حوار ===> (( اســــتـــــطـــلآع )) مــاهي افــضل هـديه اقدمها للأمريكان طلاب مدرسين !!

هلا اخوي سليمان بشر وش سويت قضيت ان شاء الله ؟تاصل بالسلامه يارب وانا عقبك بيومين ان شاء الله

والله مدري وش تاخذ لهم يعني شيئ رخيص مافيه الا شووكلتوتوزع عليهم بيكون اثرها عليهم حلو

وتعال بسالك برامج اصليه اللي بلاب توبك ؟

بنسبه للبرآمج الأصليه القانون يقول ممنوع تركب برامج منسوخه لكن بنسبه لي انا مافتشوني ولا فتشوا شباب كثار اعرفهم لكن احتياط ركب برامج اصليه
واذا تبي سعر رخيص وشغل مظبوط (( رح حراج الكمبيوترات في الرياض )) بس تأكد قبل لاتركب البرنامج انه اصلي وفر على كذا محل

ممكن تاخذ من عطر المسك .. اختر شي مو غالي.. وعلب صغيرة.. أنا أنا أهديت منها ومرررررة عجبتهم..

وعندك كمان الأشياء الشعبية.. اختر شي شعبي من أبو ريالين ينفع يستعمل أو بس ديكور وخذ كم حبة منه.. لأنهم يحبون الاطلاع على ثقافات الشعوب وحرفهم اليدوية..

وممكن تاخذ Post Cards لبعض مناطق المملكة مثل الفيصلة والمملكة والبحر الأحمر وأبها ،، بحيث توريهم كيف أن السعودية بلد متطور.. مو خيمة وجمل!

ممكن علب تمر صغيرة جدا " مثل عبوات تفطير الصائم الصغيرة " راح يعجبهم التمر حقنا لأن ما عندهم تمر زين في أمريكا..

هذا اللي في بالي الحين..



وعلى فكرة.. بلاشي من هدايا المصلحة .. مي حلوة بحقك ولا بحق بلدك.. خليها بس تحسين صورة ..

ياليت تدلينا الله يخليك وين نحصل Post Cards الي تقووولي عنها لبرج المملكه والفيصليه !

الله يرج بليسكم ماعندكم غير برج المملكه والفيصليه هههههههههه

ولا تنسوا الأهم الا وهي صورة الحرمين الشريفين (مكه -المدينه ) راح يعرفون الإسلام أكثر .

وزي ماقالت الأخت الأشياء التراثيه أشوفها حلوه لإنها تعكس حضارة المملكة .

يعني الأفضل أنك تجيب شيء صناعة سعوديه <<ههههههههه

تلقينها في أسواق التميمي.. أو المكتبات..

والله فكرة حلوة لو يطرح موضوع ويثبت

(( وش الهدية اللي تشوفها مناسبة للأمريكان وتعبر عن ثقافة بلدك ))

صاحب الموضوع أهنيك على الفكرة

روح سوق البطحاء بالرياض أو أسواق البلد في جدة واختار اللي تبي

انا انصحك تمر توعيه الجاليات وتاخذ كتيبات تعرفهم للاسلام يمكن احد يهتدي على يدك



وبعدين عشان يعرفون ان الاسلام مو دين الارهاب



بالتوفيق.....