من رحلة السعودية الى يونايتد ..كيف؟
السلام عليكم
انا ان شاء الله رحلتي يوم الاحد الفجر ..
الوصول الى واشنطن الساعة 2 الظهر ..
و حجزت على رحلة لشركة يونايتد الى بيتسبرغ الساعة 5 العصر
اول شي تتوقعو يمديني الحق على الطيارة الثانية ؟
ثاني شي احد يعرف الطريقة شلون انتقل من منطقة نزولي من الطيارة السعودية و اروح الى طيران يونايتد ؟
لاني اللي اعرفه ان المطار كبير و فيه اكثر من مبنى ..
شاكر لكم و مقدر
رد: من رحلة السعودية الى يونايتد ..كيف؟
لعل إجراءات النزول من الطيارة الأولى وختم الجواز تستغرق ساعة بالكثير.. وبإذن الله أقل..
بعدها تاخذ شنطك وتسأل الموظفين عن الطريق.. لأن المطار فعلاً كبير.. والحركة فيه من خلال قطارات.. هم راح يدلونك في أي قطار تركب.. انتبه لا تغلط بالطريق عشان لا يضيع عليك الوقت..
إجراءات ركوب الطيارة الثانية ما راح تاخذ وقت إذا شنطك حسب الوزن المسموح به وما عندك مشاكل في التفتيش ومعاك البوردينق باس حقك..
حاول قبل ما تسافر لواشنطون تطبع البوردينق من موقع يونايتد إيرلاينز..
طريق السلامة..
لكن مرة ثانية حاول تخلي الوقت بين رحلتين أطول شوية.. أضمن لك وأريح لبالك..
رد: من رحلة السعودية الى يونايتد ..كيف؟
الله يعطيك العافية يا رب
المشكلة ما لقيت في ذاك اليوم الا هذه الرحلة او رحلة الساعى 11 بالليل
الله يجيب اللي فيه الخير
رد: من رحلة السعودية الى يونايتد ..كيف؟
3 ساعات كمدة أراها معقولة , وبإذن الله تستطيع اللحاق بالرحلة الداخلية.
رد: من رحلة السعودية الى يونايتد ..كيف؟
تأكد أن الرحلة الداخلية من نفس المطار اللي نزلت فيه !!! تراها وهقة لوك حاجز على مطار ثاني. في واشنطن ثلاث مطارات دولية فتأكد من رمز المطار،،،