الأعضاء الإشتراك و التسجيل

الملتقيات
ADs

لكل من يريد ان يشتكي الملحقيه عند وزير التعليم العالي العنقري [هونا خلاص,السبب جوه]

لكل من يريد ان يشتكي الملحقيه عند وزير التعليم العالي العنقري [هونا خلاص,السبب جوه]


NOTICE

تنبيه: هذا الموضوع قديم. تم طرحه قبل 2352 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية اخت اخوي
    اخت اخوي

    مبتعث مستجد Freshman Member

    اخت اخوي الولايات المتحدة الأمريكية

    اخت اخوي , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى علوم الحاسب الآلي , بجامعة قريبا ان شاء الله
    • قريبا ان شاء الله
    • علوم الحاسب الآلي
    • أنثى
    • قريبا ان شاء الله, كاليفورنيا
    • السعودية
    • Jul 2010
    المزيدl

    August 12th, 2011, 10:30 AM


    السلام عليكم ورحمة الله وبركاته


    مثل ماهو واضح من عنوان الموضوع نبي نتقدم بشكوىضد الملحقيه ونبيها توصل لوزير التعليم العالي العنقري

    نبي نكون يد وحده ويصير صوتنا مسموع , مو كل واحد يشتكي من جهه ...وكل يومين واحد منزل موضوع يشتكي من الملحقيه


    نبي نسوي تجمع , عشان يوصل صوتنا ويعرفون اننا مو 2 او 3 الي يشتكون , الا 80% من الطلاب يشتكون من الملحقيه

    فنبي نعرف ايش الي لنا واللي علينا ,,,


    والي عنده شكوى او اضافه او معلومه لا يبخل بها علينا

    بنوضح كل الشكاوى ونحطها مع بعض , وتحتها مطالبنا منهم ...


    الشكاوى : (وهذه حسب تجربتي وتجارب بعض الاخوان/ات بالمنتدى)

    1- سؤ التعامل مع الطلبه
    2- عند الاتصال بالملحقيه ما احد يرد
    3- المشرفين يتاخرون في الرد على الطلاب او لا يردون نهائيا
    4- الطلبه المبتعثين الجدد لم يتم تسجيلهم بالملحقيه , تبدا الدراسه وهم ماحصلو على بياناتهم او الضمان المالي
    5- مشاكل الرواتب بانواعها [ من تاخير وغيرها ]


    بعد ردودكم رح نزيد الشكاوي وجنبها عدد المشتكين عشان يعرفون اننا محنا قليلين



    الحلول المقترحه : (والي عنده اضافه يا ليت يقولنا)
    1- كل واحد/وحده عنده حساب بتويتر او الفيس بوك يوصلها لكل الطلاب الاخرين ونسوي تجمع وجروب موحد بالفيس بوك

    2-نبي صوتنا يوصل للاعلام المرئي والمسموع والمكتوب [ اي احد عنده اصدقاء او معارف ياليت يتواصل معه ويساعدنا ]

    3-نبي نوصل رسالتنا وشكاوينا لسعادة وزير التعليم العالي ولرئيس الملحقيه

    4- يعني اي احد يقدر يساعدنا باي شي لا يبخل علينا ..

    5


    مطالبنا :
    1- نبيهم يكثرون الموظفين او يشوفون لهم صرفه , لان اكثر دوله فيها عدد مبتعثين هي امريكا
    وواضح انهم ماهم ملحقين عليهم عشان كذا حاصل هالتقصير
    2- رواتبنا ومستحقتنا الماليه نستلمها بوقتها , وما تلغى بدون سبب وحنا ماندري
    3-نبي تواصل من الملحقيه, اذا اتصلنا حد يرد علينا واذا مره ماهم فاضين يعينون لهم موظفين مخصصين فقط يستلموون الشكاوى ويردون على استفسارات الطلاب بشكل فوري
    4- يصير في تنظيم اكثر من كذا

