الأعضاء الإشتراك و التسجيل

الملتقيات
ADs

استفسار بخصوص المبالغ النقديه في الطائره

استفسار بخصوص المبالغ النقديه في الطائره


NOTICE

تنبيه: هذا الموضوع قديم. تم طرحه قبل 2361 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبدالله 199
    عبدالله 199

    مبتعث مستجد Freshman Member

    عبدالله 199 الولايات المتحدة الأمريكية

    عبدالله 199 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى ....... , بجامعة .......
    • .......
    • .......
    • ذكر
    • ......., ......
    • السعودية
    • Dec 2010
    المزيدl

    August 7th, 2011, 08:49 PM




    يا شباب تكفووووون ساعدوني ,,,


    أنا بأسافر بعد أيام قليله إن شاء الله , وعندي مبلغ ( 45 ألف ريال _ 12 ألف دولار ) ...




    س 1 : هل أستطيع أن آخذ المبلغ معي في الطائره كاملآ ؟؟
    س 2 : إذا مثلآ تركت المبلغ في صراف الراجحي , هل أستطيع أن اسحب المبلغ من هناك كاملآ ؟؟
    س 3 : ما هي أفضل وأسهل وأسرع طريقه لكي آخذ المبلغ كاملآ ؟؟

    لأنني أخاف احتاج المبلغ في أي وقت .. خاصة أنني سوف أذهب إلى مدينة " لوس انجلوس " وهي غاليه جدآ ..




  2. ياخوي عبدالله اسمح لي ولا تزعل انت رايح تدرس والا رايح تشتري البيت الأبيض ؟
    ليش ماخذ هالسيولة معك كلها خل معك 2000$ والا بالكثير 3000$ مهما كان غلاء المكان اللي بتروح لو انك حتى بتروح طوكيو
    لأنه خطورة عليك وانت شايل معك هذا المبلغ سواء في المطار(ماتتعدى 10000$) او في الشارع
    تقدر تصرفه من الراجحي اذا رحت هناك لكن بياخذ منك رسوم على كل عملية سحب .. انا انصحك تاخذ معك بطاقة الائتمانية سواء كانت العادية او مسبق الدفع لأن في امريكا غالبا لايتعاملون بالكاش اضف الى ذلك ماعليك رسوم في استخدام البطاقة الإئتمانية

    بالتوفيق
    7 "
  3. فيه طريقة عن طريق مباشر حيث تقوم بتحديث البيانات ويجيك خيار الرقم الدولي وتضع هذا الرقم طبعا افضل لك تكلم الهاتف المصرفي ويفيدونك اكثر
    لكن انا انصح تاخذ جوالك السعودي معك خاصة اذا مفوتر لأن الاستقبال في امريكا مجاني على AT&T اذا كان رقمك من STC وعلى T-MOBILE اذا كنت موبايلي
    7 "
  4. الله يوفقك وتصل بالسلامة إن شاء الله أغلب الشباب يمدحون بطاقة الأهلي مستر كارد مسبقة الدفع .
    خذ كاش معك حدود 1000 دولار والباقي وزعه على كذا بطاقة حتى لو قدر الله البطاقة ضاعت متوهق
    وإذا كنت تبغي تسحب بطاقة الراجحي من أمريكا أسحب مبلغ عالي مره واحد لأنهم يأخذوا نسبه ، اغلب الصرافات في أمريكا أعلى مبلغ 1000 دولار .
    تفضل موضوع أتمنى يفدك
    افضل و ارخص طرق تحويل للمبالغ النقدية من السعودية لامريكا او اي دولة .. شرح مفصل
    بالتوفيق
    7 "
  5. انا انصحك تسوي زيي لكن في مشكله تواجهني فقط

    انا اخذت بطاقة فيزة الراجحي مسبقة الدفع وتشحنها لكن المشكله في التحويل مره اخرى تحتاج تستخدم الانترنت وتحول من حسابك الجاري الى بطاقة الفيزه
    والمشكله ماتقدر تدخل الموقع الا لمن يرسلون لك ارقام التفعيل وانا متخوف انها ماتوصلني واانا في امريكا بس انا طلعت عموما شريحه اتصالات مسبقة الدفع وان شاء الله اقدر استفيد
    7 "
  6. .

    شكرآ جزيلآ لكل من مرّ من هــنــــــــــا ...



    اخواني : أنا فكّرت في فكره بعد كلامكم هذا , وأبغى نصيحتكم ...

    1_ آخذ معي مبلغ 2000 دولار كاش .

    2 _ أودع في بطاقة الفيزا مبلغ 5000 ريال " 1333 دولار " .

    3_ أخلي أخويه يحول لي المبلغ الباقي بعد ما أوصل على حسابي في البنك الأمريكي .


    تكفووووون عطوني مشورتكم ,,,
    7 "
  7. المشاركة الأصلية كتبت بواسطة "عبدالعزيز"
    انا انصحك تسوي زيي لكن في مشكله تواجهني فقط

    انا اخذت بطاقة فيزة الراجحي مسبقة الدفع وتشحنها لكن المشكله في التحويل مره اخرى تحتاج تستخدم الانترنت وتحول من حسابك الجاري الى بطاقة الفيزه
    والمشكله ماتقدر تدخل الموقع الا لمن يرسلون لك ارقام التفعيل وانا متخوف انها ماتوصلني واانا في امريكا بس انا طلعت عموما شريحه اتصالات مسبقة الدفع وان شاء الله اقدر استفيد

    أنا ورد في بـالي نفس الاشكـال وفي حــل بسيط وانا اخوك

    في موقع مباشر الراجحـي في خـيار أضف رقمك الدولـي وبس

    بالنسبة للشريحـة سألت وكان نصيحـة الشعـب هنـا في المنتدى أنه في الاتصالات وكذلك موبايلي ، خط مفوتر باقة استقبال فقط ، الرسوم عشرين ريـال فقط في الشهـر ..

