حوار ماهي نظرة الشاب السعودي في البنت المبتعثه..؟؟

الموضوع مايبغاله تفكير والزواج قسمه ونصيب واحيانا الواحد حلم حياته يتزوج مدرسه او موظفة ببنك وبالاخير يتزوج طالبة وماحد يدري عن نصيبه وين بيكون ومع مين بس بصراحه انا بقولكم شي شفته بعيني في المعهد الي كنت ادرس فيه كانت فيه بنتين يلبسون حجاب اسلامي الي هو يلبسون جاكيت فوق البس وبصراحه محشمين ومؤدبين مره الله يوفقهم وحده بنت قد مره شفتها مع واحد اعرفه تحت مظله وحده وقت مطر للاسف كلهم سعوديين يعني توقع كل شي وبالاخير اقول ربي يهديني وياكم ولا الواحد يقول ماراح اتزوج مبتعثه ومدري ايش المبتعثه هذي مين هيا..؟؟ هي اختي . بنت عمي . بنت خالي. بنت جاري...الخ و واكيد كل من يقرا كلامي ماراح يرضى على اهله انهم مايتزوجو لو كانو مبتعثات عاشان كذا لاتحكمون على كل المبتعثات بسبب كم عينه وبالاخير يارب اتزوج مبتعثه واحقق حلمي هههههههه

اي والله جد هذا الكلام الصح

الكلآم كثير صراحه ,

من وجهة نظري , البنت : تقدر تدرس بديرتهـآ , وشو له تدرس برآ , وتتغرب لحالها ؟


اتوقع انسانه متزوجه وتجي كلام معقول , حتى الشباب اتوقع شيء حلو لهم , من جميع النواحي ,


والله انا هنا اشوف بنات / كويسات , وغير كويسات ,


وربي فيه سوالف استحي اقولها من الي شفته هنا , عموما من بنات وعيال ,


الصدق الزمان تغير , فيه ناس صارت ماتستحي , تتعرف على شباب وتسافر معهم ولايات ثانيه ووو / والله شيء يشيب بالراس وماينقال جد ,

وعلى فكره في بنات / صاروا يسابقون الامريكان على البارات والـ ,

يطول الكلام جد في هالموضوع ,


زبدة الكلام , ان حنا ماتعودنا على هالشيء ان بناتنا يبتعثون وخصوصا لحالهم , هالشيء صار جديد , والبنات بكل صراحه صاروا اغلببيتهم , ( شوفوني ابتعثت ) ,

وكلامي هذا مايقول ان مافيه بنات كويسات / صراحه فيه , بس من وجهة نظري , ماحب ارتبط في بنت , درست برا وآختلطت , ووو > كلام كثير ,


وعلى فكره , ماحب اتزوج بأنسانه موظفه , > لاسباب كثيره , وهذا ماهو موضوعها ,


وعموما , بالتوفيق للجميع , والله يستر على بناتنا وين ماكانوآ ويهديهم , ويهدينا جميع ,,


وترا هالكلام , ماقلته الا لاني شخص غيور على اختي السعوديه والله يشهد : )



كلمة اخيره , ترا البنت على تربيتها , اذا كويسه او لا ,

الي بتسويها هنا تقدر تسويه في السعوديه , الفارق الوحيد , انها هنا . مااحد درا عنها ولا حد يمها بس ,


بالتوفيق للجميع ,

يختلف علا حسب ثقافه الشخص واحترامه للانثى بصفه عامه .. اشوف تعامل الاولاد لاخواتهم بالدرجه الاولى يعكس شخصيه الرجل في كثير من الاحيان لنضرته لاي بنت .. بالنسبه ليا البنت المتعلمه تحمي الرجل والاسره والاطفال مستقبلا طالما الام مدرسه بطبيعه الحال فمالبالنا اذا المدرسه دي تكون متعلمه ومتربيه بتكون نعمه من الله

انا اقول لو تزوجت وراحت بعثه افضل
يعني ان كان هالشي متاح ، لانو حقق اهم رغبه للمرأه وغير كذا حققت حلمها بالدراسه

لكن ان ماحصل لها نصيب والنصيب من رب العالمين ، مو معناته انو ماتروح تدرس
لكني افضل انها تدرس بالسعوديه ، لاني اشوف الابتعاث صعب على البنت وانوو بيصير عليها ضغط
وبتحرص على ادق التفاصيل بحياتها الي كانت مستغنيه عنه بالسعوديه ،

لكن ان راحت مع مرافق ممكن يخفف الحمل عليها وتقدر تحقق حلمها .

الخلاصه :
لانقيس المبتعثات من ناحيه اخلاقيه ، اذا كانت ماتخاف من الله ومب متربيه
راح تسوي الي تبيه سواء في السعوديه او غيره .

وبالتوفيق للجميع

ليه طيب على البنات !
للاسف وانا ولد ومبتعث بامريكا لكن نسبة الشباب اللي مضيعينها هنا اضعاف البنات
انصدمت من حال المبتعثين هنا وللاسف اقولها نسبه كبيره(ما اقول الكل) منهم طايحين بالخراب
وبالعكس والله شهاده لله ماشفنا من بناتنا الا كل خير (الا مايستثنى طبعا)

لكن للاسف لازلنا مجتمع يغفر للرجل كوارثه ويعاقب البنت على غلطه

الله يخلف عليك ياصاحبة الموضوع
وش هالسطحية فـ التفكير
الحين نظرة الطرف الثاني اهم من مستقبلك!!
اقول استريحي في ديرتك وانا اخوتس وخلي ام مطلق تدور لك معرس
واتركي فرصة الابتعاث والتعلم للفتيات الطموحات اللي مسقبلهن اهم من نظرة الطرف الاخر......

< داخل عرض

والله ما اشوف فيها شي ان البنت تبتعث وتكمل تعليمها

بنات كثير مبتعثات والحمدالله محافظات على الدين والخلق لو تحصلي وحده مبتعثه خطبتها ورحت معاها

وافتكيت من الديرة اللي انا مبتعث لها

ايش يلي يخلينا نهتم الشاب السعودي وش يفكر بالمبتعثه ؟
يابنتي من راقب الناس مات هماً ورضى الناس غايه لا تدرك

فليش تتعبي نفسك بآمور مالها قيمه ولا معنى ....كل واحد له نصيب
وبعدين يازين عيال الخليج خل السعودي يلي شايف نفسه يخمج عند الغرب لين يطفس مسويين متغليين ويتنقون بعد !

البنت سواء خارج الوطن او داخل ...تربيتها تحكمها ... ومن تربي على شي ربي علييه ..
والي لهم نظرة سلبيه للبنت المبتعثه احب اقولهم البنات حتى لو عند اهلهم اذا ماتربت فاخلاقها فاسدة سواء ابتعثت او لا والكلام ايضا ينطبق على الشباب
والحمد لله النسبة العظمى من البنات الي شفتهم ونعم الاخلاق مسافرين ومتغربين لتحقيق طمووووح واتشرف اخطب لاخوي منهم