مساعدة ادلة تدين وتبين تلاعب مكتب الطيار باموال الدولة >>> نريد مساعدتكم لايقاف هذا التلاعب

اهلين ابو قصي اشكرك على هذه المشاركة الرائعه مع احترامي لوجهة نظرك .. نحن نعلم بان الوزارة تعلم ولكن من وجهة نظري لابد ان نذكر موضوع التذاكر .. نعلم انها بالاجل ولكن لماذا الا يوجد لدينا ميزانيه تكفي لن ندفع للطيار لمدة خمس اعوام ان ادفانس ... نحن لسنا بالدولة الفقيره ويمكننا ان ندفع لهم مقدما ... نحن احق بهذه المبالغ .. ولدينا مايثبت التلاعب الكبير الحاصل من قبلهم ... لذلك احترم وجهة نظرك اخي العزيز ولكن ارى انه لابد من ذكر هذا الشيء لانه هو نقظه القوه لدينا .. تحياتي

اهلين اخوي عبدالعزيز .. هذه المره انشالله غير نحن نملك ادلة وياليت اذا كنت تملك التذكرة اللي تقول عليها ترسلها لنا على ايميل الحملة ... تحياتي اخوي

اهلين اخوي ... احترم وجهة نظرك ولكن لايوجد شي مستحيل ولو علمنا انه الموسى بنفسه صاحب مكتب الطيار ماتوقفنا ... مشكلتنا السعوديين انا نخاف ونتهرب .. لو شافونا كلنا يد وحدة راح نجبرهم انهم يحققوا مطالبنا .. بس فضلا ياخي الكريم اذا لاتريد المشاركة لاتحاول تهبط من معنوياتنا اخوي .. تحياتي

المشكلة في الطيار والخطوط السعودية على حد سواء

لأنهم يفرقون بين الأسعار فعندهم مثلا أمر الاركاب يحسبونه بسعر حكومي ( حسب كلامهم )

والسعر الشخصي يكون ربع السعر الحكومي


بالعربي يزرفون عيني عينك والحكومة دارية وساكته على بالهم مااحد يعرف يحجز الا الطيار

وبعدين نظام امر الاركاب قديم ومن العصر الحجري .... ألحين صار كل شيء بالنت .. وربعنا بالديرة على بالهم انه صعب ويبيله وكيل يخلص امور الطلاب


بلدنا صعب يطور دام العقليات اللي ماسكه االبلد ماتفهم وهم مازالوا في ود الخطاب ورجع الخطاب..

ودك تفرمت ام الوزارات كلها وتعيدها من اول وجديد..

اقسم بالله انهم فشلونا في كل شيء.... ارتفع ضغطي

يالله وأنا معكم <<< مع الخيل ياشقرا

أنا لا أعرف هذا المكتب ولاإني دارسه برا !

بس الحق ينقال باين إنكم مظلومين ولزوم نوقف معكم .

أنا معكم إلى النهاية قسماً بالله متحمسه إلى درجة الإشتعال << هههههههههه

لا تسكتون أبدا أبدا عشان يعرفون أن فيه ناس ماترضى بالظلم .

أنا ماقاهرني غير الي يقولون بالطقاق هذا على حساب الدولة موب خسران شيء .

لا أنت وإياه بكذا هم يأكلون حلال حكومتكم وأنتم ساكتين مثل الرخوم .

تحياتي ودعواتي لكم بالنصر القريب ،،،

الله يسعدك اخوي .. لا وربي عندنا عقليات مفتحته ومفتحة اكثر من ما تتصور هذه كلها مجرد اعذار لكي ينالوا مايريدون .. هل تعتقد ان مثل هذه الاشياء ليست مدروسه ومن قبل ايدي خفيه والتي هي مستفيدة من هذه القرارات ... نعم نريد نفرمت ام الوزارة وماذا يمنع .. لدينا ميه الف شخص قادرون على فرمتته نظام التعليم العالي كله .. مو بس وزارة .. لازم يكون طموحنا كبير ولا نياس ... فهذا من مصلحتنا ومصلحة دولتنا والهدف من وراء ابتعاثنا كما يقولون هو تغيير هذا الفكر .. فاذا لم نستطع ان نغير بعدما تغيرنا فماهي الفائدة ..

اشكرك على ردك الرائع ياغالي

انا المح شي من رد شخص واذا كان نفس شكي فانا انسحب هههههه لان مارح نستفيد شي من التجمع او شي من ذلك

(((اذا كان الطيارة يملكه شخص ذو نفـــــوذ بالمملكه )))

لان للاسف مانقدر نسوي شي

مكتب الطيار للأسف خدمتة سيئة جدأ جدأ هذا اولا
تعطيك الملحقية امر اركاب .. تدق عليهم زين ان جاك رد بعد اسبوع تكون محظوط
اموت واعرف كم عدد الموظفين بمكتب الطيار في الملحقية .. تدق يرد عليك الف شخص لكن الي مسؤؤل عن الحجز واحد كيف !!!!

ثانيأ

انا مابغي افتح ملفات قديمة .. من ناحية التلاعب ..
لكن حصل لي موقف أمامي .. عام 2010 بالوزارة .. بمكتب الطيار ..
كنت واقف اقص التذكرة ومعي ورقه امر اركاب .. وجاء شخص مامعه ورقه امر اركاب قال لموظف الطيار انا جايك من طرف فلان .. ابغى تذكرة
وجاء الموظف وعطاه تذكرة .. لان التذاكر حكومية ماحد راح يسئل عنها .. ماهى من حلال ابو طيار

اظن الشخص الذي يملكه من الزلفي واسمه ناصر الطيار
لكن لا اعلم هل له نفوذ كما تفضلت الله اعلم