فقدان الجواز في امريكا بليييز ارجو المساعده

اسئل الله العلي العظيم ان يرد عليك ضالتك وماودي اخوفك لكن فيها مسائله وترا شغله مهب سهله حتى انتي اذا تبغين تروحين واشنطن السفاره تطلعين جواز كيف بتسافرين من ولايتك الى واشنطن بدون جواز او اثبات

الله يعننا واياك واذا يئستي انك ماراح تحصلينه اتصلي في قسم شئون الرعايا وقدمي بلاغ في الشرطه عشان ماتدخلين في سين وجيم

والله شغله ماهب سهله ابد

ما راح تتأثر البعثة بإذن الله
اعملي بلاغ للسفارة السعودية وللشرطة
بإذن الله تلاقينه قريب

لا حول ولا قوة الا بالله
الله يكون بعونك وييسر امرك

لا تبالغون يا أخوان .. الأخت واضح انها مرتبكه .. وانتم بمبالغتكم هذي تزيدون الطين بله ..

اختي لا عليك .. دايم تصير هذي .. والدليل ان موقع السفارة السعودية بأمريكا حاط صفحة خاصة فيها .. انتي الان بس سوي بلاغ للسفارة .. ولا تقلقي ..

هذا هو رابط تعليمات السفارة في حال وجود هذي المشكلة ..

http://www.saudiembassy.net/files/PD...structions.pdf

وراح يعطونك تذكرة مرور تقدرين تستخدمينها في الدخول والخروج والسفر لحين اصدار جواز سفر بديل ..

أول حاجة تعملينها .. بلاغ السفارة في أقرب وقت .. أي مساعدة اخوانك بالخدمة ..

وهذا رابط باقي خدمات السفارة ..

The Royal Embassy of Saudi Arabia, Washington, DC, USA

وانا هنا يا اخوان .. انصح الجميع بإصدار بطاقة ID state من ولايته ..

ويحفظ جوازة و الأيتوني .. واي أوراق ثانية يشوفها مهمه .. في صندوق الأمانات بالبنك التابع له .. ورسومه تقريباً .. 50$ سنوياً ..

وصدقوني البطاقة هذي مع بطاقة المعهد تغنيكم عن الجواز .. موفقين

اهلين اختي ان شاء الله بعثتك ساريه مفعوله ولا تتأثر لأن ضياع الجواز قضاء وقدر اول شيء بلغي السفارة وراح تساعدك وسعي صدرك الدعوه سهلات ان شاء الله اسال الله ان ييسر امرك ويفرجها عليك

ياليت تطمنينا وش صار معاك

اللهم ياجامع الناس في يوم لاريب فيه اني اسئلك بكل اسم سميت به نفسك واسئلك باسمك الاعظم الذي اذا سُئلت به اجبت ان ترد عليها ضالتها يارب يا اكرم الاكرمين

لاتخافين يابنت الحلال قدر الله وماشاء فعل وبتلقينه ان شاء الله بس بلغي السفاره لاتخافين ووسعي صدرك والله يفرجها عليك يارب