مقابلتي اليوم في السفارة الأمريكية + كم استفسار لو سمحتوا :)
بسم الله الرحمن الرحيم ..
بقولكم قصتي اليوم في السفاارة الأمريكية .. وصرااحة ما تستاهل الخووف مررره إلا عند المقابلة لازم تكوون واثق من نفسك .. أنا كنت متوتر شوي عشان كذا طول الأسئلة معي شوي بس الحمد لله قبلها :) وبقولكم قصتي لعل و عسى ..
كان موعدي في السفارة الساعه 9:00AM .. وصليت الفجر و حطيت المنبه على الساعه 7:30AM وقمت تروشت ولبست وراح معي ولد خالي على اساس يوصلني لسفارة ويرووح شغله ..
وصلت الساعه 8:30AM
المهم اني وصلت لسفارة وكان في طابور بس مو كثير .. المهم انك تعطيهم أوراقك عشان تدخل لسفارة .. والأوراق المطلوبه هي .. الجواز و إيصال سامبا و ورقه ثانيه نسيت وشهي والله :D
المهم اني عطيتهم اوراقي وتحققوا منها بعدين قالي رح الشباك اللي على اليمين .. ويوم رحت له قالي عندك جوال وكذا .. قلت له جوالي فقط وعطيته جوالي وعطاني بطاقه حمرا صغييرة عشان اذا طلعت استلم جوالي ..
المهم يوم سلمت جوالي دخلولي غرفه صغيره حقت تفتيش نفس اللي في المطار .. وحطيت اوراقي كلها في صندوق والمحفظه والحزام .. وفتشوني والحمد لله طلعت بريء ;)
وأول ما طلعت من التفتيش لقيت قدامي حارس أمن معه رشاااش طويييل .. وأنا قد قريت عنه في المنتدى .. اول ما شفته تذكرت اللي الموظووع الل انكتب عنه وظحكت لوووووووول ..
المهم اول ما دخلت قابلني واحد لبناني ثقييل دم اعووذ بالله عطيته نفس الأوراق اللي عطيتها لهم في البداية اللي هي الجواز وإيصال سامبا و ورقة ثانيه نسيت وشي والله :D
وشيك على اوراقي وسجل رقم على الجيهاز ومدري وشو .. ويوم خلصت عطوني رقم .. وانتظر من 8 ونص إلى 10 تقريبا وجا رقمي ورحت عند وحده فلبينيه وعطيتها نفس الأوراق اللي طلبوها مني اللي هي الجواز وسامبا وورقه ثانيه نسيتها والله :D وطلبت زود .. الـ آي توني و كشف الحساب وبعدين قالت لي بصم وبصمت وسألتني اول مره تسافر امريكا قلت لها ايه وبعدين قالت لي رايح سياحه ؟ قلت لا دراسة قالت اوكي وسلمت لي اوراقي وبعدين رحت لقاعه ثانيه انتظر رقمي ( على نفس رقمي القديم ) عشان اسوي المقابله .. المهم يوم جا موعد المقابله ورحت عند اللي يسوي معي المقابله كان امريكي وشعره بني ;)
واول ما شفته ابتسمت له وقلت له هاي وابتسم هو بعد وقال هاي وقالي عطني الـ الجواز و ايصال سامبا و كشف الحساب وورقه ثانيه نيست مدري وشي ;) وعطيته
وقالي ( بالانجليزي طبعا ) ليه ابتسمت اول ما شفتني :) قلت له مدري :p وبعدين قاعد يقووولي كلام انجليزي مدري وشو قلت له ( بالانجلزي ) أنا آسف لا استطيع التحدث بالإنجليزية ولاكنني أعدك ان اتعلمها :D وقاعد يظحك ويقووولي انت تتحدث الإنجليزية جيد جدا ;) قلت له قليلا وليس كثيرا .. وقالي وين بتروح اي ولاية ؟ قلت له فرجينيا وقالي اي مدينه ؟ قلت له أرلنقتن وقالي ليه اخترت هذي الولاية بالذات قلت له ليس انا من اختاره هنالك مكتب في جدة اختاره لي .. وحسيت انه مافهم وقالي وين سافرت آخر 5 سنوات قلت له فرنسا وبالبحرين و لبنان و تركيا أعتقد ذلك .. قالي تعتقد !! قلت له لالا لحظه .. سافرت لبنان و البحرين وفرنسا وتركيا ودبي هذا كل شيء .. بعدين قالي ماسافرت افغانستان كازاخستان قلت له لا ( و هو أكيد سألني هذا السؤال عشان يجس نبظي ويشوف هل ارتبك ولالا ) وبعدين قالي حسنا YOUR VISA IS APPROVED فضلا اتجه لمكتب فيدكس على يدك اليمين ..
