفايده وتستغل كل وقتك للدراسه وحفظ الكلمات
والفيزا حتى لو ماانت طالع ليه تلغيها هي 5 سنوات صالحه خليها وااجل كل فتره
مجرد راي ... بالتوفيق ^^
رد: نــدا إلى الاعضـــاء الكــرام .. حوار عاجل
هلا اخوي الكريم
انا بقولك تجربتي الشخصيه بصراحه لي 3 شهور ولغتي قبل لا اجي مو بس مييح
الا ميح تربييع>>> :D
واللحين والله ان لغتي صارت فيها جرأه وصدقني اللغه الإنجليزيه جرأه وثقه وجهد في اختيار الكلمات
الي تحفضها واللحين بكل امانه ما اعطل نفسي واقدر اوصل المعلومه بشكل مرتب
انصحك وبقوه انك تمشي بطموحك وتجي ترى غيرك ما يحصل له فيزا لا ترفس النعمه
وانت الي بتستفيد في النهايه والعوض على الله
يارب بس يلحقوني على حساب الدوله قول امين :)
رد: نــدا إلى الاعضـــاء الكــرام .. حوار عاجل
توكل على الله وتعال هنا في امريكا
جيت من السعوديه ما اعرف الا يس ونو بس
المويه اذكر يوم ابغاها امثل لصاحب البقاله بيدي كأني ابكم ولا اصم
وكلها تساهيل اول شهر تبدأ تاخذ وتعطي