لي 15 يوم بأمريكا ولا جاني رقم الملف
السلام عليكم ورحمة الله وبركاته
اخواني لي الان 15 يوم من قدمت اوراقي بالملحقيه وقالو لي يومين ويجيك الرقم على بريدك ولا جاني شي واكلمهم اما مشغول او محد
يرد انا قدمت عند الاستاذ سعد العريني الي يقدر يفيدني باي شي ياليت والي عنده رقم مباشر للاستاذ سعد يعني موبايله او شي يرسله لي
لاني بجد محتاجه لرقم الملف انا ادرس على حسابي واخاف تجي مكرمات ولا شي ولا اعد من ضمنهم
الله يسعد الي يساعدني
رد: لي 15 يوم بأمريكا ولا جاني رقم الملف
الله يكون بعونك ان شاء الله وييسر لك امورك
رد: لي 15 يوم بأمريكا ولا جاني رقم الملف
يا أختي الحال من بعضه انا مبتعثه من جهة عملي وسجلت الكترونيا ونفس الشي ما وصلني رد بس كاسبين دعواتنا الله يهديهم ويهدينا جميعا. مع القصص اللي كنت اقراها عن الملحقيه واسمعها صرت اعيشها ومتكله على الله يدبرني ويفرج همنا جميعا يكفي انا تغربنا عشان نتعلم والله لو فيه اخلاص في العمل وتطبيق لمعايير الجوده كان متعطل احد.
رد: لي 15 يوم بأمريكا ولا جاني رقم الملف
الاخت بنت ابوي ,
ادخلي موقع الملحقية وروحي على جهة اليمين دليل موظفي الملحقية راح تفتح لك صفحة اختاري من القائمة قسم الدارسين على حسابهم الخاص , بعدها راح تفتح لك قائمة بكل الموظفين , عاد الشيء راجع لك يا انك تدقين على الارقام او انك تكتبين ايميل تشرحين موضوعك و تختارين خاصية البي سي سي وتحطين كل الايميلات الي بالقائمة وان شاء الله بتحصلين الرد وهذي افضل طريقة , الله ييسر امورك
رد: لي 15 يوم بأمريكا ولا جاني رقم الملف
يا اختي لاتعتقدين انك لحالك كلنا نعاني معك
انا باقي 10ايام على موعد دراستي ولا املك ضمان مالي والسبب الخلل في الموقع وعدم رفع الملفات وعدم تجاوب الدعم الفني واخلاء المشرفين انفسهم من المسؤوليه والعيسى ايضا
اذا عندك احد بواشنطن انصحك خليه يحرك امرك
رد: لي 15 يوم بأمريكا ولا جاني رقم الملف
وأنا نفس الشي
أكثر من عشر أيام ولا حس ولا خبر
رد: لي 15 يوم بأمريكا ولا جاني رقم الملف
حسبي الله عليهم انا ما ابي غير رقم لا طلبت لا ضمان مالي ولا شي ليه التعقيد هذا ؟
رد: لي 15 يوم بأمريكا ولا جاني رقم الملف
انا كمان نفس المشكلة
لي 10 ايام من لما وصلنا لامريكا ومافي رقم ملف حتى اني ارسلت طلب ثاني وارسلت ايميلات ما بقي احد ما ارسلتله ولا في احد يرد انا كمان مبتعثة من عملي..ايش نسوي؟؟؟؟ مرة مرتبكة
رد: لي 15 يوم بأمريكا ولا جاني رقم الملف
استلميهم ازعاااااااااااااج
روحي لدليل الموظفين في الموقع
http://www.sacm.org/ArabicSACM/Emplo...ctoryEmp1.aspx
روحي لقسم ادارة فتح الملفات واستملي الموظفين الي تحسين لهم علاقة بالايميل والجوال بعد
وراسي خالد العمار واتصلي عليه كل وقت
واذا احد كلمك من الموظفين لاتخربينها قولي ضاع وقتي والدراسة بدأت وماجاني شيء..؟
بالتوفيق..
رد: لي 15 يوم بأمريكا ولا جاني رقم الملف
معليه اختي يبييلك وقت ع مايردولك بس راسليهم ومايصير خاطرك الا طيب ..~