رد: سكتم بكتم يجسد الواقع الاليم مع الملحقيات
اقتباس:
المشاركة الأصلية كتبت بواسطة Knight Dandy
فايز المالكي آآه يا فايز ,, هالرجل مطنوووخ
الحلقه فيها مغزى كبييير ما يفهمه إلا الفطناء
بس المضحك صراحه الرد حق تحدي هع ,, أعجبني الرد بقوه وحسيت إنه فيه أكثر من مخرج
من ناحية أخوي إياد وخربر بالحليب فمو كل المشرفين زي بعض , هم طرحوا اللي حصل معاهم فقط لا غير
بالتوفيق ...,
اضحك زي ماتبي أخوي أنت والــ"ــفطناء" أمثالك :) :) على الأقل كسبت أجر فيك وضحكتك .. والله يرحم المتنبي :
وكم من عائب قولا سليما ، ، ، وآفته من " الفهم السقيم " :)
الله يرحمك يالمتنبي ، ما أصدقك !
رد: سكتم بكتم يجسد الواقع الاليم مع الملحقيات
اقتباس:
المشاركة الأصلية كتبت بواسطة سموت بالدين
لي شهور وانا ابي اهلي يقنعون بدراستي في امريكا ؛
هم موافقين بس يقولون ودنا انك تتركها
واليوم أمي تقول ها وانا امك وبعد اللي شفته اليوم
تبيني اتركك وش تبي بالبعثة كلها خراب في خراب
أنا اعرفك كلها شهرين ثم تقول طفشت
وانا أقول لا يمه هم يبالغون فيه شباب مهتمين بدراستهم
وما هم كلهم خرابنين وفي خاطري اقول حسبي الله عليك يا فايز
:)
أخوي هذا هو الهدف الأساسي من الحلقة يحاولون إظهار أن برنامج الملك عبد الله غير مخطط له وإنما عبث في عبث ، ويسعون لابتعاد الناس عنه ، والناس مساكين مع الخيل ياشقراء .. ومستقبلا تتضح حقائق أكثر الله يعجل بظهورها .
رد: سكتم بكتم يجسد الواقع الاليم مع الملحقيات
مانقول الا حسبي الله ونعم الوكيل
رد: سكتم بكتم يجسد الواقع الاليم مع الملحقيات
يا تحدي مسويه فيها أدب
الله يرحم جدتي فيحاء بس
قالت مصالح , ما أبي والله أرد عليك لأن ما راح تستطيعي تناقشي أحد بهالموضوع وتبثتي إنه فيه أيادي خفيه خلف هالحلقه
الله يوفقك بس ويبعد عنك تفكيرك ذا هع
رد: سكتم بكتم يجسد الواقع الاليم مع الملحقيات
ما عجبتني الحلقة بصراحة لأن تحميل الملحقية بكل شيء مو منطقي..
اللي رايحين البعثات المفروض ماهم أطفال تأكلهم الملحقية وتسكنهم وتوصلهم المعهد..
لكن يفترض إنهم ناس مسؤولين عن نفسهم وعن دراستهم وعن مصاريفهم وسلوكهم ودينهم..
وفي الوقت نفسه أنا ما أدافع عن الملحقيات، وإنما هي مقصرة جداً في أداء واجبها الأكاديمي.. نتمنى البوابة الجديدة تحل بعض المشاكل.. ونتمنى ينصلح حال الملحقيات اللي إهمالهم مفضوح حتى أمام الأمريكان.. وهذا من تجربتي..
لكل جهة مسؤوليتها.. وإهمال الملحقية لدورها غير مبرر لأن يهمل الطالب المبتعث لدوره..
رد: سكتم بكتم يجسد الواقع الاليم مع الملحقيات
ما عندي شي بس ابي اضيف توقيعي بالموضوع
( راجع التوقيع )
:toothbrush:
رد: سكتم بكتم يجسد الواقع الاليم مع الملحقيات
^
^
هههههههههه شفنا توقيعك !!
رد: سكتم بكتم يجسد الواقع الاليم مع الملحقيات
اقتباس:
المشاركة الأصلية كتبت بواسطة خربز ب حليب
أنا بصراحة أستغرب من مواضيع شكاوي الطلاب من الملحقيّة والطيّار صارلي سنة وشوية ماشفت منهم شي الاثنين
انشالله تشوف عشان ماتستغرب
رد: سكتم بكتم يجسد الواقع الاليم مع الملحقيات
شفت الحلقة اشوف انها سيئه جدا
الفكره حلوه بس ما عرفوا كيف يمثلونها ويطبقونها صح بالامكان يجبيها بطريقة ثانيه افضل من كذا << قلب مخرج