    ونسـال الله التسـاهـيل..
    7 "
  8. يخوي ليش قلقان انت مره كذا موضوعك يوحي بإنك شايل الدنيا فوق راسك
    الحل يالغالي

    ١ ) شيل معاك ٥٠٠$-٧٠٠$ كاش ( وهذه كثيرة ترا ) لان ماراح تصرف كثير الا اذا انت ناوي يعني، أغلب الأشياء اسعارها قريبه من اسعارنا بإستثناء بعض الخدمات.
    ٢ ) خذ لك ٢ كريدت / ديبوست كارد فيزا او ماستر كارد من البنوك عندنا أنصحك باحدى هذه ( فيزا الراجحي تسوق، مصرف الإنماء، البنك الأهلي ) وهذا شرح بسيط :
    - فيزا الراجحي: فيزا مستقلة عن الحساب الجاري وتقدر فلوسك في الحساب الجاري وتحولها الى الفيزا في نفس الوقت، طبعاً الفيزا ماعليها رسوم على الشبكة ومقبولة في كل محل في العالم، طبعاً ( السحب كاش ) خليه كل شهر مره واحدة يعني لان عليه رسوم تقريبا حول الـ ٣٨ ريال للسحبة الوحدة، فكل أول شهر أسحب المبلغ اللي تحتاجه - كاش - والباقي خليه في الفيزا ، فاذا عندك فيزا تقريبا مايحتاج انك تسوي حساب في إمريكا الا اذا للسحوبات الكاش بس او اذا انت مبتعث ( عشان التحويل من الدولة ) بس لو انك على حسابك ماتفرق ، الفيزا عليها رسوم من الراجحي ١٠٠ ريال سنوياً.

    - فيزا الإنماء : فيزا ممتازة جداً،تقدر تستخدمها هنا وهناك ، في السعودية تصير تعمل على الشبكة السعودية وفي الخارج تعمل كفيزا ( ديبوست كارد ) طبعاً هي - بدون رسوم شهرية - ولا رسوم إصدار ولايوجد رسوم انخفاض الرصيد ابداً ، وهي فورية ، وتعامل بنك الإنماء مميز ، السحب في الخارج تقريباً يقدم لك أقل رسوم على مستوى البنوك وهو = ٧ ريال تقريباً + ١٪ من قيمة العملية+ فرق سعر الصرف.

    - ماستر كارد الأهلي : عليها رسوم ١٠٠ ريال سنوياً، ماتحتاج انك تسوي عندهم حساب جاري ( عكس الراجحي ) ، والباقي نفس الشيء ، تقدر تستخدمها في كل مكان.

    خلاصة أمر الفيزا :ان كل البطاقات تخدمك، لكن الفروقات البسيطة هي في الرسوم اللي يفرضها البنك وسعر الصرف المعتمد لديه، فمثلاً لدى الإنماء كل دولار إمريكي يساوي = ٣.٧٥ ريال بينما في الأهلي كل دولار = ٣.٨٠ ريال وفي الراجحي تقريبا = ٣.٧٧ ريال ( طبعاً هذه تتغير مع تغير أسواق العملات لكن التغير طفيف وغير ملاحظ )


    يعني مافرقت عندك حساب أمريكي ولاسعودي ، اذا نت على حسابك الخاص السعودي ارخص لك بسعر التحويل أصلاً (اذا استخدامك قليل للكاش) لان التحويل بين البنوك المحلية رسومه من ١٠-١٥ ريال ، بين التحويل من بنك محلي الى بنك دولي ( يعني اخوك يحولك من الراجحي مثل لـ بنك أوف إميريكا ) ياخذ رسوم عالية شوي + وقت ، بينما التحويل بين البنوك المحلية بنفس اليوم+رسوم رمزية ( يعني أخوك يحولك من الراجحي مثل لحسابك في الراجحي او الأهلي او الإنماء .. وهكذا)

    بالنسبة لرسائل التفعيل، فتقدر تخلي جوالك السعودي شغال مافي مشاكل (إستقبال) وببلاش المكالمات والرسائل حسب الشبكة التي تدعمها شريحتك.


    المختصر المفيد، خذ معاك مبلغ كاش يمشيك، والباقي خليه بالفيزا وهناك تقريباً كل الأشخاص يستخدموا الفيزا لكل شيء في حياتهم! يعني لو بيشتروا موية يشتروها بالفيزا! فـالفرق كله راح يكون في سحبك الكاش، اذا ماراح تسحب كاش كثير - يفضل - البطاقات الإئتمانية المحلية تكفيك ، وتقدر تسحب منها كل شهر مره مثلاً ماراح يضرك الرسوم اللي ياخذوها.

    وأنصحك، انك تطلع أكثر من بطاقة ، واحدة خليها في المحفظة( حقت الراجحي مثلاً ) وخلي أغلب رصيدك في الحساب الجاري وفي الفيزا مثلا خلي ( ١٥٠٠$) كذا وكل ما احتجت زيادة ادخل على مباشر الراجحي واشحن الفيزا( مافي أسهل ) بتقول ليه الغلبة؟ ( لان الحساب الجاري ماراح احد يقدر يسحب منه مثلا لو انسرقت الفيزا او حصل حاجه لاقدر الله ).
    وبطاقة ثانية خليها في مكان ثانٍ في شنطة معينة، او في سكنك لما توصل ( للطوارئ يعني وخلي فيها مثلاً ١٠٠٠$ ) هذا لاتستخدمها الا للحاجة.

    وكذا انحلت المشكلة
    وبالتوفيق يالغالي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.