    5- وهذه نبيها من طلابنا , يا ليت انتو بعد ماتصيرون غثيثين لاني حاسه ان الطلاب الي جو قبلنا هم الي نكبونا خخخههههههههه
    والا ليش تتغير الملحقيه علينا بعد ما كانت احسن ملحقيه بالعالم خخخخ



    ملاحظه مهمه :
    مايحتاج السب او الشتم لأي احد حتى لللملحقيه
    نبي نوصل صوتنا باسلوب راقي

    صحيح الملحقيه مقصره بس حنا نبي نوصل شكوانا باحترام وبادب مثل ماتربينا

    وياليت انه ما احد يتصل على الملحقيه ويسبهم او يسب احد موظفيهم
    هذه ماهي بدعوى لتجاوز الحدود , هذه دعوى لايصال صوتنا والتقصير الحاصل بحقنا للمسؤولين


    بالنهايه ...
    اي حد عنده اي شكوى , مشاركه , اضافه , معلومه , نقد يتفضل هنا
    واللي يقدر يساعدنا ويوصل صوتنا للمسؤولين , جزاه الله الف خير

    حنا نبي نوحد جهودنا وصوتنا عشان يكون مسموع ..

    كل واحد باللي يقدر , فيس بوك , جرائد , قنوات اخبار , جروبات , راديو كل شئ

    واذا كان فيه تقصير سامحوني ..
    ان اصبت فمن الله وان اخطاءت فمن الملحقيه وموظفيها< طلعت نفسي منها هههههههههههههههه




    تحياتي لكم








    تحديث للموضوع



    الصراحه راجعت نفسي اوكي

    ووجدت انني تسرعت في ردة فعلي

    الي يبي يشتكي مالي شغل , و انا اسحب نفسي : )


    ولذلك مثل ماقلت برد سابق
    قررت اسحب شكواي إلى اجل غير معلوم هههههههههه , وان شاء الله مايجي سبب نظطر فيه نشكي احد ^_^


    وانا اقول خلونا نصبر عليهم هذا الشهرو ونشوف

    وندعي رب العالمين , ترانا برمضان ^_^

    وهم الحين حطو نظام جديد وقبل كم يوم مرسلين للطلبه اعتذار بان ممكن بعض الاشياء تاخر والردود لانهم حايسين مع النظام الجديد

    خلونا نصبر , إن الله مع الصابرين : )


    وبعدين انتم قبلي من سنين وبعضكم من شهور ليه ما اشتكيتوا ههههههههه !!!!


    وبالنهايه ,
    ادعي الله لكم ولي ان تنحل جميع امورنا بالملحقيه
    وربي يوفقني ويوفقكم
    اتمنى الخير لكم مثل مااتمناه لنفسي : )


  2. والله وانا اخوك وياك .. وحتى لو انحلت مشكلتي .. راح اوقف وياكم .. صراحه الهم الي مريت فيه مو حلو ابدا ابدا
    صرت اكلم اهلي ولا اقول وش فيني وهم مصرين انو فيني شيء... صرت ما اعرف اصوم ولا اعرف اكل ولا اعرف انام ولا حتى اعرف وش قلت في الصلاة .. كل عباداتي بلا خشوع بسببهم .

    واخر حل قلتيه اتوقع انه الصح .. لان حبايبنا يخافون من شيء اسمه امريكا .. يعني بس يطلعون طالبين قدام الملحقية للتظاهر .. راح الاعلام الامريكي يكبرها وتوصل حتى للملك الله يحفظة .
    ومستعد لو الشباب عملوا يوم يتظاهرون فيه ..لا احجز على واشنطن واشارك ونحرر الملحقية من المتخلفين .
    اي شيء انا حاضر فيه .. وكنت مقرر بالانتحار في احد المواضيع . لان النفسية خلاص صارت خاربه .
    7 "
  3. ^

    لا ياخوي لاتنتحر ولا شي الحياه قدامك والفرص جايه إن شاء الله ,كل مشكله ولها حل بالدنيا إن شاء الله

