لكل من يريد ان يشتكي الملحقيه عند وزير التعليم العالي العنقري [هونا خلاص,السبب جوه]

D A H O M

مآيهاب

aziz-

nadunat
اخواني .. معليش انا احترم رايكم وعلى عيني وراسي ..واتفق معكم ان لما ندخل الامريكان في قصتنا هي فيها نوع من الذل . لان راح نبين للامريكان ان المحلقية كذب في كذب.
بس
اخواني الى متى نقص على نفسنا ونقص على الي حوالينا .. يعني الى متى بنستمر نلمع صورة الملحقية للامريكان !!! انا بصراحه ما اقدر اكذب واقول الملحقية مو مقصره !
اخواني .. انا و3 طلاب اعرفهم .. فشلتنا الملحقية مع المعهد لانهم مادفعوا رسوم المعهد وذالك لان المشرف لا يعلم الباسورد حق الاميل .. مابقول مايفتحه ..ولك ان تتخيلوا كم يوجد من الطلاب غيرنا لديهم نفس المشكله .. بالله هاذي مو فشيلة مع الامريكان؟؟
انا بصراحه خلاص اكتفيت من تلميع صورة الملحقية .. واكتفيت من الذل الي عيشتني فيه الملحقية .. ولو يجيني مراسل امريكي ويسألني .. راح اقول الصراحه .
ومع هذا كله .. انا مازلت معكم في كل خطوة سواء بتدخل الامريكان او غيرهم .. اهم شيء نتخلص من الحثالة الموجوده بالملحقية.
واخيراً.. تقبلوا تحياتي ,
دمتم بود

ارسل فاكس لمكتب الوزير

صديقي تخرج ورجع السعودية ولسه مهلوس بسبة الملحقية الله لا يبارك فيهم كل ماذكر اسمها يلعنها كأن جايب طاري أبليس
أنا سبقتكم بالشكوى وأرسلتها عن طريق الموقع :
http://emw.mohe.gov.sa/newEmsg/publicInquery.aspx
من شهر 5 (مايو) الى الحين اتابع الشكوى ماوصلت للوزير توها قبل أسبوعين وصلت لوكيل الوزير بس يمكن يكون السبب عشان الوزير كان في اجازة
جربو كلكم رفعو الشكوى بنفس الاسباب اللي فوق أن شاالله توصل للوزير في أسرع وقت ويتحرك بحزم ضد الملحقية

انا معــــــــــــــــــــــــاكم ولكن اختصر عليكم الموضوع كله بحكم خبرتي في المجال الحكومي ، اذا اردتم ان تحل مشكلتكم جميعا ، يجب عليكم ان تنسوو الملحقية وان تنسو وزير التعليم العالي وحاشيته الكريمه ، وتنطلقوا بشكواكم جميعا الي صاحب القلب الكبير صاحب الجلاله الاب الحنون سيدي خادم الحرمين الشريفين ابو متعب صاحب اليد البيضاء هو الذي سيحل لكم مشكلتكم بأذن الله تعالى ، غير كــــــــــــذا اسمعوا مني فأنتم تضيعون الوقت ، لا فيس بوك راح ينفعكم ولا شكوي موجهه للعيسي راح تنفعكم ولا شكوى موجهه لوزير التعليم العالي راح تنفعكم اشتكوا على الله تعالى ثم على ابو متعب فقط ... وفكره التجمهر عند السفاره فكره رائعه 100% ولها نتائجها ، ولكن نصيحة اخو كبير لكم انكم تتقدمون كلكم بشكوي لابونا ابو متعب اولا . ان وصلت الشكوى له فسوف يحل امركم ، وان لم تصل الشكوى فبدأو بالحل الآخر وهو التجمهر امام الملحقية الثقافيه ، ومطالبة الملحقية بوعود صادقه لحل مشاكل جميع الطلاب وصرف تذاكر لجميع الطلاب اللذين جائو على حسابهم الخاص بغررض التجمهر .
واخيرا اسئل الله لكم التوفيق ... وحسبي الله ونعم الوكيل على هذه الملحقية .

والله الملحقية فيها ناس كذااااااااااااااابين صراحة .. مرمرونا على الفاضي والله تعبنا منهم .. لحد الان ما جانا الضمان المالي ولا العقاري ولا التأمين ولا شي ؟ والله صارلنا الان ست ايام جالسين بفندق بسبب كذبهم لأني السكن لا يمكن يأجرك بدون ضمان ؟؟؟!!
والملحقية طبعا لا يردون ولا يتجاوبون مع الايميلات ولا شي ..
انا ارجح أمرين : الاول أن نقوم بإرسال برقية عاجلة لمقام سيدي خادم الحرمين الشريفين
والثاني أن نقوم بالتظاهر في يوم واحد نتفق عليه كل طالب في ولايته في وقت واحد وفي مكان واحد .. مثلا جميع الطلاب يتظاهرون في الداون تاون يوم الاثنين الساعة الرابعة من توقيت كل ولاية على سبيل المثال. ويكون كل شي بشكل سلمي وراقي حتى التظاهر يكون مرفوع فيه لوحات وبدون ازعاج وبدون كلام.

