حاول قد ما تقدر تاخذ السيارة من واحد من السعوديين او واحد ( من راسك لراسه ) و الفكرة انك تسلمة الفلوس مثلا 10 الاف دولار .. و يكتب لك ان السيارة gift بمعني انك تروح تسجلها تحت اسمك و ما تدفع ريال واحد كضرايب .
اما 130 على سيارة 2003 !!! ايش باقي يا عزيزي !! لا مره كثير ، خذ على 100 الف اذا كثرت مره
.........................
التشيك على السيارة سهل جدا جدا .
1 - المكينة :
اسحب قياس الزيت و شم ريحة الزيت ، اذا شميت ريح حرق اعرف انه المكينة يعطيك العافية ، و شوف لونه اذا كان غامق اعرف انه ما تغير و ان المكينة تسلم عليك .
2 - الجير :
نفس الطريقة .
3 - الايطارات :
بكل بساطة شيك على عمر الايطار من الارقام الموجوده :
http://www.grraf.com/vb/showthread.php?t=8757
4 - هيكل السيارة :
أ - بكل بساطة اجلس جنب السيارة و لصق وجهك بالبدي حق السيارة و طالع اذا شفتها تلمع اعرف ان البدي نظيف اذا شفت تعرجات اعرف انها مسمكرة .
ب - طالع بالاماكن الصغيرة مثلا عند باب الشنطة اذا لقيت صدى اترك السيارة .
5 - تجربة السيارة :
بكل بساطة جرب السيارة وهذا من حقك .
أ - اذا كانت السيارة auto نزلها على D1 و ابدا ادعس لها الين يوصل الضغط على 6 و غير الي D2 و هكذا الي D العادي .بالعربي كانك تسوق سيارة رالي !!
ب - جرب السيارة على سرعات عالية مثلا 60 او 80 و اترك الطاره و شوف السيارة اذا فيها انحرافات او اي مشكلة .
جـ - خذ الحفر على سرعة عالية و اسمع اذا فيه اصوات او لا .
6 - التشيك المكانيكي العادي :
يا انك ترفع السيارة و تشوف المواصير تبع مخارج الهواء ( الاكزوزس ) و شوف الشاص من تحت اذا فيه صدى فيه او شي .
7 - التشيك بالكمبيوتر :
هذه بيطلع لك ايش في السيارة ( الحاجات الخفيفة بس ) يعني مثلا الكهربة و الحاجات هذه .
8 - اذا كانت السيارة معدله ، اتركها و امشي .
9 - و الاهم :
اذا قيمة السيارة مثلا 10 الاف دولار ، اتفق مع الرجال انك ما راح تدفع له غير 7000 او 8000 دولار سواء شركة او معرض او شخص ... المهم اذا كان سعر السيارة ... اكسر ام السعر و قول له اذا تبغى كان بها و اذا ما يبي صدقني راح يجري وراك لان السيارات عندنا في SNATA MONICA متكدسة بالمعارض ولا احد يبغاها . اتذكر اني كنت ابي LEXUS IS و كانت على 26 الف و لما قلت لهم بدف لك كاش قال 24 الف . و الاكورد 2011 و سعرها 24000 دولار .. و للاسف مصدومة واجهه و منتهي الكمر الخلفي فيها !! و انتبه للحوادث .
10 - جرب هذا الموقع .. صاحبي اخذ منه LEXUS ES الي شكلها مثل الكامري .. موديل 2002 .
craigslist.org
إياد العنزي August 13th, 2011, 12:55 PM
7 "
August 13th, 2011, 10:55 AM
بخصوص السيارات المستعمله وش اهم الشغلات اللي انتبه لها
يعني الموديل 2003 مثلا عادي ولا بتخرب واجد؟
بالنسبة للأميال وش اقصى شيء؟ 130 الف عادي ؟
وهل المزادات ولا المواقع المعروفة افضل ؟
مشكورين مقدما