    تضيع نفسك عشان شي ما يسوى ...ماهي بنهاية الدنيا ..لو تاخرو بالرد


    بالعكس هذه فرصه عشان ينصلح الحال ونكون عون لاخواننا الي جايين بعدنا



    بعدين ترا الحياه حلوه


    انصحك تشوف حلقة خواطر حقت اليوم الحلقه 11

    رهييييييييييبه مره




    بالنسبه للمظاهرات مو شرط قدام الملحقيه بواشنطن , باي مكان فيه طلبه كثيرين يسووونها ولو نخليها باكثر من مدينه يكون احسن ونجيب الاعلام والسي ان ان < ناويه شر من اولها هههههههههه


    بس تراني ماني جايه معكم
    اترك الكلام ذا للرجال ههههههههههه
    7 "
  4. اعتقد لو توصولونها للاعلام الامريكي بتنحل مشآكلكم كلها.!

    طيب كيف نوصلها ؟

    ولمين باضبط ؟؟
    7 "
  5. المشاركة الأصلية كتبت بواسطة D A H O M
    اعتقد لو توصولونها للاعلام الامريكي بتنحل مشآكلكم كلها.!

    عندنا ناس ياحبهم لحركات نص كم

    لا تدخلون الاجانب بيننا تراها فشيله بوجيهنا اولا

    انا اقترح ان جميع المتضررين يتفقون ع يوم واحد ويرسلون شكوهالى خادم الحرمين الشرفين بوقت واحد وعنوان واحد وشكوا موحده

    اعتقد ان شافو هالكم الهائل راح يتسنعون ويضبطون نفسهم اولا شكوتنا ع الملحق الثقافي
    ثانيا شكوى ع التعليم العالي ان نرسل شكاوي ولا يتم النظر لها
    ثالثا شكوى ضد وزير التعليم العالي لتقصيره وعدم الانتباه لشكوى المبتعثين
    تكون كلها مع بعض اهم شي يكون موحد من جميع الطلاب لا فيس بوك ولا خرابيط مافي الا هالطريقه وباذن لله اذا سويناها راح تنفع
    7 "
  6. الله يعييين ان شاءالله


    من مشااكلهم تنطيش المبتعث!! يروح الوقت عليك ويفووتك التسجيل وتتعطل اشغالك ومااتدري ايش السبب!!

    الشي الثااني!! لازم يرفعوون راتب المبتعث وخصوصا اللي معه اطفاال !! والله ماااتكفي !! والحضانات غاااااااليه مررره !!! من الف الى الف وخمس ميه علشااان تلاقي مكان تحط فيه طفلك !!!!!!

    هذا غير غلااء الاجاارات والفواتير !!!
    7 "
  7. المشاركة الأصلية كتبت بواسطة مآيهاب
    لا تدخلون الاجانب بيننا تراها فشيله بوجيهنا اولا

    انا اقترح ان جميع المتضررين يتفقون ع يوم واحد ويرسلون شكوهالى خادم الحرمين الشرفين بوقت واحد وعنوان واحد وشكوا موحده

    اعتقد ان شافو هالكم الهائل راح يتسنعون ويضبطون نفسهم اولا شكوتنا ع الملحق الثقافي
    ثانيا شكوى ع التعليم العالي ان نرسل شكاوي ولا يتم النظر لها
    ثالثا شكوى ضد وزير التعليم العالي لتقصيره وعدم الانتباه لشكوى المبتعثين
    تكون كلها مع بعض اهم شي يكون موحد من جميع الطلاب لا فيس بوك ولا خرابيط مافي الا هالطريقه وباذن لله اذا سويناها راح تنفع
    ارفعلك القبعه الفسفوريه يا شيخ على كلامك

    توني جاي برد علي الشاطحين الي فوق شفت كلامك قلت بس كفى ووفى الرجال

    اهنيك علي فكرتك لو نوحد يوم ونسويها صدقوني راح نطلع بنتايج
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.