بخصوص الشحن من السعوديه الى امريكا.. الله لايهينكم رحلتي بعد يومين

ياحبيب اخوك لك خيارين او اقتراحين وطيع شوري اختار احدهم وابعد عن البريد ترا ما اخبل من البريد السعودي الا البريد الأمريكي .. بالاضافة ان السعر غالي مافيهم ثقة

الخيار الأول : انت لك شنطتين كبار كل شنطة 23 كلغ تشحن مع العفش ولك شنطة صغيرة تصل الى 9 كلغ تاخذها معك في الطائرة
بإمكانك تجيب شنطتين متساويات في الحجم وتخلي في كل شنطة 23 كلغ بالاضافة الى 9 كلغ في كبينة الطائرة يعني لك 54 كلغ بس تتوزع مثل الطريق اللي ذكرتها لك .

الخيار الثاني : وهذا انا مجربه والجأ له اذا ماضبط معك الخيار الأول
وهو انك تاخذ معك شنطة اضافية وتدفع مبلغ زيادة وانا جربته مع طيران اليونايتد ودفعت (100$) بس انت تأكد من الخطوط القطرية كم قيمة الشنطة الإضافية لكن ما اعتقد انه بيتعدى(100$) اي مايساوي (380 ريال) بينما لو شحنت عفش مستحيل ولامواخذة لوتحب السماء ماراح تدفع اقل من(250$)
وماتدري عن عفشك ومتى يجيك لأن لا البريد السعودي ولا الأمريكي ثقة .. البريد الأمريكي مضيع لي قبل شهر اوراق وفواتير رسمية .

الله يسهل امورك يا غالي.. كلام كليم

انا بيني وبينك اقتراحك الاول ممتاز بس المشكله فيه اني بعد ما اوصل هناك لوشنطن !! راح اتمرمط انا شخص واحد كيف اشيل شنطتين كبار! + شنطه صغيره لطيارة + شنطه لاب توب
وتبي تروح تشوف لك الفندق فتحس صعبه تجرهم معك

هذه كان خوفي منها ولا اقتراحك ممتاز.. واشكرك بصراحه على نصيحتك وتحذيرك بخصوص البريد السعودي والامريكي لان كنت متخوف بصراحه واذا كان كذا الله يعين لان حتى انا مشكك في البريد الامريكي

مرسل اوراق لاحد الجامعات في امريكا .. والى الان ماستلموها!

نفس السؤال الي كأن يدور ببآلي هآليومين ..

اتمنى نحصّل إجابه ..

اهلا اخوي ماتوقع فيه حلول اخرى... العضو كلام كليم ماقصر اعطانا الحلول.. ومافي اليد حيله الله يعين الا اذا في اختراع ثاني!

شف وانا اخوك انا مجرب القطرية

اقلعت من الرياض الى الدوحة ومنها الى واشنطن ومعي وزن زايد ماخذو على ولا ريال في الرياض او الدوحة , لكن المشكلة في الرحلة الداخلية خذوا مني 200 دولار على شنطتين كل شنطة 100

واي سوال انا حاضر

انا اللي بسويه ان شاء الله باخذ شنطة كبيره واخذ شنطة معاها اصغر فالحجم يعني احاول انو الشنطتين تكون 23

بس يا اخوان كيف اوزنها قبل ما اروح المطار ؟

اذا بتشحن اشحن بـــ DHL الحين تخفيض استغله اذا مرا محتاجها
وفدكس بعد ممكن تكلف 500 ريال وتوصيل للبيت

بس البريد ابعد عنه ماتوصلك الا بطلعة
الروح

إذا ناوي تشحن
شف لك اي احد يشتغل في ارامكو
تطلع عليك برخص التراب
عندهم خصم لحاملي بطاقات ارامكو حول ٨٠٪

اتكلم عن الـ DHL فقط .

مر احد مكاتب فيدكس عندهم ميزان كبير تلقاه في المدخل وماراح يقصرون معك يوزون لك بلاش