لو كل مدينة يجتمعون الطلبة المبتعثين اللي فيها ويوقعون على ورقة واحدة فيها تظلم من أساليب المحلقية وبيوم واحد ترسل فاكس إلى وزير التعليم العالي
وننتظر أسبوع ما وجدنا حلول سريعة وأعتذار رسمي وإعتراف بالخطأ من قبل الملحقية
نفس الورقة ترسل للديوان الملكي وبيوم واحد كذلك وأتوقع الإجتماعات في المدن مافيه أسهل منها
مجرد إقتراح
هدف محدد August 12th, 2011, 08:31 PM
7 " سووها غيركم ولانفعت
ورسايل الديوان والخرابيط ذي ماراح تنفع لان كل واحد ماطق في خشمه راح دفع له ١٠ ريال للبريد السعودي وارسلها للديوان (( وتصوروا كم شكوى في الديوان )) طبعا هذه بركات البيروقراطية
والعنقري ماهو حولكم ، يعني ماعندكم الا انكم تصبرون ، يعني اموركم راح تنحل لكن المسألة مسئلة وقت .. الملحقية مفروض توظف ناس جدد يتوازوون مع العدد في امريكا ، لان العدد ثابت قبل ان يبدأ مراحل الابتعاث المهولي هذا
فـ لو تشتكوا من اليوم لبكرا ماراح احد يفيدكم ، ناس ضاعت عليها مليارات ولا احد حولها لا قضاء ولا غيره ، كل شي عندنا شمولي وبيروقراطي ...
فما بالكم بشباب !!
ما احطمكم ، بس خليكم قدام الأمر الواقع ، يعني الامر يبغاله شوية صبر بس ..
والمطالبة سوها ١٠٠ مرة عالفيسبوك وكل مرة نشترك ولا في فايدة ، والتجمعات عند الملحقية دايم تصير ولا في فايده .. يوعدونكم خير (( وهذا اللي يقدرون عليه )) لانهم محد جالس في العسل في الملحقية كلهم يشتغلوا ، بس البلاء ان العدد قليل والشغل كثير مره .. فعشان كذا الأمور محتاسة وتتأخر !!
فا انا اقولكم اصبروا ، وكل شيء ينضبط ، خصوصا مع التوجه الإلكتروني للملحقية راح يكون كل شيء سلس وسهل.
ولاتخوفون المبتعثين بهالكلام يا اخوان ، ترا الواحد يجي متحمس .. فبلاش مبالغات وكلام يسد النفس
بالتوفيق
مضطهد August 12th, 2011, 08:51 PM
7 " الله ينور عليك يا صاحبة الموضوع
ملاحظه بسيطه الملحقيه لا تغيرت ولاشي
وهم زي ماهم
أفشل أداره وأغبى سيستم اداري من يوم عرفته
لا ذمه ولا ضمير والي يديرونها مجموعه من الحقاء و ضعاف نفوس وشخصيه
والله لو كنا يد وحده راح نخسف فيهم الأرض ونعلمهم أن الله حق
أنا متخرج وللحين يا جماعه منلطع بأمريكا لا شغله ولا مشغله
بس عشان المشرفه الاكاديميه معطله اوراقي وما سوت شي
ولا ترد لا على تلفون ولا ايميل وأيضا المدير الاقليمي نفس الشي
ومعاملتي معلقتها ما اعرف الى متى
ما علينا انا مشكلتي ماهي الا نقطه في بحر مشاكل المبتعثين وانا متاكد من كذا
الحل أنك أنتي يا صاحبة الموضوع أو اي مبتعث او مبتعثه يقومون بفتح قروب في الفيس بوك
ونقرر وش الطريقه هناك
ولو تبون نسوي تظاهره امام الملحقيه فولله انها الي راح تهزهم وراح تنهيهم عن بكرة أبيهم وعلى رأسهم الدكتور الفاضل العيسى
لازم الكل يعرف
الصحافه في السعوديه والمسؤولين والكل لازم يعرف
فأرجوكم يالله
أجتمعوا وقرروا
لكن هذا اقتراحي
(تظاهره امام الملحقيه للتحقيق مع موظفينها, ودراسة موضوع الرواتب, وأنهاء الأستهتار)
أجل بالله عليكم مشرفه تقول لأحد طلابها" عندك واسطه أمرك يمشي", بالله عليكم هل هذا يرضي الله أو يرضي رسوله ؟؟؟
أرجوكم يا ناس يد وحده وتجمعوا بالفيس بوك وحددوا يوم واحد ونروح نسوي فيه التظاهره امام الملحقيه وخلوهم يعرفون ان الله حق ...
AMADEUS August 12th, 2011, 11:17 PM
7 " السلام عليكم ورحمته الله وبركاته
مبارك عليكم الشهر وتقبل الله طاعتكم
مستعد ارفع شكواكم الي مكتب العيسى مباشرة بس ابي منكم التنظيم والفكره كالاتي اذا وافقتوني عليها راح ابدأ فيها
راح ابدى فيها من يوم الاثنين ان شاء الله
ابي كالاتي منكم
1- الاسم
2- الرقم الطلابيSACM ID
3- اسم المشرف
4- المدير الاقليمي
5- المشكلة
6- تاريخ الطلب
7-هل استخدمت الحكومه الالكترونية ؟
اذا اجابه بنعم اكتب رقم الطلب
بالاذن لله راح اوصلها لمكتب الملحق الثقافي
علما باني راح احصر المشاكل وراح تكون على مكتب الدكتور محمد العيسى يوم الثلاثاء 16 اغسطس كاقصى موعد
اتمنى ارسالها على الخاص علما بان راح ارفق الاسماء واقوم باعداد الشكوى منتصف يوم الاثنين ان شاء الله 15 من اغسطس
وفقني وفقكم الله
تذكروا شيئا واحد الكمال لله عز وجل
بخيت الرشيدي August 13th, 2011, 02:04 PM
7 " اخوي ابراهيم ان شاء الله سوف اطلع عليها واتمنى لك التوفيق
بخيت الرشيدي August 13th, 2011, 04:26 PM
7 "
وننتظر أسبوع ما وجدنا حلول سريعة وأعتذار رسمي وإعتراف بالخطأ من قبل الملحقية
نفس الورقة ترسل للديوان الملكي وبيوم واحد كذلك وأتوقع الإجتماعات في المدن مافيه أسهل منها
مجرد إقتراح