الفزعه يارجال الله يجزاكم خير
السلام عليكم ورحمه الله وبركاته ..
كل سنه وانتوا طيبين وبصحه وسلامه باذن الله ...
يا جماعه الخير انا عندي موضوع وحاب اني استفسر عنه ..
انا ان شاء الله اذا الله يسر راح اكمل دراستي بامريكا ان شاء الله .. طبعا قدمت على معهد وجاني الاي توني والاور طيبه ولله الحمد..
لكن امس دخلت على موقع السفاره . عبيت الابليكيشن كامل .. الين وصلت عند submit او ارسال .. فسويت ارسال لكن ماجاني اي شي بخصوص دفع الرسوم اللي هي 45 ريال ولاجاني اي شي بخصوص المواعيد ..!! اللي جاني فقط صفحه التاكيد اللي المفروض اطبعها واخذها معاي للمقابله...؟؟ والمفروض تبدأ دراستي 10 اكتوبر وفي الاي توني اخر موعد اللي هو في نوفمبر..
يعني كدا راح علي الابليكيشن ولا اقدر ادفع الرسم بطريقه اخرى واحجز موعد.. بصراحه انا خايف وماني عارف ايش اسوي ..:(
الله يرحم والديكم يا رجال اللي يقدر يفيدني باي شي لا يبخل تكفى ..
تحياتي للجميع ..
رد: الفزعه يارجال الله يجزاكم خير
وعليكم السلام ورحمة الله وبركاته
رمضان كريم ع الجميع اخوي
ومبروووك ع الا تونتي عؤبال التأشيرة يا رب
من اللي فهمته من كلامك انك حجزت الابليكيشن وجت ورقه التأكيد ولازم تطبعها ها تاخذها بالمقابلة
وحكاية ال45 بالكرديت كارد هذه سهلة لكنها بموقع ثاني حجز المقابلة شي ياخوي
والابليكيشن للمعلومات والتحقيق بتاعهم شي ثاني وتسديد السيفس بعد بموقع ثالث
وهذا موقع مثبت بقسم التأشيرات يا رب يفيدك
http://www.mbt3th.us/vb/forum16/thread3264.html
وبعدين ما هو بس الرجاجيل راعيين فزعة حتى حنا البنات راعيين فزعة ها لاتصير متحيز ههههه
معاك اختك فزعة وتمنياتي لك بالتوفيق
رد: الفزعه يارجال الله يجزاكم خير
^^^^^^^^^^^^
كفت ووفت عن الرياجيل
رد: الفزعه يارجال الله يجزاكم خير
الاخت فزعه ( نوفي ) بصراحه يعطيكي العافيه وما قصرتي .. لكن الشرح في الرابط اللي نزلتيه تاريخه 2006 يعني شوي قديم واتوقع انه النظام اتغير الان.. هل هو فعلا متغير ؟؟؟؟
بيض الله وجهك وما قصرتي .. ولو في اي معلومه اخرى لا تبخلي علي طال عمرك
تحياتي لشخصك الكريم...
___________________________________________
يعطيك العافيه يا سعد ع المرور..
رد: الفزعه يارجال الله يجزاكم خير
صحيح الموضوع قديم بس اللي قالته صح الابلكيشن لحال وتحديد الموعد في موقع اخر والسيفس كمان موقع ثالث..
اتوقع ان الاخت وضحت كوول شئ..
رد: الفزعه يارجال الله يجزاكم خير
جاك القبول رح اقرب مكتبك يخلصك ويعطيك الموعد وكل شي وريح بالك يا قلبي بالكثير راح تعطيه ٢٠٠ ريال اتعاب بس !
واتوقع الشباب فوق افادوك
رد: الفزعه يارجال الله يجزاكم خير
السلام عليكم
اخي الفاضل انته عبيت الابليكيشن وخلصت والحمد لله.. الان عليك تحدد وقت ومكان المقابله
عندك 3 اماكن اما الرياض او جده او الظهران... عشان ترتاح اكتب في قوقل المكان اللي تبي المقابله فيها وبعدين ادخل ع اللنك
في البدايه يا طيب لازم تدفع 45 ريال رسوم تحديد الموعد عن طريق الكريدت كارد والرابط بتلاقيه في نفس صفحة المكان اللي بتسوي فيه المقابله وبعد تحديد الوقت.... راح تحط معلومات الابليكيشن اللي عبيته مسبقا
بكذا ان شاء الله تكون خلصت من حكاية الموعد وتحديد وقته وساعته ومكانه
الحين قبل لا تروح الموعد لازم تدفع رسوم السيفيس وهي 200 دولار اذا انت طالب اما اذا كنت مرافق فما راح تدفع شيء وموقع السيفيس تقدر تجيبه من جوجل
وكمان لازم تدفع رسوم التاشيره وهي 532 ريال عن طريق سامبا وممكن تسويها عن طريق النت اذا عندك حساب فيه او تعرف احد عنده حساب او تروح للبنك بنفسك وتدفع الرسوم
لازم يا غالي تحط في بالك انك تجيب معك في المقابله صوره من دفع الايصال سواءا للسيفيس ورسوم التاشيره وكمان خذ معك الاي تونتي الاصلي ونسخ منه لانه فيه موظفين يطلبون الاصل واخرين يكتفون بالصوره عشان لا توهق نفسك معاهم ولا يعطلون لك الفيزا
اتمنى اني اكون افدتك باللي اقدر عليه وتقبل تحياتي وان شاء الله يارب تتيسر لك كل امورك وبالتوفيق
رد: الفزعه يارجال الله يجزاكم خير
صحيح كلام الشباب انت الحين عبيت نموذج ds-160
باقي عليك تاخذ موعد
اتفضل هذا الرابط واقرا فيه الين ماتفهمه وتطبيقه سهل
http://www.mbt3th.us/vb/forum16/thread22277.html
رد: الفزعه يارجال الله يجزاكم خير
دنيا . هيثم . احمد . يزيد .. كلكم على راسي .. الله يجزاكم خير كفيتوا ووفيتوا الله يسعدلي قلوبكم يارب .. وابشركم الحمدلله اخدت موعد والامور ان شاء الله تمام ..تحياتي لكم فردا فردا ^_^