والله لازم نشوم حل معهم
بيجيني انهيار عصبي منهم ..الله لا يوفقهم
والله النفسية مايعلم فيها غير رب العالمين
قربت الدراسة ولاحس ولاخبر
كفاية هم الغربة ..جايين يزيدون همنا
الله يكون بالعون بس

وينهم من غضب ربي من هالمظلومين ومن رفعة اليد للباري بهذا الشهر الفضيل
نشتكي من الظالم له؟؟؟؟؟؟
لاتقولون للقصاب ارفق في ذبحنا قولو للي فوقه لايذبحنا يعني العنقري ماهو الا الملحقيه الذي توقع ماسيحدث ووقّع خربشته وهو غافي العين كما الغى امر الملك في زيادة المرافقين بحجة انه اجتهاد من الملك؟معذور لقد قلت ذخيرته
المشكله انه تم ارسال برقيه للديوان الملكي في شكوى عن غلاء المعيشه والاجحاف بحق الرافقين ولكن بلا جدوى لانها قد تكون لم تصل له
انا اقول نرفع شكوانا في هذا اليوم الفضيل لملك الملوك ورب الجبابرة والمستضعفين ومسير الامور

انا ابي بس رقم الملف لي اسبوعين ما وصلني شي وهم قايلين لي روحي يومين ويجيك على الايميل
واكلمهم محد يرد ما ادري وش الحيله

الصراحه خوفتوني الى هذي الدرجه ليه هم يشتغلون بالملحقيه من غير رواتب حرام كذا يسوو
انا قدمت على البعثه لأمريكا وكل خوفي تروح السنه وانا انتظر الفيزا

بالله ارسلوا لي علي الخاص اذا في احد ناوي يقدم شكوي !!

انا ماني سلبي لكن اكثر مواضيع المشاكل الي تطرح هنا كذب ، لو تلاحظوا التضارب في الموضوع و الردود لنفس الشخص !! .
بعد 6 شهور في امريكا ولله الحمد ، عمري ماطلبت شي من الملحقية و ما جاني او المشرف مالبى الطلب !! المشرفة الاولى " سميرة اغا " بيض الله وجهها عمرها ما تاخرت معي و بالعكس كنت ارسل الايميل و و بلاقي الرد في اقرب وقت . و المشرف الجديد الي بدالها محد الي الان قال شي عليه.

الملحقية ماترد علي التلفونات لكن احد منكم جرب يرسل ايميل ؟ اخوي عنده مشكلة انه بمتعث من 3 او 4 اسابيع و الي الان ماجا الضمان المالي ، برسل لهم من فترة و الكل بيرد علي ( باستثناء الملحق الثقافي *_* ) و كلهم ليقولوا له ملفك تحت الاجراء !! و بيرسوا له هذاك المربع الي فيه اسم الطالب و رقم البعثة و غيرة !!!

الي الان و لله الحمد ما تأخر لا راتبي ولا راتب اصحابي الي معي ، الي الان اشوف الوضع راكد و عادي جدا .

ملاحظة :
صاحبي طلب ضمان مالي لجامعه بولاية انديانا ، الطلب تنفذ في 24 ساعة و اقل لكن من موقع الوزارة ... يعني الوزير كلف علي عمرة و جا من السعودية و فتح موقع !! ( وش عنده ذا !! ) و الموقع مربوط بالوزارة نفسها ، يعني هو يقول لكم يا عالم لا ترجعوا للمشرفين لان نظام امريكا ما يخلي الملحقية كلها سعوديين و انتوا ترجعوا للمشرفين

انا ماني مع الوزارة ولا الملحقية ، لو كانت الملحقية كلها سعوديين راح اشتكوا من كثر الواسطات و تضيع المعاملات و التاخير ( او الاكاعة ) في إنجازها ، و اذا أجانب صاروا شايفين نفسهم !!


الخلاصة .. بالله اقري المواضيع تبع المشاكل الي تتعرض في المنتدى و شوفي الردود الي بالموضوع مع رد راعية ، انواع التخبط و الضياع و لاتنسى اغلب مواضيع الشكاوى مكذوبة من بعض ضعاف النفوس الي يحاولوا تحطيم المبتعثين الجدد ، او الي توهم بالثانوية مع الحماس الزائد عمل موضوع و انه طاح بمشكلة و انه و انه و انه