والجواز حقي أخذه ولا عطاني اياه
وهذا كل اللي صااار ..
والحين أنا من جد بدييييييت أوسوس .. أخاف انه كان بيسلم لي جوازي بس انا مشيت على طووول لمكتب فدكس ولا امداه يعطيني جوالي واخاف فدكس يرسلون لي جوازي من غير الفيزا !! او يرسلون جوازي مع الفيزا و مكتوب على الفيزا رفضت !!
وآخر سؤالين الله لا يهينكم ..
مكتب فدكس وش درااه ان فيزتي انقبلت ولالا ؟ يعني لو واحد مثلا ما قبلوا فيزته بعد المقابله .. وراح لمكتب فدكس وسجل بياناته !! ؟؟
والسؤال الثاني كيف أعرف هل فيزتي قبلت فعلا ولالا ؟؟
رد: مقابلتي اليوم في السفارة الأمريكية + كم استفسار لو سمحتوا :)
مبروووك الفيزا مقبولة وأمورك زي العسل
رتب أمور السفر من ألحين
الله يسهل دربك
رد: مقابلتي اليوم في السفارة الأمريكية + كم استفسار لو سمحتوا :)
أخوي دام قال روح فدكس
إنشاءالله خير
لاتجلس توس ولا شي إنشاءالله امرورك تمام
وأسال الله لك التوفيق
رد: مقابلتي اليوم في السفارة الأمريكية + كم استفسار لو سمحتوا :)
شبااااب كيف أعرف هل فيزتي انقبلت فعلا ولالا ؟؟؟؟؟؟؟؟؟؟
رد: مقابلتي اليوم في السفارة الأمريكية + كم استفسار لو سمحتوا :)
ههههههههه
حبيبي انا نفس قصتك بالضبطططط
اللبناني ثقييل دم بشكل فضييع
دامه قال رح سدد للفيدكس اجل امورك تمام
جهز امورك للسفر كلها كم يوم والفيزا عندك
انا جلست ٤ ايام وجتني ولله الحمد
رد: مقابلتي اليوم في السفارة الأمريكية + كم استفسار لو سمحتوا :)
إن شاء الله خير دامه أخذ منك الجواز ,, إدعي ربي إنها تخرج بأسرع وقت
بالتوفيق ..,
رد: مقابلتي اليوم في السفارة الأمريكية + كم استفسار لو سمحتوا :)
امورررك زي العسل
انا كان موعدي الثلاثاء الماضي
والحمد لله اموري حلوه
وانا الاحد جت الفيزه و الحمد لله
و بالتوفيق لك وان شاء الله تطلع الفيزه بسرعه
رد: مقابلتي اليوم في السفارة الأمريكية + كم استفسار لو سمحتوا :)
شباب يقولون الفيزا غير كافيه لدخول الأراظي الأمريكيه صح ولالا ؟؟؟؟؟؟؟؟؟؟؟؟؟؟؟؟؟؟؟؟؟
رد: مقابلتي اليوم في السفارة الأمريكية + كم استفسار لو سمحتوا :)
هذه سفارة جده ولا الرياض
في ناس يقولون سفارة الرياض اسرع
رد: مقابلتي اليوم في السفارة الأمريكية + كم استفسار لو سمحتوا :)
اقتباس:
المشاركة الأصلية كتبت بواسطة s 1
هذه سفارة جده ولا الرياض
في ناس يقولون سفارة الرياض اسرع
هذي سفارة الرياض .. وأفظل شي طبعا الرياض .. الظهران .. جدة ..
والله يعين إلى الحين يومين ولا أي خبر عن الفيزا :(