بخصوص تغيير معهد اللغه ..

نعم بامكانكم تغيرون المعهد وفي هذي الحاله مالك الا خيارين ،

الأول: تجيب ( قبول معهد فقط ) ويكون في نطاق ولايتك اللي انت فيها وممكن تعرف المعاهد المتواجده عن طريق مشرفك تكلمه وتاخذ منه وش المتاح لك انك تنقل له بقبول المعهد فقط

الثاني: في حالة انك تبي تغير ولايتك بالكامل لابد انك تجيب قبول مشروط من جامعه بدراسة اللغة الانجليزيه في المعهد التابع لها.

وفي كل الحالتين لا بد من توفير القبول وخطاب التعهد اللي تتعهد فيه انك ما تطلب تغيير المعهد مرره ثانيه وتوقع عليه وترسله.

وفيه بعض المشرفين يكونون ماسكين أكثر من ولايه ففي هذي الحاله ممكن يقولك انك تقدر تنقل للولايات المتاحه عنده. والأمر هذا مافيه ثلث الثلاثه كم. اسأل مجرب ولا تسأل خبير.

وبالنسبه للي موجودين بالسعوديه حتى الان وطلعو الفيزا على معهد ويرغبون بتغيير هذا المعهد / الله يعينهم يجيبون اي تويني من المعهد الجديد ويقدمون على الفيزا مرره ثانيه لكن رأي طالما طلعت لك الفيزا تعال
واطلب نقل بناء على الشروط حقتهم واللي ذكرتها فوق. وفي الأول والأخير القرار راجع لمشرفك مع العلم انه ما له حق يرفض طلبك الا اذا كان معهدك الجديد فيه تكدس.

بالتوفيق جميعا